ਬਾਲੀਵੁੱਡ ਫ਼ਿਲਮ 'ਮਰਜਾਵਾਂ' 'ਚ ਧੱਕ ਪਾਵੇਗਾ ਪੰਜਾਬ ਦਾ ਭਲਵਾਨ ਤੇ ਅਦਾਕਾਰ ਵਰਿੰਦਰ ਘੁੰਮਣ
ਵਰਿੰਦਰ ਸਿੰਘ ਘੁੰਮਣ ਅੰਤਰਰਾਸ਼ਟਰੀ ਬਾਡੀਬਿਲਡਰ ਅਤੇ ਰੈਸਲਰ ਜਿਸ ਦਾ ਨਾਮ ਪੂਰੀ ਦੁਨੀਆ 'ਚ ਮਸ਼ਹੂਰ ਹੈ। ਸਿਧਾਰਥ ਮਲਹੋਤਰਾ ਦੀ ਆਉਣ ਵਾਲੀ ਫ਼ਿਲਮ 'ਮਰਜਾਵਾਂ' ਜਿਹੜੀ 15 ਨਵੰਬਰ ਨੂੰ ਰਿਲੀਜ਼ ਹੋਣ ਵਾਲੀ ਹੈ। ਫ਼ਿਲਮ 'ਚ ਸਿਧਾਰਥ ਮਲੋਹਤਰਾ ਦੇ ਦਮਦਾਰ ਕਿਰਦਾਰ ਅਤੇ ਰਿਤੇਸ਼ ਦੇਸ਼ਮੁਖ ਦੇ ਵਿਲੇਨ ਦੇ ਕਿਰਦਾਰ ਨੇ ਕਾਫੀ ਪ੍ਰਭਾਵਿਤ ਕੀਤਾ ਹੈ। ਵਰਿੰਦਰ ਘੁੰਮਣ ਵੀ ਇਸ ਫ਼ਿਲਮ ਦੇ ਮੁੱਖ ਐਕਸ਼ਨ ਸੀਨ 'ਚ ਅਹਿਮ ਭੂਮਿਕਾ ਨਿਭਾਉਂਦੇ ਨਜ਼ਰ ਆਉਣ ਵਾਲੇ ਹਨ।
ਨਿਰਦੇਸ਼ਕ ਮਿਲਾਪ ਝਾਵੇਰੀ ਦਾ ਕਹਿਣਾ ਹੈ,'ਮੈਨੂੰ ਫ਼ਿਲਮ ਦੇ ਮੁੱਖ ਐਕਸ਼ਨ ਸੀਨ 'ਚ ਵਿਲੇਨ ਦੇ ਕਿਰਦਾਰ 'ਚ ਇੱਕ ਲੰਬਾ ਹੱਟਾ ਕੱਟਾ ਨੌਜਵਾਨ ਚਾਹੀਦਾ ਸੀ ਜਿਸ ਨੂੰ ਦੇਖ ਦਰਸ਼ਕ ਵੀ ਡਰ ਜਾਣ ਅਤੇ ਵਰਿੰਦਰ ਸਿੰਘ ਘੁੰਮਣ 'ਚ ਉਹ ਸਾਰੇ ਗੁਣ ਹਨ'।
ਹੋਰ ਵੇਖੋ : ਦੀਦਾਰ ਸੰਧੂ ਦੀਆਂ ਯਾਦਾਂ ਨੂੰ ਤਾਜ਼ਾ ਕਰ ਰਹੇ ਨੇ ਗਾਇਕ ਰਾਜਵੀਰ ਜਵੰਦਾ,ਦੇਖੋ ਵੀਡੀਓ
View this post on Instagram
ਦੱਸ ਦਈਏ ਵਰਿੰਦਰ ਸਿੰਘ ਘੁੰਮਣ ਜਿੰਨ੍ਹਾਂ ਨੇ 2012 'ਚ ਆਈ ਫ਼ਿਲਮ 'ਕਬੱਡੀ ਵੰਸ ਅਗੇਨ' ਰਾਹੀਂ ਫ਼ਿਲਮੀ ਸਫ਼ਰ ਦੀ ਸ਼ੁਰੂਆਤ ਕੀਤੀ ਸੀ। ਵਰਿੰਦਰ 2009 ਦਾ ਮਿਸਟਰ ਇੰਡੀਆ ਦਾ ਖ਼ਿਤਾਬ ਆਪਣੇ ਨਾਮ ਕਰ ਚੁੱਕੇ ਹਨ ਅਤੇ ਮਿਸਟਰ ਏਸ਼ੀਆ ਦੇ ਮੁਕਾਬਲੇ 'ਚ ਦੂਜਾ ਸਥਾਨ ਹਾਸਿਲ ਕੀਤਾ ਹੈ। ਵਰਿੰਦਰ ਘੁੰਮਣ ਨੂੰ ਦੁਨੀਆ ਦਾ ਪਹਿਲਾ ਪੱਕੇ ਤੌਰ 'ਤੇ ਸ਼ਾਕਾਹਾਰੀ ਬਾਡੀਬਿਲਡਰ ਮੰਨਿਆ ਜਾਂਦਾ ਹੈ। ਹੁਣ ਦੇਖਣਾ ਹੋਵੇਗਾ ਪੰਜਾਬ ਦਾ ਇਹ ਸ਼ੇਰ 'ਮਰਜਾਵਾਂ' ਫ਼ਿਲਮ 'ਚ ਕਿਹੋ ਜਿਹੀ ਪਰਫਾਰਮੈਂਸ ਲੈ ਕੇ ਆਉਂਦਾ ਹੈ।