ਅਕਸ਼ੇ ਕੁਮਾਰ ਦੀ ਫ਼ਿਲਮ 'ਲਕਸ਼ਮੀ ਬੌਂਬ' ਦੇ ਡਾਇਰੈਕਟਰ ਨੂੰ ਪਸੰਦ ਨਹੀਂ ਆਇਆ ਪਹਿਲਾ ਪੋਸਟਰ ਤਾਂ ਛੱਡ ਦਿੱਤੀ ਫ਼ਿਲਮ
ਅਕਸ਼ੇ ਕੁਮਾਰ ਦੀ ਫ਼ਿਲਮ 'ਲਕਸ਼ਮੀ ਬੌਂਬ' ਦੇ ਡਾਇਰੈਕਟਰ ਨੂੰ ਪਸੰਦ ਨਹੀਂ ਆਇਆ ਪਹਿਲਾ ਪੋਸਟਰ ਤਾਂ ਛੱਡ ਦਿੱਤੀ ਫ਼ਿਲਮ : ਕੁਝ ਦਿਨ ਪਹਿਲਾਂ ਅਕਸ਼ੇ ਕੁਮਾਰ ਦੀ ਅਗਲੀ ਫ਼ਿਲਮ ਲਕਸ਼ਮੀ ਬੌਂਬ ਦੀ ਪਹਿਲੀ ਝਲਕ ਸਾਹਮਣੇ ਆਈ ਸੀ ਪਰ ਹੁਣ ਫ਼ਿਲਮ ਦੇ ਪੋਸਟਰ ਦੇ ਸਾਹਮਣੇ ਆਉਣ 'ਤੇ ਫ਼ਿਲਮ ਨੂੰ ਵੱਡਾ ਝਟਕਾ ਲੱਗਿਆ ਹੈ। ਜੀ ਹਾਂ ਫ਼ਿਲਮ ਦੇ ਨਿਰਦੇਸ਼ਕ ਰਾਘਵ ਲਾਰੈਂਸ ਨੇ ਫ਼ਿਲਮ ਛੱਡ ਦਿੱਤੀ ਹੈ ਜਿਸ ਦੀ ਜਾਣਕਾਰੀ ਉਹਨਾਂ ਨੇ ਸ਼ੋਸ਼ਲ ਮੀਡੀਆ 'ਤੇ ਇੱਕ ਨੋਟ ਸਾਂਝਾ ਕਰਕੇ ਦਿੱਤੀ ਹੈ।
ਡਾਇਰੈਕਟਰ ਰਾਘਵ ਲਾਰੈਂਸ ਨੇ ਨੋਟ ਵਿੱਚ ਲਿਖਿਆ, "ਤਮਿਲ ਵਿੱਚ ਇੱਕ ਕਹਾਵਤ ਹੈ ਕਿ ਜਿਸ ਘਰ ਵਿੱਚ ਸਨਮਾਨ ਨਾ ਮਿਲੇ,ਉਸ ਘਰ ਵਿੱਚ ਨਹੀਂ ਜਾਣਾ ਚਾਹੀਦਾ ਹੈ। ਇਸ ਦੁਨੀਆਂ 'ਚ ਦੌਲਤ ਅਤੇ ਸ਼ਹੁਰਤ ਤੋਂ ਜ਼ਿਆਦਾ ਆਤਮਸੰਮਾਨ ਜਰੂਰੀ ਹੈ। ਇਸ ਲਈ ਮੈਂ ਲਕਸ਼ਮੀ ਬੌਂਬ ਛੱਡ ਰਿਹਾ ਹਾਂ। ਫਿਲਮ ਦਾ ਪਹਿਲਾ ਪੋਸਟਰ ਮੇਰੀ ਜਾਣਕਾਰੀ ਤੋਂ ਬਿਨਾਂ ਰਿਲੀਜ਼ ਕਰ ਦਿੱਤਾ ਗਿਆ। ਮੇਰੇ ਨਾਲ ਇਸਦੀ ਕੋਈ ਚਰਚਾ ਵੀ ਨਹੀਂ ਕੀਤੀ ਗਈ। ਮੈਨੂੰ ਇੱਕ ਤੀਸਰੇ ਵਿਅਕਤੀ ਨੇ ਇਸ ਦੀ ਸੂਚਨਾ ਦਿੱਤੀ ਹੈ।
Dear Friends and Fans..!I
In this world, more than money and fame, self-respect is the most important attribute to a person's character. So I have decided to step out of the project, #Laxmmibomb Hindi remake of Kanchana@akshaykumar
@RowdyGabbar @Advani_Kiara pic.twitter.com/MXSmY4uOgR
— Raghava Lawrence (@offl_Lawrence) May 18, 2019
ਹੋਰ ਵੇਖੋ : ਨਵੀਂ ਪੰਜਾਬੀ ਫ਼ਿਲਮ 'ਪਰਿੰਦੇ' ਦਾ ਐਲਾਨ, ਸਾਹਮਣੇ ਆਇਆ ਫਰਸਟ ਲੁੱਕ
ਇੱਕ ਨਿਰਦੇਸ਼ਕ ਲਈ ਇਹ ਬੇਹੱਦ ਦੁਖਦਾਈ ਹੈ ਕਿ ਉਸਦੀ ਆਪਣੀ ਫ਼ਿਲਮ ਦੇ ਫਰਸਟ ਲੁੱਕ ਰਿਲੀਜ਼ ਦੇ ਬਾਰੇ 'ਚ ਉਸਨੂੰ ਕੋਈ ਬਾਹਰੀ ਵਿਅਕਤੀ ਆ ਕੇ ਦੱਸੇ। ਮੈਨੂੰ ਇਹ ਬੇਹੱਦ ਨਿਰਾਸ਼ਾਜਨਕ ਲੱਗਦਾ ਹੈ। ਇੱਕ ਰਚਨਾਸ਼ੀਲ ਵਿਅਕਤੀ ਹੋਣ ਦੀ ਵਜ੍ਹਾ ਕਰਕੇ ਮੈਨੂੰ ਪੋਸਟਰ ਵੀ ਪਸੰਦ ਨਹੀਂ ਆਇਆ। ਇਹ ਕਿਸੇ ਨਿਰਦੇਸ਼ਕ ਦੇ ਨਾਲ ਨਹੀਂ ਹੋਣਾ ਚਾਹੀਦਾ ਹੈ।ਦੱਸ ਦਈਏ ਅਕਸ਼ੇ ਕੁਮਾਰ ਦੀ ਇਹ ਫ਼ਿਲਮ 5 ਜੂਨ 2020 'ਚ ਰਿਲੀਜ਼ ਹੋਣ ਜਾ ਰਹੀ ਹੈ। ਦੇਖਣਾ ਹੋਵੇਗਾ ਹੁਣ ਇਸ ਫ਼ਿਲਮ ਦਾ ਨਿਰਦੇਸ਼ਨ ਕੌਣ ਕਰੇਗਾ।