ਇਸ ਵਜ੍ਹਾ ਕਰਕੇ 11 ਸਾਲ ਦੀ ਉਮਰ 'ਚ ਘਰੋਂ ਭੱਜ ਗਏ ਸਨ ਦਲੇਰ ਮਹਿੰਦੀ, ਇਸ ਲਈ ਰੱਖਿਆ ਗਿਆ ਦਲੇਰ ਮਹਿੰਦੀ ਨਾਂਅ 

ਦਲੇਰ ਮਹਿੰਦੀ ਉਹ ਪੰਜਾਬੀ ਗਾਇਕ ਹੈ ਜਿਸ ਨੇ ਪੰਜਾਬੀ ਮਿਊਜ਼ਿਕ ਨੂੰ ਦੁਨੀਆ ਦੇ ਹਰ ਕੋਨੇ ਵਿੱਚ ਪਹੁੰਚਾਇਆ । ਬਿਹਾਰ ਦੇ ਪਟਨਾ ਵਿੱਚ ਜਨਮੇ ਦਲੇਰ ਮਹਿੰਦੀ ਨੂੰ ਸੰਗੀਤ ਵਿਰਾਸਤ ਵਿੱਚ ਹੀ ਮਿਲਿਆ ਸੀ, ਇਹੀ ਕਾਰਨ ਹੈ ਕਿ ਉਹਨਾਂ ਨੂੰ ਸੰਗੀਤ ਦਾ ਸ਼ੌਂਕ ਬਚਪਨ ਤੋਂ ਹੀ ਸੀ । ਬਚਪਨ ਵਿੱਚ ਦਲੇਰ ਮਹਿੰਦੀ ਦਾ ਨਾਂ ਦਲੇਰ ਸਿੰਘ ਸੀ । ਦਰਅਸਲ ਉਹਨਾਂ ਦੇ ਮਾਤਾ ਪਿਤਾ ਨੇ ਡਾਕੂ ਦਲੇਰ ਸਿੰਘ ਤੋਂ ਪ੍ਰਭਾਵਿਤ ਹੋ ਕੇ ਰੱਖਿਆ ਸੀ ।

https://www.instagram.com/p/B1S4aoQhgCu/

ਜਦੋਂ ਦਲੇਰ ਵੱਡੇ ਹੋਏ ਤਾਂ ਮਸ਼ਹੂਰ ਗਾਇਕ ਪਰਵੇਜ ਮਹਿੰਦੀ ਦੇ ਨਾਂ ਤੇ ਉਹਨਾਂ ਦੇ ਨਾਂਅ ਦੇ ਅੱਗੇ ਮਹਿੰਦੀ ਲਗਾ ਦਿੱਤਾ ਗਿਆ । ਦਲੇਰ ਮਹਿੰਦੀ ਨੂੰ ਬਚਪਨ ਤੋਂ ਹੀ ਰਾਗ ਤੇ ਸ਼ਬਦ ਗਾਉਣ ਦੀ ਸਿੱਖਿਆ ਦਿੱਤੀ ਗਈ ਸੀ । ਦਲੇਰ ਮਹਿੰਦੀ ਨੂੰ ਗਾਣੇ ਗਾਉਣ ਦਾ ਅਜਿਹਾ ਸ਼ੌਂਕ ਸੀ ਕਿ ਉਹਨਾਂ ਨੇ 11 ਸਾਲਾਂ ਦੀ ਉਮਰ ਵਿੱਚ ਆਪਣਾ ਘਰ ਛੱਡ ਦਿੱਤਾ ਸੀ ।

https://www.instagram.com/p/B0-0mMahW63/

ਘਰੋਂ ਭੱਜ ਕੇ ਉਹ ਗੋਰਖਪੁਰ ਆ ਗਏ ਸਨ ਇੱਥੇ ਮਹਿੰਦੀ ਨੇ ਉਸਤਾਦ ਰਾਹਤ ਅਲੀ ਖ਼ਾਨ ਸਾਹਿਬ ਤੋਂ ਸੰਗੀਤ ਦੇ ਗੁਰ ਸਿੱਖੇ ਸਨ । 13 ਸਾਲਾਂ ਦੀ ਉਮਰ ਵਿੱਚ ਦਲੇਰ ਨੇ 2੦ ਹਜ਼ਾਰ ਲੋਕਾਂ ਦੇ ਇੱਕਠ ਦੇ ਸਾਹਮਣੇ ਜੋਨਪੁਰ ਵਿੱਚ ਸਟੇਜ ਪਰਫਾਰਮੈਂਸ ਦਿੱਤੀ ਸੀ । ਦਲੇਰ ਮਹਿੰਦੀ ਦੇ ਬਹੁਤ ਸਾਰੇ ਗਾਣੇ ਹਿੱਟ ਹੋਏ ਪਰ ਇੱਕ ਗਾਣੇ ਨੇ ਉਹਨਾਂ ਦੀ ਪੂਰੀ ਦੁਨੀਆ ਵਿੱਚ ਧਾਕ ਜਮਾ ਦਿੱਤੀ ਸੀ, ਤੇ ਉਹ ਗਾਣਾ ਸੀ 'ਬੋਲੋ ਤਾ ਰਾ ਰਾ' ।

https://www.instagram.com/p/B1S1WgIB_sG/

ਦਲੇਰ ਮਹਿੰਦੀ ਦੀ ਨਿੱਜੀ ਜ਼ਿੰਦਗੀ ਦੀ ਗੱਲ ਕੀਤੀ ਜਾਵੇ ਤਾਂ ਉਹਨਾਂ ਨੇ ਗਾਇਕਾ ਤਰਨਪ੍ਰੀਤ ਨਾਲ ਵਿਆਹ ਕੀਤਾ ਹੈ । ਦਲੇਰ ਚਾਰ ਬੱਚਿਆਂ ਦੇ ਪਿਤਾ ਹਨ । ਉਹਨਾਂ ਦੇ ਬੱਚਿਆਂ ਦਾ ਨਾਂ ਗੁਰਦੀਪ, ਅਜੀਤ, ਪ੍ਰਭਜੋਤ ਤੇ ਰਬਾਬ ਹੈ ।