ਨਹੀਂ ਰਹੀ ਬਾਲਿਕਾ ਵਧੂ ਦੀ 'ਦਾਦੀ ਸਾ' ਸੁਰੇਖਾ ਸੀਕਰੀ, 75 ਸਾਲ ਦੀ ਉਮਰ ‘ਚ ਹੋਇਆ ਦਿਹਾਂਤ
ਬਾਲੀਵੁੱਡ ਜਗਤ ਤੋਂ ਇੱਕ ਹੋਰ ਦੁੱਖਦਾਇਕ ਖਬਰ ਸਾਹਮਣੇ ਆਈ ਹੈ। ਮਸ਼ਹੂਰ ਬਾਲੀਵੁੱਡ ਤੇ ਟੀਵੀ ਐਕਟਰੈੱਸ ਸੁਰੇਖਾ ਸੀਕਰੀ ਦਾ ਦਿਹਾਂਤ ਹੋ ਗਿਆ ਹੈ। ਜਾਣਕਾਰੀ ਦੇ ਅਨੁਸਾਰ ਉਨ੍ਹਾਂ ਦੀ ਮੌਤ ਕਾਰਡਿਕ ਅਰੈਸਟ ਕਾਰਨ ਹੋਈ ਹੈ। ਮਸ਼ਹੂਰ ਸੀਰੀਅਲ ਬਾਲਿਕਾ ਵਧੂ 'ਚ ਦਾਦੀ ਸਾ ਦੀ ਭੂਮਿਕਾ ਨਿਭਾਉਣ ਵਾਲੀ ਅਦਾਕਾਰਾ ਸੁਰੇਖਾ ਸੀਕਰੀ ਦੀ ਮੌਤ ਦੀ ਖਬਰ ਸਾਹਮਣੇ ਆਉਣ ਕਾਰਨ ਹਿੰਦੀ ਟੀਵੀ ਜਗਤ ਦੇ ਨਾਲ ਬਾਲੀਵੁੱਡ ਜਗਤ ਦੀ ਦੁਨੀਆ 'ਚ ਸੋਗ ਦੀ ਲਹਿਰ ਫੈਲ ਗਈ ਹੈ । ਟਵਿੱਟਰ ਉੱਤੇ ਸੁਰੇਖਾ ਸੀਕਰੀ ਦੀਆਂ ਤਸਵੀਰਾਂ ਸ਼ੇਅਰ ਕਰਕੇ ਲੋਕੀਂ ਦੁੱਖ ਜਤਾ ਰਹੇ ਨੇ।
image source- instagram
image source- instagram
ਸੁਰੇਖਾ ਸੀਕਰੀ ਭਾਰਤੀ ਫ਼ਿਲਮ, ਥਿਏਟਰ ਤੇ ਟੀਵੀ ਅਭਿਨੇਤਰੀ ਹੈ। ਉਸਦਾ ਪਿਛੋਕੜ ਉੱਤਰ ਪ੍ਰਦੇਸ਼ ਦਾ ਹੈ, ਪਰ ਉਸਦਾ ਬਚਪਨ ਅਲਮੋੜਾ ਤੇ ਨੈਨੀਤਾਲ ਵਿੱਚ ਬੀਤਿਆ। ਉਨ੍ਹਾਂ ਨੂੰ ਤਮਸ, ਮਮੋ ਤੇ ਬਧਾਈ ਹੋ ਫ਼ਿਲਮਾਂ ਲਈ 3 ਵਾਰ ਨੈਸ਼ਨਲ ਅਵਾਰਡ ਮਿਲਿਆ ਹੈ। ਉਨ੍ਹਾਂ ਨੇ ਕਈ ਨਾਮੀ ਫ਼ਿਲਮਾਂ ਤੇ ਮਸ਼ਹੂਰ ਟੀਵੀ ਸੀਰੀਅਲਾਂ 'ਚ ਕੰਮ ਕੀਤਾ ਹੈ।
image source- instagram
ਦੱਸ ਦਈਏ ਉਹ ਪਿਛਲੇ ਕੁਝ ਸਮੇਂ ਤੋਂ ਬ੍ਰੇਨ ਸਟ੍ਰੋਕ ਨਾਲ ਜੂਝ ਰਹੀ ਸੀ। ਉਨ੍ਹਾਂ ਦੀ ਮਦਦ ਦੇ ਲਈ ਐਕਟਰ ਸੋਨੂੰ ਸੂਦ ਵੀ ਅੱਗੇ ਆਏ ਸੀ। ਉਨ੍ਹਾਂ ਦੀ ਮੌਤ ਮਨੋਰੰਜਨ ਜਗਤ ਦੇ ਲਈ ਬਹੁਤ ਵੱਡਾ ਘੱਟਾ ਹੈ ਜੋ ਕਦੇ ਵੀ ਪੂਰਾ ਨਹੀਂ ਹੋ ਪਾਏਗਾ।