ਅਸਲੀ ਪੰਜਾਬੀ ਸੰਗੀਤ ਨੂੰ ਬਣਾਉ ਦਿਲ ਦਾ ਮੀਤ By Gulshan Kumar 26 Feb 2018 | Updated On 26 Feb 2018 07:41 IST in Punjabi Buzz New Update Advertisment ਗੁਰੂਆਂ, ਪੀਰਾਂ, ਰਾੰਝੇਆ ਦੀ ਧਰਤੀ ਪੰਜਾਬ, ਪੰਜਾਬ ਜਿਸਦੀ ਜ਼ਰਖੇਜ਼ ਮਿੱਟੀ ਉਗਲਦੀ ਹੈ ਸੋਨਾ | ਪੰਜਾਬ, ਜਿਸਦੇ ਮਿੱਠੇ ਪਾਣੀਆਂ ਚੋ ਪੈਦਾ ਹੁੰਦੀਆਂ ਨੇ ਮੁਹੱਬਤਾਂ | ਪੰਜਾਬ, ਜਿਸਦੀ ਹਰਿਆਲੀ ਤੇ ਖੁਸ਼ਹਾਲੀ ਵਿਚੋਂ ਜਨਮ ਲੈਂਦਾ ਹੈ ਰੂਹਾਂ ਨੂੰ ਸਕੂਨ ਦਿੰਦਾ ਸੰਗੀਤ | ਜਿਸ ਮਿੱਠੇ ਸੰਗੀਤ ਦੇ ਦਰਿਆਵਾਂ ਵਿਚ ਤਾਰੀਆਂ ਲਾਈਆਂ ਉਸਤਾਦ ਯਮਲੇ ਜੱਟ, ਆਸਾ ਸਿੰਘ ਮਸਤਾਨਾ, ਕੁਲਦੀਪ ਮਾਣਕ, ਸੁਰਿੰਦਰ ਕੌਰ, ਪਰਕਾਸ਼ ਕੌਰ, ਨਰਿੰਦਰ ਬੀਬਾ, ਗੁਰਮੀਤ ਬਾਵਾ ਵਰਗੇ ਬੇਸ਼ੁਮਾਰ ਲੋਕ ਗਾਇਕਾਂ ਨੇ ਤੇ ਜਿਥੇ ਸੂਫ਼ੀ ਰੰਗ ਦੀ ਤਾਨ ਛੇੜੀ ਪੂਰਨ ਸ਼ਾਹ ਕੋਟੀ, ਪੂਰਨ ਚੰਦ ਪਿਆਰੇ ਲਾਲ ਗੁਰੂ ਕੀ ਵਡਾਲੀ ਤੇ ਬਰਕਤ ਸਿਧੂ ਵਰਗੇ ਉਸਤਾਦ ਸੂਫ਼ੀ ਫ਼ਨਕਾਰਾਂ ਨੇ | Advertisment ਪੰਜਾਬੀ ਸੰਗੀਤ ਦੀ ਉਸੇ ਮਹਾਨ ਪ੍ਰੰਪਰਾ ਦੀ ਅੱਜ ਵੀ ਜੋਤ ਜਗਾਈ ਹੋਈ ਹੈ ਮਾਂ ਪੰਜਾਬੀ ਦੇ ਬਹੁਤ ਸਾਰੇ ਲਾਡਲੇ ਫ਼ਨਕਾਰਾਂ ਨੇ ਤੇ ਜਿਹਨਾਂ ਦੀ ਬਦੌਲ਼ਤ ਅੱਜ ਪੰਜਾਬੀ ਸੰਗੀਤ ਪੂਰੀ ਦੁਨੀਆਂ ਵਿੱਚ ਸੁਣਿਆ ਜਾਂਦਾ ਹੈ | ਇਸ ਦੀ ਸਭ ਤੋਂ ਵੱਡੀ ਉਦਾਹਰਨ ਹੈ ਕਿ ਜਦੋਂ ਪੰਜਾਬੀਆਂ ਦਾ ਸਾਜ਼ ਢੋਲ ਵੱਜ ਰਿਹਾ ਹੋਵੇ ਤਾਂ ਉਸ ਉਤੇ ਅੰਗਰੇਜ, ਜਪਾਨੀ, ਚੀਨੀ, ਗੋਰੇ, ਕਾਲੇ ਸਾਰੇ ਹੀ ਝੂੰਮ ਉਠਦੇ ਨੇ | ਪਰ ਹੁਣ ਪੰਜਾਬੀ ਸੰਗੀਤ ਜਿੱਥੇ ਪੂਰੀ ਦੁਨੀਆਂ ਵਿੱਚ ਫ਼ੈਲਿਆ ਹੈ | ਉਥੇ ਹੀ ਇਸ ਵਿਚ ਨਵੇਂ ਨਵੇਂ ਤਜੁਰਬੇ ਹੋਣ ਲੱਗ ਗਏ ਨੇ, ਅਸੀਂ ਵੈਸਟਰਨਾਈਜ਼ ਹੁੰਦੇ ਹੁੰਦੇ ਬਹੁਤ ਸਾਰੀਆਂ ਗੱਲਾਂ ਆਪਣੇ ਸੰਗੀਤ ਚੋਂ ਵਿਸਾਰ ਰਹੇ ਹਾਂ | ਅੱਜ ਕੱਲ ਗੱਲ ਕੁੜੀ ਤੋਂ ਸ਼ੁਰੂ ਹੋ ਕਿ ਨਸ਼ਿਆਂ, ਹਥਿਆਰਾਂ, ਫ਼ੋਕੀ ਟੌਰਬਾਜ਼ੀ ਤੇ ਖਤਮ ਹੋ ਜਾਂਦੀ ਹੈ | ਬੱਸ ਸਾਨੂੰ ਲੋੜ ਹੈ ਅਸਲੀ ਪੰਜਾਬੀ ਸੰਗੀਤ ਨੂੰ ਦੁਬਾਰਾ ਤੋਂ ਪਰਮੋਟ ਕਰਨ ਦੀ | ਜਿਸ ਲਈ ਸਾਨੂੰ ਆਪਣੇ ਗਾਣਿਆਂ ਚੋਂ ਗੁਰੇਜ਼ ਕਰਨਾ ਪਏਗਾ ਹਥਿਆਰਾਂ ਦਾ, ਨਸ਼ਿਆਂ ਦਾ, ਨੰਗ ਪੁਣੇ ਦਾ, ਤੇ ਭੈੜੀ ਸ਼ਬਦਾਬਲੀ ਦਾ | ਤਾਂ ਜੋ ਅਸੀਂ ਇਕ ਵਾਰੀ ਫ਼ੇਰ ਤੋਂ ਗਵਾਚਦੇ ਅਮੀਰ ਪੰਜਾਬੀ ਸੰਗੀਤ, ਸਭਿਆਚਾਰ ਨੂੰ ਮੁੜ ਪੈਰੀ ਕਰ ਸਕੀਏ | ਕਿਉਂਕਿ ਸਾਰੇ ਹੀ ਸਮਝਦਾਰ ਨੇ, ਸੋ ਜ਼ਿਆਦਾ ਕੁਛ ਨਾ ਕਹਿੰਦੇ ਹੋਏ ਆਉ ਅਸੀਂ ਅੱਜ ਤੋਂ ਹੀ ਕਸਮ ਖਾਈਏ ਕਿ ਅਸੀਂ ਚੰਗਾ ਲਿਖਾਂਗੇ, ਚੰਗਾ ਗਾਵਾਂਗੇ, ਚੰਗਾ ਸੁਣਾਂਗੇ ਤੇ ਪੰਜਾਬੀ ਮਾਂ ਬੋਲੀ ਦਾ ਮਾਣ ਬਣਾਂਗੇ | #latest-entertainment-news #punjabi-singer #pollywood-news #latest-punjabi-song #latest-punjabi-news #latest-punjabi-updates Subscribe to our Newsletter! Be the first to get exclusive offers and the latest news Subscribe Now Advertisment Stay updated with the latest news headlines. Follow us: Related Articles Advertisment Advertisment Latest Stories Advertisment Read the Next Article