ਸਿਰਫ ਤਿੰਨ ਸਾਲ ਦੀ ਉਮਰ ’ਚ ਤੈਮੂਰ ਅਲੀ ਖ਼ਾਨ ਨੇ ਪਾਲੇ ਹਨ ਇਹ ਵੱਡੇ ਸ਼ੌਂਕ

ਸੈਫ ਅਲੀ ਖ਼ਾਨ ਤੇ ਕਰੀਨਾ ਕਪੂਰ ਦਾ ਬੇਟਾ ਤੈਮੂਰ ਅਲੀ ਖ਼ਾਨ ਆਪਣੀ ਕਿਊਟਨੈੱਸ ਕਰਕੇ ਆਏ ਦਿਨ ਸੋਸ਼ਲ ਮੀਡੀਆ ਤੇ ਛਾਇਆ ਰਹਿੰਦਾ ਹੈ । ਵੈਸੇ ਤਾਂ ਬਹੁਤ ਸਾਰੇ ਸਟਾਰ ਕਿਡ ਹਨ ਪਰ ਸਭ ਤੋਂ ਜ਼ਿਆਦਾ ਤੈਮੂਰ ਨੂੰ ਪਸੰਦ ਕੀਤਾ ਜਾਂਦਾ ਹੈ । ਤੁਹਾਨੂੰ ਦੱਸ ਦਿੰਦੇ ਹਾਂ ਕਿ ਤੈਮੂਰ ਪੂਰੇ 3 ਸਾਲਾਂ ਦੇ ਹੋ ਗਏ ਹਨ । ਤੈਮੂਰ ਦਾ ਜਨਮ 20 ਦਸੰਬਰ 2016 ਵਿੱਚ ਹੋਇਆ ਸੀ ।

ਕਰੀਨਾ ਕਪੂਰ ਜਦੋਂ ਵੀ ਕੋਈ ਤੈਮੂਰ ਦੀ ਫੋਟੋ ਸ਼ੇਅਰ ਕਰਦੀ ਹੈ ਤਾਂ ਲੋਕਾਂ ਵੱਲੋਂ ਉਸ ਨੂੰ ਕਾਫੀ ਪਸੰਦ ਕੀਤਾ ਜਾਂਦਾ ਹੈ । ਮੀਡੀਆ ਵਾਲੇ ਵੀ ਤੈਮੂਰ ਦੀਆਂ ਤਸਵੀਰਾਂ ਖਿੱਚਣ ਲਈ ਹਮੇਸ਼ਾ ਉਤਾਵਲੇ ਰਹਿੰਦੇ ਹਨ ।

ਸਿਰਫ 3 ਸਾਲ ਦੀ ਉਮਰ ਦਾ ਤੈਮੂਰ ਬਹੁਤ ਵੱਡੇ ਸ਼ੌਂਕ ਰੱਖਦਾ ਹੈ । ਕਰੀਨਾ ਨੇ ਇੱਕ ਇੰਟਰਵਿਊ ਵਿੱਚ ਦੱਸਿਆ ਸੀ ਕਿ ਤੈਮੂਰ ਕੈਮਰੇ ਦੇ ਅੱਗੇ ਆਉਣ ਤੋਂ ਮਨਾ ਕਰ ਦਿੰਦਾ ਹੈ । ਜਦੋਂ ਵੀ ਕੋਈ ਉਸ ਦੀ ਪਿਕਚਰ ਲੈਣ ਦੀ ਕੋਸ਼ਿਸ਼ ਕਰਦਾ ਹੈ ਤਾਂ ਸਾਫ ਕਹਿ ਦਿੰਦਾ ਨੋ ਪਿਕਚਰ ਪਲੀਜ ।

ਹਾਲ ਹੀ ਵਿੱਚ ਤੈਮੂਰ ਨੇ ਆਪਣੀ ਮੰਮੀ ਕਰੀਨਾ ਲਈ ਆਪਣੇ ਹੱਥਾਂ ਨਾਲ ਆਈਸਕਰੀਮ ਬਣਾਈ ਸੀ ਜਿਸ ਦੀ ਜਾਣਕਾਰੀ ਸ਼ੱੈਫ ਵਿਜੈ ਚੌਹਾਨ ਨੇ ਖੁਦ ਦਿੱਤੀ ਸੀ । ਤੈਮੂਰ ਨੂੰ ਯੋਗਾ ਕਰਨ ਦਾ ਵੀ ਬਹੁਤ ਸ਼ੌਂਕ ਹੈ । ਇਸ ਲਈ ਉਹ ਯੋਗਾ ਦੀਆਂ ਕਲਾਸਾਂ ਵੀ ਲੈਂਦੇ ਹਨ । ਇਸ ਤੋਂ ਇਲਾਵਾ ਤੈਮੂਰ ਨੂੰ ਬੈਡਮਿੰਟਨ ਤੇ ਫੁੱਟਬਾਲ ਖੇਡਣ ਦਾ ਵੀ ਬਹੁਤ ਸ਼ੌਂਕ ਹੈ ।