LIVE:
ਅਨੁਪਮ ਖੇਰ ਦੇ ਬੇਟੇ ਸਿਕੰਦਰ ਖੇਰ ਨੂੰ ਨਹੀਂ ਮਿਲ ਰਿਹਾ ਕੰਮ, ਇੰਸਟਾਗ੍ਰਾਮ ’ਤੇ ਕੀਤਾ ਵੱਡਾ ਖੁਲਾਸਾ
ਅਨੁਪਮ ਖੇਰ ਅਤੇ ਕਿਰਨ ਖੇਰ ਦੇ ਬੇਟੇ ਸਿਕੰਦਰ ਖੇਰ ਨੇ ਆਪਣੇ ਇੰਸਟਾਗ੍ਰਾਮ ਤੇ ਇੱਕ ਪੋਸਟ ਪਾਈ ਹੈ ਜਿਸ ਨੂੰ ਲੈ ਕੇ ਉਹ ਕਾਫੀ ਚਰਚਾ ਵਿੱਚ ਹਨ । ਹਾਲ ਹੀ ਵਿੱਚ ਸਿਕੰਦਰ ਖੇਰ ਦੀਆਂ ਤਿੰਨ ਵੈੱਬ ਸੀਰੀਜ਼ 'ਆਰੀਆ' ਅਤੇ 'ਦ ਚਾਰਜਸ਼ੀਟ' ਰਿਲੀਜ਼ ਹੋਈਆਂ ਹਨ । ਜਿਨ੍ਹਾਂ ਨੂੰ ਲੈ ਕੇ ਉਹਨਾਂ ਦੇ ਕੰਮ ਦੀ ਕਾਫੀ ਤਾਰੀਫ ਹੋਈ ਹੈ । ਪਰ ਹੁਣ ਉਸ ਨੇ ਆਪਣੇ ਇੰਸਟਾਗ੍ਰਾਮ ਅਕਾਉਟ 'ਤੇ ਜੋ ਪੋਸਟ ਪਾਈ ਹੈ ਉਸ ਨੇ ਸਭ ਨੂੰ ਹੈਰਾਨ ਕਰ ਦਿੱਤਾ ਹੈ ।
ਹੋਰ ਪੜ੍ਹੋ :
ਇਸ ਪੋਸਟ ਰਾਹੀਂ ਉਹ ਕੰਮ ਦੀ ਮੰਗ ਕਰ ਰਹੇ ਹਨ । ਸਿਕੰਦਰ ਖੇਰ ਦੀ ਇੰਸਟਾਗ੍ਰਾਮ ਪੋਸਟ ਮੁਤਾਬਕ ਉਸਨੂੰ ਕੰਮ ਦੀ ਜ਼ਰੂਰਤ ਹੈ। ਸਿਕੰਦਰ ਖੇਰ ਨੇ ਇੰਸਟਾਗ੍ਰਾਮ 'ਤੇ ਆਪਣੀ ਇੱਕ ਤਸਵੀਰ ਪੋਸਟ ਕੀਤੀ ਅਤੇ ਲਿਖਿਆ,' ਕੰਮ ਦੀ ਜ਼ਰੂਰਤ ਹੈ। ਮੈਂ ਮੁਸਕਰਾ ਵੀ ਸਕਦਾ ਹਾਂ । ਇਸ ਦੇ ਨਾਲ ਹੀ ਸਿਕੰਦਰ ਖੇਰ ਨੇ ਆਪਣੇ ਨਾਲ ਕੰਮ ਕਰਨ ਵਾਲੇ ਕਿਰਦਾਰਾਂ ਬਾਰੇ ਵੀ ਤੰਜ਼ ਕੀਤਾ ਹੈ।
ਤੁਹਾਨੂੰ ਦੱਸ ਦਿੰਦੇ ਹਾਂ ਕਿ ਸਿਕੰਦਰ ਅਕਸਰ ਗੰਭੀਰ ਅਤੇ ਤੀਬਰ ਕਿਰਦਾਰਾਂ ਵਿੱਚ ਹੀ ਦਿਖਾਈ ਦਿੰਦੇ ਹਨ । ਇਸ ਲਈ ਉਸਨੇ ਪੋਸਟ ਵਿੱਚ ਲਿਖਿਆ ਹੈ ਕਿ ਮੈਂ ਮੁਸਕਰਾ ਸਕਦਾ ਹਾਂ। ਅੰਗਦ ਬੇਦੀ ਨੇ ਸਿਕੰਦਰ ਖੇਰ ਦੀ ਪੋਸਟ 'ਤੇ ਇਮੋਜੀ ਨਾਲ ਟਿੱਪਣੀ ਕੀਤੀ ਹੈ। ਇਸ ਦੇ ਨਾਲ ਹੀ ਨਿਰਦੇਸ਼ਕ ਅਪੂਰਵ ਲੱਖੀਆ ਨੇ ਲਿਖਿਆ ਹੈ, 'ਸਰ ਮੈਂ ਜਾਣਦਾ ਹਾਂ ਕਿ ਅਮਿਤਾਭ ਬੱਚਨ ਤੋਂ ਬਾਅਦ ਤੁਸੀਂ ਸਭ ਤੋਂ ਬਿਜ਼ੀ ਐਕਟਰ ਹੋ'। ਇਸ 'ਤੇ ਸਿਕੰਦਰ ਖੇਰ ਨੇ ਜਵਾਬ ਦਿੱਤਾ,' ਸਰ, ਕੀ ਤੁਸੀਂ ਚਾਹੁੰਦੇ ਹੋ ਕਿ ਮੈਂ ਪੂਰੇ ਪਾਣੀ 'ਚ ਡੁੱਬ ਜਾਵਾਂ।'
