ਅਦਾਕਾਰ ਆਸ਼ੀਸ਼ ਰਾਏ ਦਾ ਲੰਮੀ ਬਿਮਾਰੀ ਤੋਂ ਬਾਅਦ ਹੋਇਆ ਦਿਹਾਂਤ
ਫ਼ਿਲਮ, ਟੀਵੀ, ਥਿਏਟਰ ਅਦਾਕਾਰ ਆਸ਼ੀਸ਼ ਰਾਏ ਦਾ ਲੰਮੀ ਬਿਮਾਰੀ ਤੋਂ ਬਾਅਦ ਦਿਹਾਂਤ ਹੋ ਗਿਆ ਹੈ । ਉਹ ਪਿਛਲੇ ਇੱਕ ਹਫਤੇ ਤੋਂ ਮੁੰਬਈ ਦੇ ਇੱਕ ਹਸਪਤਾਲ ਵਿੱਚ ਭਰਤੀ ਸਨ । ਇੰਡਸਟਰੀ ਦੇ ਲੋਕਾਂ ਨੇ ਆਸ਼ੀਸ਼ ਦੀ ਮਦਦ ਕਰਨ ਲਈ ਗੁਹਾਰ ਲਗਾਈ ਸੀ । ਇੰਡਸਟਰੀ ਦੇ ਲੋਕਾਂ ਤੋਂ ਮਦਦ ਮਿਲਣ ਤੋਂ ਬਾਅਦ ਆਸ਼ੀਸ਼ ਇਲਾਜ਼ ਕਰਵਾ ਕੇ 22 ਨਵੰਬਰ ਨੂੰ ਆਪਣੇ ਘਰ ਵਾਪਿਸ ਆਏ ਸਨ ।
ਹੋਰ ਪੜ੍ਹੋ :
ਉਹਨਾਂ ਦੇ ਦਿਹਾਂਤ ਦੀ ਖ਼ਬਰ ਆਸ਼ੀਸ਼ ਦੇ ਡਰਾਈਵਰ ਰਾਜੂ ਨੇ ਦਿੱਤੀ ਹੈ । ਉਸ ਨੇ ਦੱਸਿਆ ਕਿ ਆਸ਼ੀਸ਼ ਪਿਛਲੇ 8 ਮਹੀਨਿਆਂ ਤੋਂ ਬਿਮਾਰ ਚੱਲ ਰਹੇ ਸਨ । ਹਫ਼ਤੇ ਵਿੱਚ ਤਿੰਨ ਦਿਨ ਉਹ ਉਸ ਨੂੰ ਡਾਇਲਿਸਿਸ ਲਈ ਹਸਪਤਾਲ ਲੈ ਕੇ ਜਾਂਦੇ ਸਨ ।
ਇਸ ਸਭ ਦੇ ਚਲਦੇ ਕੱਲ੍ਹ ਸ਼ਾਮ ਉਹਨਾਂ ਦੀ ਤਬੀਅਤ ਜ਼ਿਆਦਾ ਵਿਗੜ ਗਈ, ਮੰਗਲਵਾਰ ਸਵੇਰੇ 3.45 ਵਜੇ ਉਹਨਾਂ ਦਾ ਦਿਹਾਂਤ ਹੋ ਗਿਆ । ਤੁਹਾਨੂੰ ਦੱਸ ਦਿੰਦੇ ਹਾਂ ਕਿ ਬਿਮਾਰੀ ਕਾਰਨ ਆਸ਼ੀਸ਼ ਦੀ ਆਰਥਿਕ ਹਾਲਤ ਵੀ ਵਿਗੜ ਚੁੱਕੀ ਸੀ । ਇਸੇ ਲਈ ਉਹਨਾਂ ਨੇ ਲੋਕਾਂ ਤੋਂ ਚਾਰ ਲੱਖ ਰੁਪਏ ਦੀ ਮਦਦ ਮੰਗੀ ਸੀ ।