ਪ੍ਰਿਯੰਕਾ ਚੋਪੜਾ ਤੋਂ ਲੈ ਕੇ ਅਮਿਤਾਭ ਬੱਚਨ ਤੱਕ ਇੰਸਟਾਗ੍ਰਾਮ ਤੇ ਇੱਕ ਪੋਸਟ ਸ਼ੇਅਰ ਕਰਨ ਦੇ ਏਨੇਂ ਕਰੋੜ ਲੈਂਦੇ ਹਨ ਇਹ ਫ਼ਿਲਮੀ ਸਿਤਾਰੇ

ਬਾਲੀਵੁੱਡ ਅਦਾਕਾਰਾ ਪ੍ਰਿਯੰਕਾ ਚੋਪੜਾ ਏਨੀਂ ਦਿਨੀਂ ਆਪਣੀ ਆਉਣ ਵਾਲੀ ਫ਼ਿਲਮ ਕਰਕੇ ਕਾਫੀ ਬਿਜੀ ਹੈ । ਪਰ ਇਸ ਸਭ ਦੇ ਬਾਵਜੂਦ ਉਹ ਸੋਸ਼ਲ ਮੀਡੀਆ ਤੇ ਕਾਫੀ ਐਕਟਿਵ ਰਹਿੰਦੀ ਹੈ । ਹਾਲ ਵਿੱਚ ਹੀ ਇੱਕ ਸੋਸ਼ਲ ਮੀਡੀਆ ਕੰਪਨੀ ਨੇ ਇੱਕ ਖ਼ਬਰ ਸਾਂਝੀ ਕੀਤੀ ਹੈ, ਜਿਸ ਵਿੱਚ ਇੰਸਟਾਗ੍ਰਾਮ ਰਿਚ ਲਿਸਟ ਜਾਰੀ ਕੀਤੀ ਗਈ ਹੈ । ਇਸ ਲਿਸਟ ਵਿੱਚ ਉਹਨਾਂ ਬਾਲੀਵੁੱਡ ਸਿਤਾਰਿਆਂ ਦੇ ਨਾਂਅ ਵੀ ਦਿੱਤੇ ਗਏ ਹਨ ਜਿਹੜੇ ਇੱਕ ਪੋਸਟ ਪਾਉਣ ਦੇ ਕਰੋੜਾਂ ਰੁਪਏ ਲੈਂਦੇ ਹਨ ।

ਇਸ ਲਿਸਟ ਵਿੱਚ ਪ੍ਰਿਯੰਕਾ ਚੋਪੜਾ ਸਭ ਤੋਂ ਉਪਰ ਹੈ । ਉਸ ਦੇ ਇੰਸਟਾਗ੍ਰਾਮ ਤੇ 40 ਮਿਲੀਅਨ ਫਾਲੋਵਰ ਹਨ । ਪ੍ਰਿਯੰਕਾ ਇੱਕ ਪੋਸਟ ਪਾਉਣ ਦੇ 1.87 ਕਰੋੜ ਰੁਪਏ ਚਾਰਜ ਕਰਦੀ ਹੈ ।

ਸੋਸ਼ਲ ਮੀਡੀਆ ਤੇ ਐਕਟਿਵ ਰਹਿਣ ਵਾਲੇ ਅਮਿਤਾਭ ਬੱਚਨ ਵੀ ਆਪਣੇ ਇੰਸਟਾਗ੍ਰਾਮ ਪੋਸਟ ਦੇ ਜ਼ਰੀਏ 40 ਤੋਂ 50 ਲੱਖ ਰੁਪਏ ਕਮਾ ਲੈਂਦੇ ਹਨ । ਹਾਲਾਂਕਿ ਅਮਿਤਾਭ ਸਭ ਤੋਂ ਵੱਧ ਵਰਤੋਂ ਟਵਿੱਟਰ ਦੀ ਕਰਦੇ ਹਨ ਤੇ ਅਕਸਰ ਕਵਿਤਾਵਾਂ ਸ਼ੇਅਰ ਕਰਦੇ ਰਹਿੰਦੇ ਹਨ ।

ਸ਼ਾਹਰੁਖ ਖ਼ਾਨ ਇੱਕ ਇੰਸਟਗ੍ਰਾਮ ਪੋਸਟ ਦੇ ਜ਼ਰੀਏ 80 ਤੋਂ 1 ਕਰੋੜ ਰੁਪਏ ਕਮਾਉਂਦੇ ਹਨ । ਭਾਵੇਂ ਉਹ ਏਨੀਂ ਦਿਨੀਂ ਸੋਸ਼ਲ ਮੀਡੀਆ ਤੇ ਬਹੁਤ ਘੱਟ ਐਕਟਿਵ ਹਨ  । ਆਲੀਆ ਭੱਟ ਆਪਣੇ ਇੰਸਟਾਗ੍ਰਾਮ ਤੇ ਇੱਕ ਪੋਸਟ ਸ਼ੇਅਰ ਕਰਨ ਲਈ ਇੱਕ ਕਰੋੜ ਰੁਪਏ ਲੈਂਦੀ ਹੈ । ਆਲੀਆ ਛੇਤੀ ਹੀ ਆਪਣਾ ਪਰਸਨਲ ਯੂਟਿਊਬ ਚੈਨਲ ਵੀ ਲਾਂਚ ਕਰਨ ਜਾ ਰਹੀ ਹੈ ।

ਇੱਕ ਇੰਸਟਾਗ੍ਰਾਮ ਪੋਸਟ ਲਈ ਸ਼ਾਹਿਦ ਕਪੂਰ 20 ਤੋਂ 30 ਲੱਖ ਰੁਪਏ ਚਾਰਜ਼ ਕਰਦੇ ਹਨ । ਹਾਲਾਂਕਿ ਫ਼ਿਲਮ ਕਬੀਰ ਸਿੰਘ ਤੋਂ ਬਾਅਦ ਲੋਕਾਂ ਵਿੱਚ ਉਹਨਾਂ ਦਾ ਕਰੇਜ ਵੱਧਿਆ ਹੈ ।

ਨੇਹਾ ਧੂਪੀਆ ਵੀ ਸੋਸ਼ਲ ਮੀਡੀਆ ਤੇ ਕਾਫੀ ਐਕਟਿਵ ਰਹਿੰਦੀ ਹੈ ਭਾਵੇਂ ਉਹਨਾਂ ਨੇ ਫ਼ਿਲਮਾਂ ਤੋਂ ਦੂਰੀ ਬਣਾ ਲਈ ਹੈ ਪਰ ਉਹ ਇੱਕ ਪੋਸਟ ਲਈ 1.5 ਲੱਖ ਰੁਪਏ ਚਾਰਜ ਕਰਦੀ ਹੈ ।