ਤਰਸੇਮ ਜੱਸੜ ਅਤੇ ਨਿਮਰਤ ਖੈਰਾ ਦੀ ਆਉਣ ਵਾਲੀ ਨਵੀ ਫ਼ਿਲਮ ਦੀਆਂ ਝਲਕੀਆਂ ਹੋਈਆਂ ਵਾਇਰਲ
ਮਸ਼ਹੂਰ ਪੰਜਾਬੀ ਗਾਇਕ ਤੇ ਅਦਾਕਾਰ ਤਰਸੇਮ ਜੱਸੜ ਅਤੇ ਬੇਹੱਦ ਖੂਬਸੂਰਤ ਅਦਾਕਾਰਾ ਨਿਮਰਤ ਖੈਰਾ nimrat khaira ਦੀ ਆਉਣ ਵਾਲੀ ਨਵੀਂ ਪੰਜਾਬੀ ਫ਼ਿਲਮ ਦਾ ਟਾਈਟਲ ਦਰਸ਼ਕਾਂ ਦੇ ਲਈ ਸਾਹਮਣੇ ਆ ਚੁੱਕਾ ਹੈ ਅਤੇ ਉਹ ਹੈ 'ਅਫਸਰ' | ਕਾਫੀ ਲੰਬੇ ਸਮੇਂ ਤੋਂ ਤਰਸੇਮ ਜੱਸੜ ਤੇ ਨਿਮਰਤ ਖੈਰਾ ਦੀ ਜੋੜੀ ਸਿਲਵਰ ਸਕਰੀਨ ਤੇ ਇਕ ਭਖਦਾ ਟੌਪਿਕ ਬਣੀ ਹੋਈ ਹੈ | ਉਹਨਾਂ ਦੇ ਫੈਨਸ ਵੀ ਉਹਨਾਂ ਨੂੰ ਇਕੱਠੇ ਵੇਖਣ ਨੂੰ ਬਹੁਤ ਉਤਸਾਹਿਤ ਹਨ| ਨਿਮਰਤ ਖੈਰਾ ਨੇ ਵੀ ਆਪਣੇ ਇੰਸਟਾਗ੍ਰਾਮ ਪੇਜ ਤੇ ਇਕ ਪੋਸਟ ਸਾਂਝੀ ਕੀਤੀ ਹੈ ਜਿਸ ਵਿਚ ਉਹ ਅਤੇ ਤਰਸੇਮ ਜੱਸੜ ਫ਼ਿਲਮ ਦੇ ਟਾਈਟਲ ਬਾਰੇ ਜਾਣਕਾਰੀ ਦੇ ਰਹੇ ਹਨ |
ਇਹ ਫ਼ਿਲਮ ਪੰਜਾਬੀ ਡਾਇਰੈਕਟਰ ਗੁਲਸ਼ਨ ਸਿੰਘ ਦੁਆਰਾ ਡਾਇਰੈਕਟ ਕੀਤੀ ਜਾ ਰਹੀ ਹੈ ਅਤੇ ਬਤੌਰ ਡਾਇਰੈਕਟਰ ਇਹ ਉਹਨਾਂ ਦੀ ਪਹਿਲੀ ਫ਼ਿਲਮ ਹੈ ਜਿਸਨੂੰ ਉਹ ਡਾਇਰੈਕਟ ਕਰ ਰਹੇ ਹਨ| ਫ਼ਿਲਮ ਪਟਿਆਲਾ ਵਿਚ ਸ਼ੂਟ ਕੀਤੀ ਜਾ ਰਹੀ ਹੈ ਅਤੇ ਅਸਲ ਜ਼ਿੰਦਗੀ ਵਿਚ ਆਉਣ ਵਾਲਿਆਂ ਮੁਸ਼ਕਿਲਾਂ ਬਾਰੇ ਬਿਆਨ ਕਰਦੀ ਹੈ |
https://www.instagram.com/p/BjyqT6zjQus/
