ਅਜੇ ਦੇਵਗਨ ਦੇ ਪਿਤਾ ਵੀਰੂ ਦੇਵਗਨ ਦਾ ਹੋਇਆ ਦਿਹਾਂਤ, ਅੰਮ੍ਰਿਤਸਰ ਦੇ ਰਹਿਣ ਵਾਲੇ ਸਨ ਵੀਰੂ ਦੇਵਗਨ 

ਬਾਲੀਵੁੱਡ ਵਿੱਚ ਐਕਸ਼ਨ ਕਿੰਗ ਦੇ ਨਾਂਅ ਨਾਲ ਜਾਣੇ ਜਾਂਦੇ ਵੀਰੂ ਦੇਵਗਨ ਨੇ ਅੱਜ ਆਖਰੀ ਸ਼ਾਹ ਲਿਆ ਹੈ । ਅਜੇ ਦੇਵਗਨ ਦੇ ਪਿਤਾ ਵੀਰੂ ਦੇਵਗਨ ਨੇ 1967 ਵਿੱਚ ਆਈ ਫ਼ਿਲਮ ਅਨੀਤਾ ਨਾਲ ਬਤੌਰ ਸਟੰਟਮੈਨ ਬਾਲੀਵੁੱਡ ਵਿੱਚ ਕਦਮ ਰੱਖਿਆ ਸੀ । ਉਹ ਪੰਜਾਬ ਦੇ ਅੰਮ੍ਰਿਤਸਰ ਦੇ ਰਹਿਣ ਵਾਲੇ ਸਨ । ਵੀਰੂ ਦੇਵਗਨ ਪਿਛਲੇ ਲੰਮੇ ਸਮੇਂ ਤੋਂ ਬਿਮਾਰ ਚੱਲ ਰਹੇ ਸਨ ਤੇ ਮੁੰਬਈ ਦੇ ਇੱਕ ਹਸਪਤਾਲ ਵਿੱਚ ਦਾਖਲ ਸਨ ।

https://twitter.com/taran_adarsh/status/1132935533301075968

ਖ਼ਬਰਾਂ ਦੀ ਮੰਨੀਏ ਤਾ ਵੀਰੂ ਦਾ ਦਿਹਾਂਤ ਦਿਲ ਦਾ ਦੌਰਾ ਪੈਣ ਨਾਲ ਹੋਇਆ ਹੈ । ਵੀਰੂ ਦਾ ਸਸਕਾਰ ਮੁੰਬਈ ਵਿੱਚ ਹੀ ਕੀਤਾ ਜਾਵੇਗਾ । ਵੀਰੂ ਦੇਵਗਨ ਨੇ ਬਾਲੀਵੁੱਡ ਵਿੱਚ ਤਕਰੀਬਲ 80 ਫ਼ਿਲਮਾਂ ਵਿੱਚ ਐਕਸ਼ਨ ਡਾਇਰੈਕਟਰ ਦੇ ਤੌਰ ਤੇ ਕੰਮ ਕੀਤਾ ਹੈ । ਇਸ ਤੋਂ ਇਲਾਵਾ ਵੀਰੂ ਨੇ ਹਿੰਦੋਸਤਾਨ ਦੀ ਕਸਮ ਫ਼ਿਲਮ ਨੂੰ ਡਾਇਰੈਕਟ ਵੀ ਕੀਤਾ ਸੀ । ਬਹੁਤ ਸਾਰੇ ਲੋਕਾਂ ਨੂੰ ਨਹੀਂ ਪਤਾ ਹੋਵੇਗਾ ਕਿ ਵੀਰੂ ਐਕਸ਼ਨ ਤੋਂ ਇਲਾਵਾ ਐਕਟਰ, ਪ੍ਰੋਡਿਊਸਰ, ਸਹਾਇਕ ਡਾਇਰੈਕਟਰ ਵੀ ਰਹੇ ਸਨ ।

https://twitter.com/ShamKaushal/status/1132933389076447232

ਵੀਰੂ ਦੇਵਗਨ ਨੇ ਬਤੌਰ ਐਕਟਰ ਸਿਰਫ ਤਿੰਨ ਫ਼ਿਲਮਾਂ ਵਿੱਚ ਹੀ ਕੰੰਮ ਕੀਤਾ ਹੈ । ਇਸ ਤੋਂ ਇਲਾਵਾ ਉਹਨਾਂ ਨੇ ਜਿਗਰ ਫ਼ਿਲਮ ਦੀ ਸਕਰਿਪਟ ਵੀ ਲਿਖੀ ਸੀ । ਵੀਰੂ ਨੇ ਫ਼ਿਲਮਾਂ ਵਿੱਚ ਕੰਮ ਕਰਨ ਲਈ ਬਹੁਤ ਸੰਘਰਸ਼ ਕੀਤਾ ਸੀ । ਇੱਥੋ ਤੱਕ ਕਿ ਲੋਕਾਂ ਦੀਆਂ ਕਾਰਾਂ ਵੀ ਧੋਤੀਆਂ ਤੇ ਕਾਰਪੈਂਟਰ ਦੀ ਨੌਕਰੀ ਤੱਕ ਕੀਤੀ ਸੀ ।