ਬੱਬੂ ਮਾਨ ‘Adab Punjabi’ ਗੀਤ ਦੇ ਨਾਲ ਹੋਏ ਦਰਸ਼ਕਾਂ ਦੇ ਰੁਬਰੂ, ਗਾਇਕ ਨੇ ਫੈਨਜ਼ ਤੋਂ ਮੰਗੀ ਇਹ ਸਲਾਹ

ਪੰਜਾਬੀ ਮਿਊਜ਼ਿਕ ਇੰਡਸਟਰੀ ਦੇ ਦਿੱਗਜ ਗਾਇਕ ਬੱਬੂ ਮਾਨ ਆਪਣੇ ਨਵੇਂ ਗੀਤ ‘ਅੜਬ ਪੰਜਾਬੀ’ (Adab Punjabi) ਦੇ ਨਾਲ ਦਰਸ਼ਕਾਂ ਦੇ ਰੁਬਰੂ ਹੋਏ ਨੇ । ਇਸ ਗੀਤ ਦਾ ਆਡਿਓ ਰਿਲੀਜ਼ ਹੋਇਆ ਹੈ । ਇਹ ਆਡਿਓ 10 ਮਿੰਟਾਂ ਦਾ ਹੈ ।

ਇਸ ਗੀਤ ਦਾ ਆਡਿਓ ਯੂਟਿਊਬ ਉੱਤੇ ਰਿਲੀਜ਼ ਕਰਦੇ ਹੋਏ ਉਨ੍ਹਾਂ ਨੇ ਲਿਖਿਆ ਹੈ, ‘ਲਾਕਡਾਊਨ ਦੇ ਜਿਹੜੇ ਦਿਨ ਸੀ ਓਨਾਂ ‘ਚ ਵਕਤ ਬਹੁਤ ਸੀ । ਬਹੁਤਾ ਵਕਤ ਮੇਰਾ ਸੈਰ ਤੇ ਜਾਂ ਫਿਰ ਸਟੂਡੀਓ ਵਿੱਚ ਈ ਨਿਕਲਿਆ..ਜਦੋਂ ਮੈਂ ਇਹ ਗਾਣਾ ਬਨਾਉਣ ਲੱਗਿਆ ਤਾਂ ਬਣਾਉਂਦੇ-ਬਣਾਉਂਦੇ ਇਹ ਵਾਲਾ ਲੰਬਾ ਹੋ ਗਿਆ । ਸੋ ਇਦਾਂ ਜਿਹੜਾ ਪਹਿਲਾ ਭਾਗ ਏ ਉਹ 10 ਮਿੰਟ ਦਾ ਏ, ਅੱਗੇ ਇਦੇ volume ਬਣਾ ਤੇ 1,2,3,4...ਦੱਸੋ ਕਿੰਨੇ ਕੇ ਭਾਗ ਚਾਹੀਦੇ ਏ ਉਨ੍ਹੇ ਏ ਕੱਢ ਦਵਾਂਗੇ’ । ਯੂਟਿਊਬ ਉੱਤੇ ਵੱਡੀ ਗਿਣਤੀ ‘ਚ ਫੈਨਜ਼ ਕਮੈਂਟਸ ਕਰਕੇ ਆਪਣੀ ਰਾਏ ਦੇ ਰਹੇ ਨੇ ।

ਦੱਸ ਦਈਏ ਬੱਬੂ ਮਾਨ ਪੰਜਾਬੀ ਮਿਊਜ਼ਿਕ ਇੰਡਸਟਰੀ ਨੂੰ ਕਈ ਹਿੱਟ ਗੀਤ ਦੇ ਚੁੱਕੇ ਨੇ । ਇਸ ਤੋਂ ਇਲਾਵਾ ਉਹ ਇੱਕ ਵਾਰ ਫਿਰ ਤੋਂ ਵੱਡੇ ਪਰਦੇ ਉੱਤੇ ਅਦਾਕਾਰੀ ਕਰਦੇ ਹੋਏ ਦਿਖਾਈ ਦੇਣਗੇ । ਉਹ ਸੁੱਚਾ ਸੂਰਮਾ ਟਾਈਟਲ ਹੇਠ ਆਉਣ ਵਾਲੀ ਫ਼ਿਲਮ ‘ਚ ਨਜ਼ਰ ਆਉਣਗੇ ।