ਮੰਗਣੀ ਦੇ ਬਾਵਜੂਦ ਅਕਸ਼ੇ ਕੁਮਾਰ ਤੇ ਰਵੀਨਾ ਟੰਡਨ ਦਾ ਨਹੀਂ ਹੋਇਆ ਵਿਆਹ, ਇਹ ਸੀ ਵਜ੍ਹਾ

ਰਵੀਨਾ ਟੰਡਨ ਜਿੰਨੀ ਆਪਣੀਆਂ ਫ਼ਿਲਮਾਂ ਕਰਕੇ ਸੁਰਖੀਆਂ ਵਿੱਚ ਰਹੀ, ਓਨੀਂ ਹੀ ਉਹ ਅਕਸ਼ੇ ਕੁਮਾਰ ਨਾਲ ਆਪਣੇ ਅਫੇਅਰ ਕਰਕੇ ਵੀ ਚਰਚਾ ‘ਚ ਰਹੀ । 1994 ਵਿੱਚ ਫ਼ਿਲਮ ਦੋਹਾਂ ਦੀ ਫ਼ਿਲਮ ਮੋਹਰਾ ਆਈ ਤਾਂ ਅਕਸ਼ੇ ਤੇ ਰਵੀਨਾ ਦੀਆਂ ਨਜ਼ਦੀਕੀਆਂ ਵੀ ਵੱਧ ਗਈਆਂ । ਜਿਸ ਤਰ੍ਹਾਂ ਇਸ ਫ਼ਿਲਮ ਦੇ ਗਾਣੇ ਹਰ ਇੱਕ ਦੀ ਜ਼ੁਬਾਨ ਤੇ ਸਨ ਉਸੇ ਤਰ੍ਹਾਂ ਅਕਸ਼ੇ ਤੇ ਰਵੀਨਾ ਦਾ ਅਫੇਅਰ ਵੀ ਹਰ ਇੱਕ ਦੀ ਜ਼ੁਬਾਨ ਤੇ ਸੀ । ਇੱਕ ਮੈਗਜ਼ੀਨ ਨੂੰ ਦਿੱਤੀ ਇੰਟਰਵਿਊ ਵਿੱਚ ਰਵੀਨਾ ਨੇ ਦੱਸਿਆ ਕਿ ਮੋਹਰਾ ਦੀ ਸ਼ੂਟਿੰਗ ਤੋਂ ਬਾਅਦ ਉਹ ਤੇ ਅਕਸ਼ੇ ਵਿਆਹ ਕਰਨ ਵਾਲੇ ਸਨ ।

ਅਕਸ਼ੇ ਤੋਂ ਪਹਿਲਾਂ ਰਵੀਨਾ ਦਾ ਅਫੇਅਰ ਕਮਲ ਸਦਾਨਾ ਨਾਲ ਸੀ ਪਰ ਇਹ ਰਿਸ਼ਤਾ ਜ਼ਿਆਦਾ ਨਹੀਂ ਚਲ ਸਕਿਆ । ਅਕਸ਼ੇ ਕੁਮਾਰ ਨੇ ਰਵੀਨਾ ਟੰਡਨ ਨੂੰ ਕਿਹਾ ਕਿ ਉਹ, ਉਹ ਕੁੜੀ ਹੈ ਜਿਸ ਨਾਲ ਉਹ ਵਿਆਹ ਕਰਨਾ ਚਾਹੁੰਦੇ ਹਨ । ਇਸ ਸਭ ਦੇ ਚਲਦੇ ਅਕਸ਼ੇ ਤੇ ਰਵੀਨਾ ਟੰਡਨ ਨੇ ਮੁੰਬਈ ਦੇ ਸ਼ਿਵ ਮੰਦਰ ਵਿੱਚ ਚੋਰੀ ਛਿਪੇ ਇੰਗੇਜਮੈਂਟ ਵੀ ਕਰ ਲਈ ਸੀ ।

ਪਰ ਇਸ ਦੇ ਬਾਵਜੂਦ ਅਕਸ਼ੇ ਨੇ ਰਵੀਨਾ ਨੂੰ ਇਹ ਹਿਦਾਇਤ ਕੀਤੀ ਸੀ ਕਿ ਉਹ ਆਪਣੀ ਮੰਗਣੀ ਦੀ ਖ਼ਬਰ ਕਿਸੇ ਨੂੰ ਨਾ ਦੱਸੇ ਕਿਉਂਕਿ ਇਸ ਤਰ੍ਹਾਂ ਕਰਨ ਨਾਲ ਉਸ ਦੀ ਫੈਨ ਫੋਲਵਿੰਗ ਘੱਟ ਜਾਵੇਗੀ । ਪਰ ਇਸ ਸਭ ਦੇ ਚਲਦੇ ਅਕਸ਼ੇ ਦੇ ਸਬੰਧ ਵਿੱਚ ਇੱਕ ਵੱਡਾ ਖੁਲਸਾ ਹੋਇਆ । ਰਵੀਨਾ ਨੂੰ ਪਤਾ ਲੱਗਿਆ ਕਿ ਅਕਸ਼ੇ ਨੇ ਉਸ ਤੋਂ ਇਲਾਵਾ ਦੋ ਹੋਰ ਕੁੜੀਆਂ ਨਾਲ ਇੰਗੇਜਮੈਂਟ ਕੀਤੀ ਹੋਈ ਸੀ ।

ਰਵੀਨਾ ਅਕਸ਼ੇ ਦੇ ਧੋਖੇ ਤੋਂ ਪਰੇਸ਼ਾਨ ਹੋ ਚੁੱਕੀ ਸੀ ਪਰ ਹਰ ਵਾਰ ਅਕਸ਼ੇ ਰਵੀਨਾ ਤੋਂ ਮੁਆਫੀ ਮੰਗ ਲੈਂਦੇ ਸਨ । ਇਸ ਸਭ ਦੇ ਚਲਦੇ ਅਕਸ਼ੇ ਇੱਕ ਫ਼ਿਲਮ ਦੀ ਸ਼ੂਟਿੰਗ ਦੌਰਾਨ ਰੇਖਾ ਦੇ ਕਰੀਬ ਚਲੇ ਗਏ ਤੇ ਦੋਹਾਂ ਦੇ ਅਫੇਅਰ ਦੀਆਂ ਖ਼ਬਰਾਂ ਹਰ ਪਾਸੇ ਸੁਣਾਈ ਦੇਣ ਲੱਗੀਆਂ । ਕਹਿੰਦੇ ਹਨ ਕਿ ਰਵੀਨਾ ਨੇ ਅਕਸ਼ੇ ਨੂੰ ਰੇਖਾ ਨਾਲ ਰੋਮਾਂਸ ਕਰਦੇ ਰੰਗੇ ਹੱਥੀ ਫੜਿਆ ਸੀ । ਇਸ ਤੋਂ ਬਾਅਦ ਰਵੀਨਾ ਨੇ ਆਪਣੀ ਮੰਗਣੀ ਤੋੜ ਦਿੱਤੀ ਦੋਵੇਂ ਇੱਕ ਦੂਜੇ ਦੇ ਦੁਸ਼ਮਣ ਬਣ ਗਏ । ਕਹਿੰਦੇ ਹਨ ਕਿ ਅਕਸ਼ੇ ਤੇ ਰਵੀਨਾ ਇੱਕ ਦੂਜੇ ਨੂੰ ਅੱਜ ਤੱਕ ਨਹੀਂ ਬੁਲਾਉਂਦੇ ।