ਬਾਲੀਵੁੱਡ 'ਚ ਲਗਾਉਣਗੇ ਦਿਲਜੀਤ ਦੋਸਾਂਝ ਕਾਮੇਡੀ ਦਾ ਤੜਕਾ

ਜਲਦ ਹੀ ਦਰਸ਼ਕਾਂ ਨੂੰ ਹਸਾਉਣ ਲਈ ਇਕ ਮਲਟੀਸਟਾਰਰ ਕਾਮੇਡੀ ਫਿਲਮ 'ਬੂਮ ਬੂਮ ਇੰਨ ਨਿਊਯਾਰਕ' ਆਉਣ ਵਾਲੀ ਹੈ। ਇਸ ਫਿਲਮ 'ਚ ਪਾਲੀਵੁੱਡ ਇੰਡਸਟਰੀ ਤੇ ਪੰਜਾਬੀ ਗਾਇਕ ਦਿਲਜੀਤ ਦੋਸਾਂਝ Diljit Dosanjh ਨਾਲ ਸੋਨਾਕਸ਼ੀ ਸਿਨਹਾ, ਕਰਨ ਜੌਹਰ, ਲਾਰਾ ਦੱਤ, ਰਿਤੇਸ਼ ਦੇਸ਼ਮੁਖ ਆਪਣੀ ਕਾਮੇਡੀ ਨਾਲ ਦਰਸ਼ਕਾਂ ਨੂੰ ਹਸਾਉਂਦੇ ਦਿਖਣ ਵਾਲੇ ਹਨ।

ਖਾਸ ਗੱਲ ਇਹ ਹੈ ਕਿ 'ਬੂਮ ਬੂਮ ਇੰਨ ਨਿਊਯਾਰਕ' ਇਕ 3ਡੀ ਫਿਲਮ ਹੈ, ਜੋ ਸਿਨੇਮਾਘਰਾਂ 'ਚ 23 ਫਰਵਰੀ ਨੂੰ ਰਿਲੀਜ਼ ਹੋਵੇਗੀ। ਇਸ ਗੱਲ ਦੀ ਜਾਣਕਾਰੀ ਖੁਦ ਟ੍ਰੇਡ ਐਕਸਪਰਟ ਤਰਣ ਆਦਰਸ਼ ਨੇ ਆਪਣੇ ਇਕ ਟਵੀਟ ਦੇ ਮਾਧਿਆਮ ਨਾਲ ਦਿੱਤੀ ਹੈ। ਖਬਰਾਂ ਦੀ ਮੰਨੀਏ ਤਾਂ 'ਬੂਮ ਬੂਮ ਇੰਨ ਨਿਊਯਾਰਕ Boom Boom In New York' ਦੀ ਕਹਾਣੀ ਆਈਫਾ ਐਵਾਰਡਜ਼ ਦੇ ਆਲੇ-ਦੁਆਲੇ ਘੁੰਮਦੀ ਦਿਖੇਗੀ।

#BreakingNews: Karan Johar, Diljit Dosanjh, Sonakshi Sinha, Riteish Deshmukh, Lara Dutta and a massive ensemble cast... #BoomBoomInNewYork , a comedy, to release on 23 Feb 2018... Chakri Toleti directs... Vashu Bhagnani and Wiz Films produce the film.

— taran adarsh (@taran_adarsh) January 8, 2018

ਸੂਤਰਾਂ ਮੁਤਾਬਕਕਰਨ ਜੌਹਰ ਇਸ ਫਿਲਮ 'ਚ ਖੁਦ ਦਾ ਹੀ ਕਿਰਦਾਰ ਨਿਭਾਉਂਦੇ ਦਿਖਾਈ ਦੇਣਗੇ, ਜਦੋਂਕਿ ਲਾਰਾ ਦੱਤਾ ਇਕ ਮੈਨੇਜਮੈਂਟ ਕੰਪਨੀ ਦੀ ਹੈੱਡ ਦਾ ਕਿਰਦਾਰ ਨਿਭਾਏਗੀ। ਲਾਰਾ ਜਦੋਂ ਤੋਂ ਇਸ ਫਿਲਮ ਬਾਰੇ ਪੁੱਛਿਆ ਗਿਆ ਤਾਂ ਉਸ ਨੇ ਦੱਸਿਆ, ''ਜਦੋਂ ਅਸੀਂ ਲੋਕ ਫਿਲਮ ਨੂੰ ਨਿਊਯਾਰਕ 'ਚ ਸ਼ੂਟ ਕਰ ਰਹੇ ਸਨ ਤਾਂ ਸੈੱਟ 'ਤੇ ਪੂਰੀ ਪਾਗਲਪੰਤੀ ਦੇਖਣ ਨੂੰ ਮਿਲਦੀ ਸੀ, ਜਿਸ ਕਾਰਨ ਸਾਡੇ ਸਾਰਿਆਂ ਅੰਦਰ ਇਕ ਵੱਖਰਾ ਜਿਹਾ ਉਤਸ਼ਾਹ ਰਹਿੰਦਾ ਸੀ। ਮੈਨੂੰ ਖੁਸ਼ੀ ਹੈ ਕਿ ਮੈਂ ਇਸ ਫਿਲਮ ਦਾ ਹਿੱਸਾ ਬਣੀ। ਇਸ ਦੇ ਨਾਲ ਹੀ ਇਹ ਪਹਿਲਾਂ ਮੌਕਾ ਹੈ, ਜਦੋਂ ਮੈਂ ਇਸ ਤਰ੍ਹਾਂ ਦੀ ਕੋਈ ਪਹਿਲਾਂ ਨਹੀਂ ਕੀਤੀ। ਮੈਂ ਇਸ ਫਿਲਮ ਨੂੰ ਲੈ ਕੇ ਕਾਫੀ ਉਤਸ਼ਾਹਿਤ ਹਾਂ।''