LIVE:
ਬੱਬੂ ਮਾਨ ਦੇ ਗੀਤ ‘ਮਿੱਤਰਾਂ ਦੀ ਛੱਤਰੀ’ ਨੇ ਹਾਸਿਲ ਕੀਤੇ ‘100 ਮਿਲੀਅਨ’ ਵਿਊਜ਼, ਫੈਨਜ਼ ਦੇ ਰਹੇ ਨੇ ਵਧਾਈਆਂ
ਪੰਜਾਬੀ ਗਾਇਕ ਬੱਬੂ ਮਾਨ ਇੱਕ ਵਾਰ ਫਿਰ ਤੋਂ ਚਰਚਾ ‘ਚ ਨੇ । ਜੀ ਹਾਂ ਉਨ੍ਹਾਂ ਦਾ ਸਾਲ 2005 ਆਇਆ ਗੀਤ ‘ਮਿੱਤਰਾਂ ਦੀ ਛੱਤਰੀ’ ਇੱਕ ਵਾਰ ਫਿਰ ਤੋਂ ਵਾਹ-ਵਾਹੀ ਖੱਟ ਰਿਹਾ ਹੈ । ਇਹ ਗੀਤ ਉਨ੍ਹਾਂ ਦੀ ਸੁਪਰ ਹਿੱਟ ਐਲਬਮ ‘ਪਿਆਸ’ ‘ਚੋਂ ਸੀ । ਉਸ ਸਮੇਂ ਵੀ ਵੱਡੀ ਗਿਣਤੀ ‘ਚ ਇਸ ਐਲਬਮ ਦੀਆਂ ਸੀਡੀਆਂ ਵਿਕੀਆਂ ਸੀ । ਇਸ ਗੀਤ ਨੂੰ ਸਾਲ 2012 ‘ਚ ਟੀ-ਸੀਰੀਜ਼ ਨੇ ਆਪਣੇ ਯੂਟਿਊਬ ਚੈਨਲ ਉੱਤੇ ਅਪਲੋਡ ਕੀਤਾ ਸੀ । ਅੱਠ ਸਾਲਾਂ ਤੋਂ ਲੋਕਾਂ ਵੱਲੋਂ ਦਿੱਤਾ ਪਿਆਰ ਅੱਜ 100 ਮਿਲੀਅਨ ਵਿਊਜ਼ ਦੇ ਅੰਕੜੇ ਨੂੰ ਪਾਰ ਕਰ ਗਿਆ ਹੈ । ਜਿਸ ਤੋਂ ਬਾਅਦ ਉਨ੍ਹਾਂ ਦੇ ਪ੍ਰਸ਼ੰਸਕਾਂ ਦੀ ਖੁਸ਼ੀ ਦਾ ਕੋਈ ਠਿਕਾਣਾ ਨਹੀਂ ਹੈ । ਫੈਨਜ਼ ਸੋਸ਼ਲ ਮੀਡੀਆ ਉੱਤੇ ਬੱਬੂ ਮਾਨ ਨੂੰ ਵਧਾਈਆਂ ਦੇ ਰਹੇ ਨੇ ।
Vote for your favourite : https://www.ptcpunjabi.co.in/voting/
ਜੇ ਗੱਲ ਕਰੀਏ ਬੱਬੂ ਮਾਨ ਦੀ ਲੋਕ ਪ੍ਰਿਯਤਾ ਦੀ ਉਹ ਤਾਂ ਉਨ੍ਹਾਂ ਦੇ ਅਖਾੜਿਆਂ ਦਾ ਇਕੱਠ ਹੀ ਦੱਸ ਦਿੰਦਾ ਹੈ । ਉਨ੍ਹਾਂ ਦੇ ਲਾਈਵ ਅਖਾੜਿਆਂ ‘ਚ ਇੰਨਾ ਇਕੱਠ ਹੁੰਦਾ ਹੈ ਕਿ ਪੈਰ ਰੱਖਣ ਦੀ ਥਾਂ ਨਹੀਂ ਹੁੰਦੀ । ਉਨ੍ਹਾਂ ਦੀ ਦੀਵਾਨਗੀ ਲੋਕਾਂ ਦੇ ਸਿਰ ਚੜ੍ਹ ਕੇ ਬੋਲਦੀ ਹੈ ਜਿਸ ਕਰਕੇ ਫੈਨਜ਼ ਇੱਕ ਝਲਕ ਪਾਉਣ ਦੇ ਲਈ ਲੰਮੀਆਂ ਲੰਮੀਆਂ ਕਤਾਰਾਂ ‘ਚ ਖੜੇ ਨਜ਼ਰ ਆਉਂਦੇ ਨੇ ।
ਹਾਲ ਹੀ ‘ਚ ਉਹ ‘ਕਲਿੱਕਾਂ’ ਗੀਤ ਦੇ ਨਾਲ ਦਰਸ਼ਕਾਂ ਦੇ ਰੁਬਰੂ ਹੋਏ ਨੇ । ਇਸ ਗੀਤ ਨੂੰ ਵੀ ਦਰਸ਼ਕਾਂ ਵੱਲੋਂ ਖੂਬ ਪਿਆਰ ਦਿੱਤਾ ਜਾ ਰਿਹਾ ਹੈ । ਗਾਇਕ ਹੋਣ ਦੇ ਨਾਲ ਉਹ ਚੰਗੇ ਅਦਾਕਾਰ ਵੀ ਨੇ । ਇੱਕ ਵਾਰ ਫਿਰ ਤੋਂ ਉਹ ਵੱਡੇ ਪਰਦੇ ਉੱਤੇ ਅਦਾਕਾਰੀ ਦੇ ਜਲਵੇ ਦਿਖਾਉਂਦੇ ਹੋਏ ਨਜ਼ਰ ਆਉਣਗੇ । ਉਹ ‘ਸੁੱਚਾ ਸੂਰਮਾ’ ਟਾਈਟਲ ਹੇਠ ਆਉਣ ਵਾਲੀ ਫ਼ਿਲਮ ‘ਚ ਮੁੱਖ ਕਿਰਦਾਰ ‘ਚ ਨਜ਼ਰ ਆਉਣਗੇ ।
