ਇੱਕ ਹਾਦਸੇ ਨੇ ਬਰਬਾਦ ਕਰ ਦਿੱਤੀ ਸੀ ਅਦਾਕਾਰ ਚੰਦਰਚੂੜ ਦੀ ਜ਼ਿੰਦਗੀ, ਅੱਜ ਇਸ ਤਰ੍ਹਾਂ ਗੁਜ਼ਾਰ ਰਹੇ ਹਨ ਜ਼ਿੰਦਗੀ

90 ਦੇ ਦਹਾਕੇ ਵਿੱਚ ਤੇਰੇ ਮੇਰੇ ਸਪਨੇ ਫ਼ਿਲਮ ਰਾਹੀਂ ਬਾਲੀਵੁੱਡ ਵਿੱਚ ਆਏ ਚੰਦਰਚੂੜ ਸਿੰਘ ਦਾ 11 ਅਕਤੂਬਰ ਨੂੰ ਜਨਮ ਦਿਨ ਹੁੰਦਾ ਹੈ । ਚੰਦਰਚੂੜ ਸਿੰਘ ਨੇ ਏਸ਼ਵਰੀਆ ਰਾਏ ਨਾਲ ਫ਼ਿਲਮ ਜੋਸ਼ ਵਿੱਚ ਕੰਮ ਕੀਤਾ ਹੈ, ਇਸ ਰੋਲ ਵਿੱਚ ਉਹ ਕਾਫੀ ਜਚੇ ਵੀ ਸਨ । ਇਸ ਤੋਂ ਇਲਾਵਾ ਚੰਦਰਚੂੜ ਨੂੰ ਫ਼ਿਲਮ ਮਾਚਿਸ ਲਈ ਵੀ ਯਾਦ ਕੀਤਾ ਜਾਂਦਾ ਹੈ ਇਸ ਫ਼ਿਲਮ ਵਿੱਚ ਉਹ ਅੱਤਵਾਦੀ ਬਣੇ ਸਨ । ਇਸ ਫ਼ਿਲਮ ਲਈ ਉਹਨਾਂ ਨੂੰ ਫ਼ਿਲਮ ਫੇਅਰ ਅਵਾਰਡ ਵੀ ਮਿਲਿਆ ਸੀ ।

https://www.instagram.com/p/B2wzVDrh5aL/

ਚੰਦਰਚੂੜ ਸਿੰਘ ਉੱਤਰ ਪ੍ਰਦੇਸ਼ ਦੇ ਰਹਿਣ ਵਾਲੇ ਹਨ । 11 ਅਕਤੂਬਰ 1968 ਵਿੱਚ ਉਹਨਾਂ ਦਾ ਜਨਮ ਅਲੀਗੜ੍ਹ ਵਿੱਚ ਹੋਇਆ ਸੀ । ਉਹਨਾਂ ਦੇ ਦੋ ਭਰਾ ਤੇ ਪਿਤਾ ਸਾਬਕਾ ਵਿਧਾਇਕ ਰਹਿ ਚੁੱਕੇ ਹਨ । ਉਹਨਾਂ ਨੇ ਦੇਹਰਾਦੂਨ ਦੇ ਦੂਨ ਸਕੂਲ ਤੋਂ ਪੜ੍ਹਾਈ ਕੀਤੀ ਹੈ । ਫ਼ਿਲਮਾਂ ਵਿੱਚ ਆਉਣ ਤੋਂ ਪਹਿਲਾਂ ਉਹ ਸੰਗੀਤ ਦੇ ਅਧਿਆਪਕ ਸਨ । ਅਮਿਤਾਬ ਬੱਚਨ ਦੀ ਕੰਪਨੀ ਏਬੀਸੀਐੱਲ ਦੇ ਟੈਲੇਂਟ ਹੰਟ ਸ਼ੋਅ ਵਿੱਚ ਚੰਦਰਚੂੜ ਨੇ ਹਿੱਸਾ ਲਿਆ ਸੀ ਤੇ ਫ਼ਿਲਮ ਤੇਰੇ ਮੇਰੇ ਸਪਨੇ ਨਾਲ, ਉਹਨਾਂ ਨੂੰ ਪਹਿਚਾਣ ਮਿਲੀ ਸੀ ।

https://www.instagram.com/p/Bx78a4CBezP/

ਬਾਲੀਵੁੱਡ ਵਿੱਚ ਉਹ ਇੱਕ ਤੋਂ ਬਾਅਦ ਇੱਕ ਫ਼ਿਲਮਾਂ ਕਰ ਰਹੇ ਸਨ ਪਰ ਇੱਕ ਹਾਦਸੇ ਨੇ ਉਹਨਾਂ ਦੀ ਜ਼ਿੰਦਗੀ ਹੀ ਬਦਲ ਦਿੱਤੀ । ਇਸ ਹਾਦਸੇ ਤੋਂ ਬਾਅਦ ਉਹਨਾਂ ਨੂੰ ਫ਼ਿਲਮਾਂ ਵਿੱਚ ਕੰਮ ਮਿਲਣਾ ਬੰਦ ਹੋ ਗਿਆ, ਅਚਾਨਕ ਉਹ ਬਾਲੀਵੁੱਡ ਵਿੱਚੋਂ ਲਾਪਤਾ ਹੋ ਗਏ । ਇਸ ਹਾਦਸੇ ਵਿੱਚ ਚੰਦਰਚੂੜ ਦੇ ਮੋਡੇ ਤੇ ਭਿਆਨਕ ਛੱਟ ਵੱਜੀ ਸੀ ।

ਇਸ ਹਾਦਸੇ ਚੋਂ ਉਭਰਨ ਵਿੱਚ ਚੰਦਰਚੂੜ ਨੂੰ 10 ਸਾਲ ਲੱਗ ਗਏ । ਉਹਨਾਂ ਨੇ ਫ਼ਿਲਮ ਚਾਰ ਦਿਨ ਕੀ ਚਾਂਦਨੀ ਨਾਲ ਦੁਬਾਰਾ ਵਾਪਸੀ ਕੀਤੀ ਪਰ ਇਹ ਫ਼ਿਲਮ ਫਲਾਪ ਹੋ ਗਈ ਤੇ ਉਹ ਇੱਕ ਵਾਰ ਫਿਰ ਵੱਡੇ ਪਰਦੇ ਤੋਂ ਗਾਇਬ ਹੋ ਗਏ । ਅੱਜ ਉਹਨਾਂ ਨੂੰ ਟੀਵੀ ਤੇ ਵੀ ਕੰਮ ਨਹੀਂ ਮਿਲ ਰਿਹਾ । ਉਹਨਾਂ ਦਾ ਵਿਆਹ ਅਵੰਤਿਕਾ ਕੁਮਾਰੀ ਨਾਲ ਹੋਇਆ । ਇਸ ਜੋੜੀ ਦਾ ਇੱਕ ਬੇਟਾ ਵੀ ਹੈ ।