ਬੀ ਪਰਾਕ ਨੇ ਵਿਆਹ ਦੀ ਪਹਿਲੀ ਵਰ੍ਹੇਗੰਢ ‘ਤੇ ਫੋਟੋ ਸ਼ੇਅਰ ਕਰਦੇ ਹੋਏ ਵਾਈਫ਼ ਮੀਰਾ ਲਈ ਲਿਖਿਆ ਪਿਆਰ ਭਰਿਆ ਮੈਸੇਜ
ਲਾਕਡਾਊਨ ਦੇ ਚੱਲਦੇ ਪੰਜਾਬੀ ਮਿਊਜ਼ਿਕ ਇੰਡਸਟਰੀ ਦੇ ਨਾਮੀ ਸੰਗੀਤਕਾਰ ਤੇ ਗਾਇਕ ਬੀ ਪਰਾਕ ਨੇ ਆਪਣੇ ਵਿਆਹ ਦੀ ਪਹਿਲੀ ਵਰ੍ਹੇਗੰਢ ਘਰ ‘ਚ ਹੀ ਸੈਲੀਬ੍ਰੇਟ ਕੀਤੀ ਹੈ । ਜੀ ਹਾਂ ਉਨ੍ਹਾਂ ਨੇ ਆਪਣੇ ਵਿਆਹ ਦੀਆਂ ਕੁਝ ਤਸਵੀਰਾਂ ਸ਼ੇਅਰ ਕਰਦੇ ਹੋਏ ਬਹੁਤ ਹੀ ਰੋਮਾਂਟਿਕ ਮੈਸੇਜ ਆਪਣੀ ਵਾਈਫ਼ ਮੀਰਾ ਦੇ ਲਈ ਲਿਖਿਆ ਹੈ , ‘ਮੀਰਾ ਫਰਸਟ ਮੈਰਿਜ ਐਨੀਵਰਸਿਰੀ ਬੀਵੀ ਮੇਰੀ ਜਾਨ ਮੇਰਾ ਸਭ ਕੁਝ ਮੇਰੀ ਦੋਸਤ ਮੇਰਾ ਪਿਆਰ । ਤੇਰੇ ਬਿਨਾਂ ਮੈਂ ਕੁਝ ਵੀ ਨਹੀਂ, ਤੁਸੀਂ ਮੇਰੇ ਤੇ ਮੇਰੇ ਪਰਿਵਾਰ ਲਈ ਖ਼ਾਸ ਆਸ਼ੀਰਵਾਦ ਹੋ ।’
ਉਨ੍ਹਾਂ ਨੇ ਅੱਗੇ ਲਿਖਿਆ ਹੈ ਕਿ ਮੈਂ ਤੁਹਾਨੂੰ ਬਹੁਤ ਪਿਆਰ ਕਰਦਾ ਹਾਂ । ਆਪਾ ਆਪਣੀ ਪਹਿਲੀ ਵਰ੍ਹੇਗੰਢ ਘਰ ‘ਚ ਕੁਝ ਇਸ ਤਰ੍ਹਾਂ ਮਨਾ ਰਹੇ ਹਾਂ । ਪਰ ਆਪਾਂ ਇਕੱਠੇ ਹਾਂ ਤੇ ਖੁਸ਼ ਹਾਂ । ਤੁਹਾਡੇ ਤੋਹਫੇ ਉਧਾਰ ਨੇ । ਮੈਂ ਤੁਹਾਨੂੰ 80 ‘ਚ ਵੀ ਪਹੁੰਚ ਕਿ ਇਵੇਂ ਹੀ ਪਿਆਰ ਕਰਦਾ ਰਹਾਂਗਾ । ਇਸ ਪੋਸਟ ਉੱਤੇ ਪੰਜਾਬੀ ਸਿਤਾਰੇ ਜਿਵੇਂ ਗੁਰਨਜ਼ਰ, ਗੌਹਰ ਖ਼ਾਨ,ਕਰਮਜੀਤ ਅਨਮੋਲ, ਐਮੀ ਵਿਰਕ, ਜਾਨੀ,ਬੱਬਲ ਰਾਏ ਤੇ ਕਈ ਹੋਰ ਕਲਾਕਾਰਾਂ ਨੇ ਵੀ ਕਮੈਂਟਸ ਕਰਕੇ ਮੁਬਾਰਕਾਂ ਦਿੱਤੀਆਂ ਨੇ ।
ਦੱਸ ਦਈਏ ਪਿਛਲੇ ਸਾਲ 4 ਅਪ੍ਰੈਲ ਨੂੰ ਉਨ੍ਹਾਂ ਨੇ ਆਪਣੀ ਦੋਸਤ ਮੀਰਾ ਦੇ ਨਾਲ ਵਿਆਹ ਕਰਵਾ ਲਿਆ ਸੀ । ਗਿੱਪੀ ਗਰੇਵਾਲ, ਜੱਸੀ ਗਿੱਲ, ਬੱਬਲ ਰਾਏ, ਮਨਿੰਦਰ ਬੁੱਟਰ, ਪ੍ਰਭ ਗਿੱਲ ਤੇ ਕਈ ਹੋਰ ਸਿਤਾਰੇ ਬੀ ਪਰਾਕ ਦੇ ਵਿਆਹ ‘ਚ ਸ਼ਾਮਿਲ ਹੋਏ ਸਨ ।
ਜੇ ਗੱਲ ਕਰੀਏ ਬੀ ਪਰਾਕ ਦੇ ਵਰਕ ਫਰੰਟ ਦੀ ਤਾਂ ਉਹ ਪੰਜਾਬੀ ਮਿਊਜ਼ਿਕ ਜਗਤ ਨੂੰ ਕਈ ਵਧੀਆ ਗੀਤ ਦੇ ਚੁੱਕੇ ਨੇ । ਇਸ ਤੋਂ ਇਲਾਵਾ ਉਹ ਬਾਲੀਵੁੱਡ ਫ਼ਿਲਮਾਂ ‘ਚ ਗੀਤ ਗਾ ਚੁੱਕੇ ਨੇ ।