ਹਾਕੀ ਦੇ ਮਹਾਨ ਖਿਡਾਰੀ ਮੇਜਰ ਧਿਆਨ ਚੰਦ ਦੇ ਜੀਵਨ ’ਤੇ ਬਣਨ ਜਾ ਰਹੀ ਹੈ ਫ਼ਿਲਮ
ਹਾਕੀ ਦੇ ਮਹਾਨ ਖਿਡਾਰੀ ਮੇਜਰ ਧਿਆਨ ਚੰਦ ਦੇ ਜੀਵਨ ਤੇ ਫ਼ਿਲਮ ਬਣਨ ਜਾ ਰਹੀ ਹੈ । ਧਿਆਨ ਚੰਦ ਤੇ ਬਣਨ ਜਾ ਰਹੀ ਇਹ ਫ਼ਿਲਮ 2022 'ਚ ਵੱਡੇ ਪਰਦੇ 'ਤੇ ਰਿਲੀਜ਼ ਹੋਵੇਗੀ। ਜਿਸ ਦੀ ਜਾਣਕਾਰੀ ਫ਼ਿਲਮ ਮੇਕਰਾਂ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ ’ਤੇ ਦਿੱਤੀ ਹੈ । ਤੁਹਾਨੂੰ ਦੱਸ ਦਿੰਦੇ ਹਾ ਕਿ ਸੁਪ੍ਰਤੀਕ ਸੇਨ ਅਤੇ ਅਭਿਸ਼ੇਕ ਪਿੱਛਲੇ ਇਕ ਸਾਲ ਤੋਂ ਫ਼ਿਲਮ ਦੀ ਕਹਾਣੀ ਤੇ ਕੰਮ ਕਰ ਰਹੇ ਹਨ ।
ਹੋਰ ਪੜ੍ਹੋ :
ਫਿਲਮ ਦੀ ਕਾਸਟਿੰਗ ਜਾਰੀ ਹੈ ਅਤੇ ਇਕ ਵੱਡੇ ਅਦਾਕਾਰ ਤੋਂ ਫਿਲਮ ਦੇ ਲੀਡ ਦੀ ਭੂਮਿਕਾ ਨਿਭਾਉਣ ਦੀ ਉਮੀਦ ਹੈ। ਇਸ ਫਿਲਮ ਦੇ ਮੇਕਰ ਰੌਨੀ ਸਕ੍ਰਿਓਵਾਲਾ ਇਸ ਤੋਂ ਪਹਿਲਾ ਰੰਗ ਦੇ ਬਸੰਤੀ , ਉਰੀ , ਸੋਨਚਿੜੀਆ ਤੇ ਬਰਫੀ ਵਰਗੀ ਫ਼ਿਲਮ ਨੂੰ ਪ੍ਰੋਡਿਊਸ ਕਰ ਚੁਕੇ ਹਨ। ਜੇਕਰ ਡਾਇਰੈਕਟਰ ਅਭਿਸ਼ੇਕ ਚੌਬੇ ਦੀ ਗੱਲ ਕਰੀਏ ਤਾਂ ਅਭਿਸ਼ੇਕ ਉਡਤਾ ਪੰਜਾਬ , ਇਸ਼ਕੀਆ ਤੇ ਸੋਨਚਿੜੀਆਂ ਨੂੰ ਡਾਇਰੈਕਟ ਕਰ ਚੁੱਕੇ ਹਨ।
ਇਸ ਫਿਲਮ ਬਾਰੇ ਗੱਲ ਕਰਦੇ ਹੋਏ ਅਭਿਸ਼ੇਕ ਚੌਬੇ ਨੇ ਕਿਹਾ ਕਿ ਧਿਆਨਚੰਦ ਖੇਡ ਇਤਿਹਾਸ ਵਿਚ ਸਭ ਤੋਂ ਮਹਾਨ ਹਾਕੀ ਖਿਡਾਰੀ ਹੈ ਅਤੇ ਉਨ੍ਹਾਂ ਦੀ ਬਾਇਓਪਿਕ ਨੂੰ ਡਾਇਰੈਕਟ ਕਰਨਾ ਮਾਣ ਵਾਲੀ ਗੱਲ ਹੈ। ਸਾਡੇ ਕੋਲ ਬਹੁਤ ਸਾਰਾ ਰਿਸਰਚ ਮੈਟੀਰੀਅਲ ਹੈ। ਉਨ੍ਹਾਂ ਦੀ ਜ਼ਿੰਦਗੀ ਦੀ ਹਰ ਉਪਲਬਧੀ ਆਪਣੇ ਆਪ ਵਿਚ ਇਕ ਵੱਖਰੀ ਕਹਾਣੀ ਹੈ।