ਅਮਜਦ ਖ਼ਾਨ ਤੋਂ ਪਹਿਲਾਂ ਸ਼ੋਲੇ ਫ਼ਿਲਮ 'ਚ ਗੱਬਰ ਦਾ ਕਿਰਦਾਰ ਇਹ ਵਿਲੇਨ ਕਰਨ ਜਾ ਰਿਹਾ ਸੀ  

ਅਮਜਦ ਖ਼ਾਨ ਬਾਲੀਵੁੱਡ ਵਿੱਚ ਸਭ ਤੋਂ ਖਤਰਨਾਕ ਵਿਲੇਨ ਦੇ ਰੂਪ ਵਿੱਚ ਜਾਣੇ ਜਾਂਦੇ ਹਨ, ਉਹਨਾਂ ਨੇ ਬਹੁਤ ਸਾਰੀਆਂ ਫ਼ਿਲਮਾਂ ਵਿੱਚ ਵਿਲੇਨ ਦਾ ਰੋਲ ਨਿਭਾਇਆ ਹੈ । ਪਰ ਉਹਨਾਂ ਨੂੰ ਸ਼ੋਲੇ ਫ਼ਿਲਮ ਦੇ ਗੱਬਰ ਨਾਲ ਜੋ ਪਹਿਚਾਣ ਮਿਲੀ ਉਹ ਪਹਿਚਾਣ ਉਹਨਾਂ ਨੂੰ ਕਿਸੇ ਹੋਰ ਰੋਲ ਨਾਲ ਨਹੀਂ ਮਿਲੀ । ਇਸ ਆਰਟੀਕਲ ਵਿੱਚ ਉਹਨਾਂ ਦੇ ਜੀਵਨ ਨਾਲ ਜੁੜੀਆਂ ਕੁਝ ਖ਼ਾਸ ਗੱਲਾਂ ਦੱਸਾਂਗੇ ।

ਅਮਜਦ ਖ਼ਾਨ ਜਿਸ ਫ਼ਿਲਮ ਲਈ ਸਭ ਤੋਂ ਵੱਧ ਮਸ਼ਹੂਰ ਹੋਏ ਉਸ ਸੀ ਸ਼ੋਲੇ । ਇਸ ਫ਼ਿਲਮ ਵਿੱਚ ਗੱਬਰ ਦੇ ਕਿਰਦਾਰ ਨੇ ਉਹਨਾਂ ਨੂੰ ਪੂਰੀ ਦੁਨੀਆ ਵਿੱਚ ਪਹਿਚਾਣ ਦਿਵਾ ਦਿੱਤੀ ਸੀ । ਪਰ ਬਹੁਤ ਸਾਰੇ ਲੋਕ ਇਹ ਨਹੀਂ ਜਾਣਦੇ ਹੋਣਗੇ ਕਿ ਗੱਬਰ ਦਾ ਰੋਲ ਸਭ ਤੋਂ ਪਹਿਲਾਂ ਡੈਨੀ ਨੂੰ ਮਿਲਿਆ ਸੀ । ਪਰ ਉਹ ਕਿਸੇ ਕਾਰਨ ਕਰਕੇ ਇਹ ਫ਼ਿਲਮ ਨਹੀਂ ਸਨ ਕਰ ਪਾਏ ।

ਹੋਰ ਤਾਂ ਹੋਰ ਅਮਿਤਾਬ ਬੱਚਨ ਵੀ ਗੱਬਰ ਦਾ ਕਿਰਦਾਰ ਕਰਨ ਦੇ ਇੱਛੁਕ ਸਨ । ਪਰ ਉਹਨਾਂ ਨੂੰ ਇਹ ਰੋਲ ਨਹੀਂ ਮਿਲਿਆ ਤੇ ਅਮਜਦ ਖ਼ਾਨ ਇਸ ਕਿਰਦਾਰ ਲਈ ਚੁਣੇ ਗਏ । ਅਮਜ਼ਦ ਖ਼ਾਨ ਦੇ ਪਰਿਵਾਰ ਦਾ ਸਬੰਧ ਫ਼ਿਲਮੀ ਦੁਨੀਆ ਨਾਲ ਸ਼ੁਰੂ ਤੋਂ ਹੀ ਸੀ । ਉਹਨਾਂ ਦੇ ਪਿਤਾ ਜੀ ਜਯੰਤ (ਜਕਾਰਿਆ ਖ਼ਾਨ) ਵੀ ਫ਼ਿਲਮਾਂ ਵਿੱਚ ਵਿਲੇਨ ਦਾ ਕਿਰਦਾਰ ਨਿਭਾ ਚੁੱਕੇ ਸਨ । ਪਰ ਅਮਜਦ ਖ਼ਾਨ ਦਾ ਬੇਟਾ ਸ਼ਾਦਾਬ ਖ਼ਾਨ ਫ਼ਿਲਮਾਂ ਵਿੱਚ ਕੁਝ ਖ਼ਾਸ ਕਮਾਲ ਨਹੀਂ ਦਿਖਾ ਸਕਿਆ ਉਸ ਦੀਆਂ ਜ਼ਿਆਦਾ ਫ਼ਿਲਮਾਂ ਫਲਾਪ ਹੀ ਰਹੀਆਂ ਹਨ ।

ਅਮਜਦ ਖ਼ਾਨ ਦੇ ਕਰੀਅਰ ਦੀ ਗੱਲ ਕੀਤੀ ਜਾਵੇ ਤਾਂ ਉਹਨਾਂ ਨੇ ਕਸਮ ਖੂਨ ਕੀ, ਪਰਵਰਿਸ਼, ਇਨਕਾਰ, ਕਸਮਂੇ ਵਾਅਦੇ, ਕਾਲੀਆ, ਨਸੀਬ, ਯਾਰਾਨਾ, ਵਰਗੀਆਂ ਕਈ ਹਿੱਟ ਫ਼ਿਲਮਾਂ ਕੀਤੀਆ ਸਨ । ਅਮਜਦ ਖ਼ਾਨ ਦਾ ਜਨਮ 12 ਨਵੰਬਰ1940 ਨੂੰ ਪੇਸ਼ਾਵਰ ਪਾਕਿਸਤਾਨ ਵਿੱਚ ਹੋਇਆ ਸੀ ਜਦੋਂ ਕਿ ਮੌਤ27 ਜੁਲਾਈ 1992 ਨੂੰ ਦਿਲ ਦਾ ਦੌਰਾ ਪੈਣ ਨਾਲ ਹੋਈ ਸੀ ।