ਟੀਵੀ ਅਦਾਕਾਰਾਂ ਤੇ ਬਾਲੀਵੁੱਡ ਸਿਤਾਰਿਆਂ ਦੇ ਘਰ ਆਏ ‘ਗਣਪਤੀ ਬੱਪਾ’
ਬਾਲੀਵੁੱਡ ਸਿਤਾਰੇ ਗਣੇਸ਼ ਚਤੁਰਥੀ ਨੂੰ ਬੜੇ ਹੀ ਧੂਮ-ਧਾਮ ਨਾਲ ਮਨਾਉਂਦੇ ਨੇ। ਜਿਸਦੇ ਚੱਲਦੇ ਹਿੰਦੀ ਫ਼ਿਲਮੀ ਜਗਤ ਦੇ ਸਿਤਾਰਿਆਂ ਤੋਂ ਇਲਾਵਾ ਟੀਵੀ ਦੇ ਨਾਮੀ ਕਲਾਕਾਰ ਵੀ ਆਪਣੇ-ਆਪਣੇ ਘਰਾਂ ‘ਚ ਗਣਪਤੀ ਬੱਪਾ ਨੂੰ ਲੈ ਕੇ ਆਏ ਨੇ। ਸ਼ਰਧਾਲੂ ਬੜੀ ਹੀ ਬੇਸਬਰੀ ਦੇ ਨਾਲ ਹਰ ਸਾਲ ਇਸ ਦਿਨ ਦਾ ਇੰਤਜ਼ਾਰ ਕਰਦੇ ਨੇ ਕਦੋ ਉਹ ਗਣਪਤੀ ਬੱਪਾ ਨੂੰ ਆਪਣੇ ਘਰ ਲੈ ਕੇ ਆਉਣਗੇ।
ਏਕਤਾ ਕਪੂਰ, ਸੋਨਾਲੀ ਬੇਂਦਰੇ, ਸੋਨਮ ਕਪੂਰ, ਸੰਨੀ ਲਿਓਨ, ਸੋਨੂੰ ਸੂਦ ਤੇ ਕਈ ਹੋਰ ਬਾਲੀਵੁੱਡ ਅਦਾਕਾਰਾਂ ਨੇ ਬੜੇ ਹੀ ਗਰਮਜੋਸ਼ੀ ਦੇ ਨਾਲ ਗਣਪਤੀ ਬੱਪਾ ਦਾ ਆਪਣੇ ਘਰ ‘ਚ ਸਵਾਗਤ ਕੀਤਾ ਹੈ।
ਅਦਾਕਾਰ ਕਰਨ ਵਾਹੀ ਨੇ ਆਪਣੇ ਹੱਥਾਂ ਨਾਲ ਗਣਪਤੀ ਬੱਪਾ ਦੀ ਮੂਰਤੀ ਬਣਾਈ ਹੈ। ਇਸ ਤੋਂ ਇਲਾਵਾ ਟੀਵੀ ਅਦਾਕਾਰਾ ਜੂਹੀ ਪਰਮਾਰ ਨੇ ਵੀ ਇਸ ਤਿਉਹਾਰ ਲਈ ਸਭ ਚੀਜ਼ਾਂ ਹੋਮ ਮੇਡ ਤਿਆਰ ਕੀਤੀਆਂ ਨੇ।