ਪੰਜਾਬੀ ਗਜ਼ਲ ਗਾਇਕ ਭੁਪਿੰਦਰ ਨੇ ਬੰਗਾਲੀ ਗਾਇਕਾ ਨਾਲ ਕਰਵਾਇਆ ਹੈ ਵਿਆਹ, ਇਸ ਤਰ੍ਹਾਂ ਸ਼ੁਰੂ ਹੋਈ ਸੀ ਲਵਸਟੋਰੀ

‘ਕਿਸੀ ਨਜ਼ਰ ਕੋ ਤੇਰਾ ਇੰਤਜ਼ਾਰ ਆਜ ਭੀ ਹੈ’ ਤੇ ‘ਦਿਲ ਡੂੰਡਤਾ ਹੈ ਫਿਰ ਵਹੀ’ ਵਰਗੇ ਗਾਣੇ ਲੋਕ ਅੱਜ ਵੀ ਗੁਣਗੁਣਾਉਂਦੇ ਦਿਖਾਈ ਦੇ ਜਾਂਦੇ ਹਨ । ਇਹਨਾਂ ਮਸ਼ਹੂਰ ਗਾਣਿਆਂ ਨੂੰ ਆਵਾਜ਼ ਦਿੱਤੀ ਸੀ ਮਸ਼ਹੂਰ ਗਾਇਕ ਭੁਪਿੰਦਰ ਸਿੰਘ ਨੇ । ਲੋਕ ਅੱਜ ਵੀ ਉਹਨਾਂ ਨੂੰ ਉਹਨਾਂ ਦੀ ਗਜ਼ਲਾਂ ਕਰਕੇ ਯਾਦ ਕਰਦੇ ਹਨ । ਉਹਨਾਂ ਦੇ ਕੁਝ ਹਿੱਟ ਗਾਣਿਆਂ ਦੀ ਗੱਲ ਕੀਤੀ ਜਾਵੇ ਤਾਂ ਇਸ ਲਿਸਟ ਵਿੱਚ ‘ਕਰੋਗੇ ਯਾਦ ਤੋ’, ‘ਮੀਠਾ ਬੋਲ ਬੋਲੇ’, ‘ਦਰੋ ਦੀਵਾਰ ਪੇ ਹਸਰਤ ਸੇ ਨਜ਼ਰ ਕਰਤੇ ਹੈ’ ਹਨ ।

ਭੁਪਿੰਦਰ ਸਿੰਘ ਨੇ ਮਿਊਜ਼ਿਕ ਕਰੀਅਰ ਦੀ ਗੱਲ ਕੀਤੀ ਜਾਵੇ ਤਾਂ ਉਹਨਾਂ ਨੇ ਇਸ ਦੀ ਸ਼ੁਰੂਆਤ ਆਲ ਇੰਡੀਆ ਰੇਡੀਓ ਤੋਂ ਕੀਤੀ ਸੀ । ਇਸ ਤੋਂ ਬਾਅਦ ਉਹਨਾਂ ਨੇ ਹਿੱਟ ਮਿਊਜ਼ਿਕ ਡਾਇਰੈਕਟਰ ਆਰ ਡੀ ਬਰਮਨ ਨਾਲ ਕੰਮ ਕਰਨਾ ਸ਼ੁਰੂ ਕੀਤਾ ਸੀ । ਦੋਹਾਂ ਨੇ ਕਈ ਫ਼ਿਲਮਾਂ ਲਈ ਗੀਤ ਤਿਆਰ ਕੀਤੇ । ਬਾਅਦ ਵਿੱਚ ਭੁਪਿੰਦਰ ਸਿੰਘ ਦਾ ਗਜ਼ਲਾਂ ਵੱਲ ਰੁਝਾਨ ਹੋ ਗਿਆ ਤੇ ਉਹਨਾਂ ਨੇ ਫ਼ਿਲਮੀ ਗਾਣੇ ਗਾਉਣੇ ਘੱਟ ਕਰ ਦਿੱਤੇ ।

ਭੁਪਿੰਦਰ ਸਿੰਘ ਦੀ ਲਵ ਸਟੋਰੀ ਵੀ ਕਮਾਲ ਦੀ ਹੈ । ਉਹਨਾਂ ਦੀ ਪਤਨੀ ਬੰਗਾਲੀ ਹੈ ਤੇ ਉਹ ਖੁਦ ਪੰਜਾਬੀ ਹਨ । ਇਹ ਜੋੜੀ ਗਾਇਕਾਂ ਦੀ ਸੀ ਇਸ ਲਈ ਦੋਹਾਂ ਨੂੰ ਇੱਕ ਦੂਜੇ ਨਾਲ ਸਮਾਂ ਗੁਜ਼ਾਰਨਾ ਵਧੀਆ ਲੱਗਦਾ ਸੀ । ਉਹਨਾਂ ਦੀ ਪਤਨੀ ਦਾ ਨਾਂਅ ਮਿਤਾਲੀ ਮੁਖਰਜੀ ਹੈ । ਭੁਪਿੰਦਰ ਨੇ ਜਦੋਂ ਮਿਤਾਲੀ ਦਾ ਗਾਣਾ ਸੁਣਿਆ ਤਾਂ ਸੁਣਦੇ ਹੀ ਰਹਿ ਗਏ । ਮਿਤਾਲੀ ਦੇ ਗਾਣੇ ਦੀ ਰਿਕਾਰਡਿੰਗ ਭੁਪਿੰਦਰ ਦੇ ਭਰਾ ਨੇ ਕੀਤੀ ਸੀ ।

ਜਦੋਂ ਦੋਹਾਂ ਦੀ ਪਹਿਲੀ ਮੁਲਾਕਾਤ ਹੋਈ ਤਾਂ ਮਿਤਾਲੀ ਨੇ ਆਪਣੀ ਪਹਿਚਾਣ ਦੱਸਣੀ ਚਾਹੀ ਪਰ ਭੁਪਿੰਦਰ ਨੇ ਕਿਹਾ ਕਿ ਮੈਂ ਤੈਨੂੰ ਜਾਣਦਾ ਹਾਂ ਮੈਨੂੰ ਤੁਹਾਡੀ ਆਵਾਜ਼ ਬਹੁਤ ਪਸੰਦ ਹੈ । ਇਸ ਦਿਨ ਤੋਂ ਬਾਅਦ ਇਹ ਜੋੜੀ ਅੱਜ ਵੀ ਇੱਕਠੀ ਹੈ ਕਿਉਂਕਿ 1983 ਵਿੱਚ ਇਸ ਜੋੜੀ ਨੇ ਵਿਆਹ ਕਰਵਾ ਲਿਆ ਸੀ ।