ਦੋ ਹੋਰ ਪੰਜਾਬੀ ਫ਼ਿਲਮਾਂ ਦਾ ਹੋਇਆ ਐਲਾਨ, 2020 'ਚ ਦੇਖਣ ਨੂੰ ਮਿਲੇਗੀ 'ਡਾਕੂਆਂ ਦਾ ਮੁੰਡਾ 2' ਤੇ 'ਮੰਗਲ ਤਾਰਾ'

ਪੰਜਾਬੀ ਸਿਨੇਮਾ ਦਿਨੋਂ ਦਿਨ ਆਸਮਾਨ ਦੀਆਂ ਬੁਲੰਦੀਆਂ ਨੂੰ ਛੂਹ ਰਿਹਾ ਹੈ। ਜਿੱਥੇ ਇੰਡਸਟਰੀ ਦੇ ਕਈ ਪੁਰਾਣੇ ਮੇਕਰਸ ਵੱਲੋਂ ਫ਼ਿਲਮਾਂ ਦਾ ਐਲਾਨ ਕੀਤਾ ਜਾ ਰਿਹਾ ਹੈ ਉੱਥੇ ਹੀ ਨਵੇਂ ਨਿਰਮਾਤਾ ਵੀ ਪੰਜਾਬੀ ਸਿਨੇਮਾ 'ਚ ਆ ਰਹੇ ਹਨ। ਡਰੀਮ ਰਿਆਲਟੀ ਫ਼ਿਲਮਜ਼ ਪੰਜਾਬੀ ਸਿਨੇਮਾ ਦਾ ਨਾਮੀ ਪ੍ਰੋਡਕਸ਼ਨ ਹਾਊਸ ਹੈ। ਡਰੀਮ ਰਿਆਲਟੀ ਫ਼ਿਲਮਜ਼ ਅਤੇ ਓਮਜੀ ਸਟਾਰ ਸਟੂਡੀਓ ਹੁਣ 2020 'ਚ ਦੋ ਵੱਡੀਆਂ ਫ਼ਿਲਮਾਂ ਲਈ ਕੋਲੈਬੋਰੇਟ ਕਰਨ ਜਾ ਰਹੇ ਹਨ। ਜੀ ਹਾਂ ਰੁਪਿੰਦਰ ਗਾਂਧੀ ਪਹਿਲੀ ਅਤੇ ਦੂਜੀ, ਡਾਕੂਆਂ ਦਾ ਮੁੰਡਾ, ਕਾਕਾ ਜੀ ਅਤੇ ਡੀ.ਐੱਸ.ਪੀ.ਦੇਵ ਦੀ ਸਫ਼ਲਤਾ ਤੋਂ ਬਾਅਦ ਹੁਣ ਡਾਕੂਆਂ ਦਾ ਮੁੰਡਾ 2 ਅਤੇ ਮੰਗਲ ਤਾਰਾ ਦਾ ਐਲਾਨ ਕਰ ਦਿੱਤਾ ਗਿਆ ਹੈ।

 

View this post on Instagram

 

Get ready to witness the collaboration of like minded makers, #DreamRealityFilms and #OmjeeStarStudios in the year 2020! Stay tuned for more exciting updates! . . . #MangalTaara #DakuaanDaMunda2

A post shared by Omjee Group (@omjeegroup) on Sep 11, 2019 at 5:09am PDT

ਇਸ ਬਾਰੇ ਜਾਣਕਾਰੀ ਸੋਸ਼ਲ ਮੀਡੀਆ 'ਤੇ ਓਮਜੀ ਗਰੁੱਪ ਵੱਲੋਂ ਦਿੱਤੀ ਗਈ ਹੈ। ਡਾਕੂਆਂ ਦਾ ਮੁੰਡਾ ਦਾ ਸੀਕਵਲ ਡਾਕੂਆਂ ਦਾ ਮੁੰਡਾ 2 ਅਗਲੇ ਸਾਲ 11 ਸਤੰਬਰ 2020 'ਚ ਦੇਖਣ ਮਿਲੇਗੀ ਜਦੋਂ ਕਿ ਮੰਗਲ ਤਾਰਾ ਅਗਲੇ ਸਾਲ ਅਪ੍ਰੈਲ 'ਚ ਰਿਲੀਜ਼ ਹੋਣ ਵਾਲੀ ਹੈ। ਡਾਕੂਆਂ ਦਾ ਮੁੰਡਾ ਫ਼ਿਲਮ ਲੇਖਕ ਅਤੇ ਪੱਤਰਕਾਰ ਮਿੰਟੂ ਗੁਰਸਰੀਆ ਦੀ ਕਿਤਾਬ ਡਾਕੂਆਂ ਦਾ ਮੁੰਡਾ 'ਤੇ ਅਧਾਰਿਤ ਸੀ ਜਿਸ 'ਚ ਦੇਵ ਖਰੌੜ ਨੇ ਮੁੱਖ ਭੂਮਿਕਾ ਨਿਭਾਈ ਸੀ। ਫ਼ਿਲਮ ਦੀ ਸਟਾਰ ਕਾਸਟ ਬਾਰੇ ਹਾਲੇ ਕੋਈ ਜਾਣਕਰੀ ਸਾਹਮਣੇ ਨਹੀਂ ਹੈ ਦੇਖਣਾ ਹੋਵੇਗਾ ਇੰਨ੍ਹਾਂ ਫ਼ਿਲਮਾਂ 'ਚ ਕਿਹੜਾ ਕਲਾਕਾਰ ਲੀਡ ਰੋਲ 'ਚ ਨਜ਼ਰ ਆਉਂਦਾ ਹੈ।