ਤਰਸੇਮ ਜੱਸੜ ਨਿਮਰਤ ਖੈਰਾ ਤੋਂ ਇਲਾਵਾ ਨਿਰਮਲ ਰਿਸ਼ੀ,ਗੁਰਪ੍ਰੀਤ ਘੁੱਗੀ,ਵਿਜੈ ਟੰਡਨ ਕਈ ਹੋਰ ਕਲਾਕਾਰ ਵੀ ਇਸ ਫਿਲਮ 'ਚ ਨਜ਼ਰ ਆ ਰਹੇ ਹਨ | ਤਰਸੇਮ ਜੱਸੜ ਨੂੰ ਉਹਨਾਂ ਦੀਆਂ ਫ਼ਿਲਮਾਂ ਜਿਵੇਂ ਕਿ 'ਰੱਬ ਦਾ ਰੇਡੀਓ' ਅਤੇ ਸਰਦਾਰ ਮੁਹੰਮਦ ਕਰ ਕੇ ਵੀ ਫੈਨਸ ਦੁਆਰਾ ਬਹੁਤ ਪਿਆਰ ਮਿਲਿਆ ਹੈ | ਦੂਜੇ ਪਾਸੇ ਲਾਹੌਰੀਏ ਫ਼ਿਲਮ ਤੋਂ ਫੈਨਸ ਤੇ ਦਿਲਾਂ ਤੇ ਸ਼ਾਹ ਜਾਨ ਵਾਲੀ ਨਿਮਰਤ ਖੈਰਾ nimrat khaira ਨੂੰ ਵੇਖਣ ਲਈ ਸਾਰੇ ਬਹੁਤ ਉਤਸਾਹਿਤ ਹਨ | ਬਤੋਰ ਮੁੱਖ ਅਦਾਕਾਰਾ ਇਹ ਨਿਮਰਤ ਖੈਰਾ ਦੀ ਪਹਿਲੀ ਫ਼ਿਲਮ ਹੈ ਕਿਊ ਕਿ ਲਾਹੌਰੀਏ ਵਿਚ ਉਹ ਮੁੱਖ ਅਦਾਕਾਰਾ ਸਰਗੁਣ ਮਹਿਤਾ ਦੇ ਨਾਲ ਕੰਮ ਕਰ ਰਹੀ ਹੈ|
ਫ਼ਿਲਮ ਦੀ ਕਹਾਣੀ ਜੱਸ ਗਰੇਵਾਲ ਦੁਆਰਾ ਲਿਖੀ ਗਈ ਹੈ ਅਤੇ ਜਤਿੰਦਰ ਲਾਲ ਦੁਆਰਾ ਇਸਦੇ ਡਾਇਲੋਗ ਲਿਖੇ ਗਏ ਹਨ | ਉਹਨਾਂ ਦਾ ਹਾਲ ਹੀ ਵਿਚ ਆਇਆ ਗਾਣਾ 'ਕੰਟ੍ਰੀਯਾਰਡ' ਬਹੁਤ ਸੁਪਰਹਿੱਟ ਰਿਹਾ| ਇਸ ਤੋਂ ਇਲਾਵਾ ਤਰਸੇਮ ਜੱਸੜ ਹੋਰ ਵੀ ਕਈ ਮਸ਼ਹੂਰ ਗਾਣੇ ਦੇ ਚੁੱਕੇ ਹਨ | ਫ਼ਿਲਮ ਦੇ ਦੋਨੋ ਹੀ ਮੁੱਖ ਕਲਾਕਾਰ ਮਸ਼ਹੂਰ ਗਾਇਕ ਹਨ | ਕਿ ਇਹ ਦੋਨੋ ਮਸ਼ਹੂਰ ਗਾਇਕ ਸਿਲਵਰ ਸਕਰੀਨ ਤੇ ਵੀ ਆਪਣਾ ਰੰਗ ਜਮਾਉਣਗੇ ? ਇਸਦਾ ਸਾਡੇ ਕੋਲ ਕੋਈ ਜਵਾਬ ਨਹੀਂ ਤੇ ਇਸ ਲਈ ਸਾਨੂੰ ਇੰਤਜਾਰ ਕਰਨਾ ਪਊ ਉਹਨਾਂ ਦੀ ਫ਼ਿਲਮ ਦੇ ਆਉਣ ਦਾ ਅਤੇ ਰਿਲੀਜ਼ ਹੋਣ ਦੀ ਡੇਟ ਦਾ |