ਅੱਜ ਹੈ ਕੈਲਾਸ਼ ਖੇਰ ਦਾ ਜਨਮ ਦਿਨ, ਕਦੇ ਇਸ ਵਜ੍ਹਾ ਕਰਕੇ ਕਰਨਾ ਚਾਹੁੰਦੇ ਸਨ ਖੁਦਕੁਸ਼ੀ, ਪਰ ਇੱਕ ਠੋਕਰ ਨੇ ਬਣਾ ਦਿੱਤਾ ਸਫ਼ਲ ਗਾਇਕ

ਸੂਫ਼ੀ ਗਾਇਕ ਕੈਲਾਸ਼ ਖੇਰ ਦੀ ਆਵਾਜ਼ ਦੇ ਲੱਖਾਂ ਲੋਕ ਦੀਵਾਨੇ ਹਨ । ਉਹਨਾਂ ਦਾ ਜਨਮ 7 ਜੁਲਾਈ 1973 ਨੂੰ ੳੁੱਤਰ ਪ੍ਰਦੇਸ਼ ਦੇ ਮੇਰਠ ਵਿੱਚ ਹੋਇਆ ਸੀ । ਉਹਨਾਂ ਦੇ ਘਰ ਵਿੱਚ ਸੰਗੀਤਕ ਮਾਹੌਲ ਸੀ ਕਿਉਂਕਿ ਉਹਨਾਂ ਦੇ ਪਿਤਾ ਜੀ ਲੋਕ ਗਾਇਕ ਸਨ । 13 ਸਾਲ ਦੀ ਉਮਰ ਵਿੱਚ ਉਹਨਾਂ ਨੇ ਸੰਗੀਤ ਸਿੱਖਣ ਲਈ ਆਪਣਾ ਘਰ ਛੱਡ ਦਿੱਤਾ ਸੀ ।ਸੰਗੀਤ ਦਾ ਗਿਆਨ ਉਹਨਾਂ ਨੂੰ ਅੰਦਰੋਂ ਹੀ ਹੋਇਆ ਸੀ । ਘਰ ਛੱਡਣ ਤੋਂ ਬਾਅਦ ਕੈਲਾਸ਼ ਨੇ ਸੰਗੀਤ ਦੀਆਂ ਕਲਾਸਾਂ ਦੇਣੀਆਂ ਸ਼ੁਰੂ ਕਰ ਦਿੱਤੀਆਂ ਸਨ ।

https://www.instagram.com/p/CCQlRMbHQ6F/

ਉਹਨਾਂ ਨੂੰ 150 ਰੁਪਏ ਹਰ ਸ਼ੈਸ਼ਨ ਦੇ ਦਿੱਤੇ ਜਾਂਦੇ ਸਨ । ਉਹਨਾਂ ਨੂੰ ਲੱਗਿਆ ਕਿ ਇਸ ਤਰ੍ਹਾਂ ਉਹਨਾਂ ਦਾ ਜੀਵਨ ਸਹੀ ਨਹੀਂ ਚੱਲੇਗਾ । ਇਸ ਤੋਂ ਬਾਅਦ ਉਹਨਾਂ ਨੇ ਆਪਣੇ ਫੈਮਿਲੀ ਫਰੈਂਡ ਨਾਲ ਮਿਲ ਕੇ ਹੈਂਡੀ ਕਰਾਫਟ ਦਾ ਵਪਾਰ ਸ਼ੁਰੂ ਕੀਤਾ ਸੀ । ਇਸ ਕੰਮ ਨਾਲ ਉਹਨਾਂ ਨੂੰ ਕਾਫੀ ਘਾਟਾ ਹੋਇਆ ਤੇ ਉੇਹ ਡਿਪਰੈਸ਼ਨ ਵਿੱਚ ਚਲੇ ਗਏ । ਉਹਨਾਂ ਨੇ ਖੁਦਕੁਸ਼ੀ ਕਰਨ ਬਾਰੇ ਵੀ ਸੋਚਿਆ ।

https://www.instagram.com/p/CBtGUs8nuaw/

ਇਸ ਤੋਂ ਬਾਅਦ ਉਹਨਾਂ ਨੂੰ ਲੱਗਿਆ ਕਿ ਉਹ ਸਫਲ ਗਾਇਕ ਬਣ ਸਕਦੇ ਹਨ । ਸਾਲ 2001 ਵਿੱਚ ਉਹ ਦਿੱਲੀ ਤੋਂ ਮੁੰਬਈ ਆ ਗਏ ਤੇ ਕੰਮ ਲਈ ਭਟਕਣ ਲੱਗੇ । ਇਸ ਤੋਂ ਬਾਅਦ ਉਹਨਾਂ ਨੇ ਬਾਲੀਵੁੱਡ ਫ਼ਿਲਮਾਂ ਲਈ ਗਾਣੇ ਗਾਣੇ । ਕੈਲਾਸ਼ ਨੂੰ ਅਸਲ ਪਹਿਚਾਣ ‘ਅੱਲਾ ਕੇ ਬੰਦੇ’ ਗਾਣੇ ਨਾਲ ਮਿਲੀ ਸੀ ।

https://www.instagram.com/p/B-_l13un6l1/

ਕੈਲਾਸ਼ ਨੇ 18 ਖੇਤਰੀ ਭਾਸ਼ਾਵਾਂ ਵਿੱਚ ਗਾਣੇ ਗਾਏ ਹਨ ਤੇ ਬਾਲੀਵੁੱਡ ਨੂੰ 500 ਤੋਂ ਵੱਧ ਗਾਣੇ ਦਿੱਤੇ ਹਨ । ਕੈਲਾਸ਼ ਖੇਰ ਨੂੰ 2017 ਵਿੱਚ ਪਦਮ ਸ਼੍ਰੀ ਅਵਾਰਡ ਮਿਲਿਆ ਸੀ । ਫ਼ਿਲਮ ਫੇਅਰ ਅਵਾਰਡ ਵੀ ਕੈਲਾਸ਼ ਆਪਣੇ ਨਾਂਅ ਕਰ ਚੁੱਕੇ ਹਨ ।