ਦੀਪਿਕਾ ਪਾਦੂਕੋਣ ਬਣੀ ਮਨਰੇਗਾ ਮਜ਼ਦੂਰ, ਜੌਬ ਕਾਰਡ ’ਤੇ ਦੀਪਿਕਾ ਦੀ ਤਸਵੀਰ
ਮਨਰੇਗਾ ਯੋਜਨਾ ਇਸ ਲਈ ਸ਼ੁਰੂ ਕੀਤੀ ਗਈ ਸੀ ਤਾਂ ਜੋ ਹਰ ਇੱਕ ਨੂੰ ਰੁਜ਼ਗਾਰ ਮਿਲ ਸਕੇ । ਇਸ ਯੋਜਨਾ ਨੂੰ ਲੈ ਕੇ ਇੱਕ ਅਜੀਬ ਮਾਮਲਾ ਸਾਹਮਣੇ ਆਇਆ ਹੈ ਜਿਸ 'ਚ ਮਨਰੇਗਾ ਜੌਬ ਕਾਰਡ 'ਚ ਕਿਸੇ ਹੋਰ ਦੀ ਨਹੀਂ ਅਦਾਕਾਰਾ ਦੀਪਿਕਾ ਪਾਦੁਕੋਣ ਦੀ ਫੋਟੋ ਛਪੀ ਹੋਈ ਹੈ।
ਹੋਰ ਪੜ੍ਹੋ :
ਸੋਸ਼ਲ ਮੀਡੀਆ 'ਤੇ ਮਨਰੇਗਾ ਦੇ ਜੌਬ ਕਾਰਡ ਦੀਆਂ ਕੁਝ ਤਸਵੀਰਾਂ ਵਾਇਰਲ ਹੋ ਰਹੀਆਂ ਹਨ ਜਿਸ 'ਚ ਮਜ਼ਦੂਰ ਦਾ ਨਾਂ ਤੇ ਪਤਾ ਤਾਂ ਸਹੀ ਲਿਖਿਆ ਹੈ ਪਰ ਫੋਟੋ 'ਚ ਦੀਪਿਕਾ ਪਾਦੁਕੋਣ ਸਣੇ ਕਈ ਅਦਾਕਾਰਾ ਦੀਆਂ ਫੋਟੋਆਂ ਲੱਗੀਆਂ ਹੋਈਆਂ ਹਨ। ਕਈ ਮੀਡੀਆ ਰਿਪੋਰਟਸ 'ਚ ਦੱਸਿਆ ਜਾ ਰਿਹਾ ਹੈ ਕਿ ਮੱਧ ਪ੍ਰਦੇਸ਼ ਦੇ ਖਰਗੌਣ ਜ਼ਿਲ੍ਹੇ 'ਚ ਇਹ ਮਾਮਲਾ ਸਾਹਮਣੇ ਆਇਆ ਹੈ, ਜਿੱਥੇ ਮਨਰੇਗਾ ਜੌਬ ਕਾਰਡ ਵਿੱਚ ਮਜ਼ਦੂਰ ਦੀ ਥਾਂ 'ਤੇ ਦੀਪਿਕਾ ਪਾਦੁਕੋਣ ਦੀ ਫੋਟੋ ਲੱਗੀ ਹੋਈ ਹੈ।
ਇੱਕ ਅਖ਼ਬਾਰ ਦੀ ਖ਼ਬਰ ਮੁਤਾਬਿਕ ਇਸ ਮਾਮਲੇ 'ਚ ਜਾਂਚ ਦੇ ਆਦੇਸ਼ ਵੀ ਦਿੱਤੇ ਗਏ ਹਨ। ਦੱਸਿਆ ਜਾ ਰਿਹਾ ਹੈ ਕਿ ਪਿੰਡ ਪੀਪਰਖੇੜਾ ਨਾਕਾ 'ਚ ਮਨਰੇਗਾ ਮਜ਼ਦੂਰਾਂ ਦੇ ਕਈ ਜੌਬ ਕਾਰਡ 'ਚ ਬਾਲੀਵੁੱਡ ਸੇਲੇਬਸ ਦੀ ਫੋਟੋ ਹੈ ਤੇ ਕਈ ਜੌਬ ਕਾਰਡ 'ਤੇ ਜਾਨਵਰਾਂ ਦੀ ਤਸਵੀਰ ਵੀ ਦਿੱਤੀ ਗਈ ਹੈ। ਇਸ ਫਰਜ਼ੀਵਾੜਾ ਦਾ ਪਤਾ ਚੱਲਣ ਤੋਂ ਬਾਅਦ ਹੁਣ ਸੋਸ਼ਲ ਮੀਡੀਆ 'ਤੇ ਇਨ੍ਹਾਂ ਕਾਰਡ ਦੀ ਫੋਟੋ ਵਾਇਰਲ ਹੋ ਰਹੀ ਹੈ।