56 ਸਾਲ ਦੀ ਹੋਈ ਫਾਲਗੁਨੀ ਪਾਠਕ, ਅੱਜ ਕੱਲ੍ਹ ਇਸ ਤਰ੍ਹਾਂ ਗੁਜ਼ਾਰ ਰਹੀ ਹੈ ਜ਼ਿੰਦਗੀ

90 ਦੇ ਦਹਾਕੇ ਵਿੱਚ ਹਰ ਕਿਸੇ ਦੇ ਦਿਲ ਤੇ ਰਾਜ ਕਰਨ ਵਾਲੀ ਗਾਇਕਾ ਫਾਲਗੁਨੀ ਪਾਠਕ ਅੱਜ ਆਪਣਾ 56ਵਾਂ ਜਨਮ ਦਿਨ ਮਨਾ ਰਹੀ ਹੈ । ਫਾਲਗੁਨੀ ਨੂੰ ਗਰਬਾ ਕਵੀਨ ਵੀ ਕਿਹਾ ਜਾਂਦਾ ਹੈ । 90 ਦੇ ਦਹਾਕੇ ਵਿੱਚ ਫਾਲਗੁਨੀ ਨੇ ਮੈਂਨੇ ਪਾਇਲ ਹੈ ਛਣਕਾਈ, ਅਬ ਤੋ ਆ ਜਾ ਤੂੰ ਹਰਜਾਈ ਐਲਬਮ ਨਾਲ ਧੁਮ ਮਚਾਈ ਸੀ । ਫਾਲਗੁਣੀ ਨੇ ਆਪਣੇ ਹਿੱਟ ਗਾਣਿਆਂ ਨਾਲ ਨੌਜਵਾਨਾਂ ਦੇ ਦਿਲ ਵਿੱਚ ਖ਼ਾਸ ਜਗ੍ਹਾ ਬਣਾ ਲਈ ਸੀ । ਅੱਜ ਹਰ ਕੋਈ ਬੁਆਏ ਕੱਟ ਵਾਲੀ ਫਾਲਗੁਨੀ ਨੂੰ ਭੁੱਲ ਚੁੱਕਿਆ ਹੈ ।

https://www.instagram.com/p/B1kvjbvnLnm/

ਇਹ ਗਾਇਕਾ ਸਿਰਫ਼ ਹੁਣ ਨਰਾਤਿਆਂ ਤੇ ਹੀ ਗਾਉਂਦੀ ਹੈ । ਫਾਲਗੁਨੀ ਪਾਠਕ ਗੁਜਰਾਤੀ ਪਰਿਵਾਰ ਨਾਲ ਸਬੰਧ ਰੱਖਦੀ ਹੈ, ਤੇ ਉਸ ਨੇ ਹਾਲੇ ਤੱਕ ਵਿਆਹ ਨਹੀਂ ਕੀਤਾ । ਫਾਲਗੁਨੀ ਗੁਜਰਾਤ ਵਿੱਚ ਕਾਫੀ ਪਾਪੂਲਰ ਹੈ । ਨਰਾਤਿਆਂ ਵਿੱਚ ਫਾਲਗੁਨੀ ਬਹੁਤ ਬਿਜੀ ਹੁੰਦੀ ਹੈ, ਖ਼ਬਰਾਂ ਦੀ ਮੰਨੀਏ ਤਾਂ ਉਹ ਇੱਕ ਸ਼ੋਅ ਦਾ 20 ਲੱਖ ਰੁਪਏ ਚਾਰਜ ਕਰਦੀ ਹੈ । ਫਾਲਗੁਨੀ ਨੇ ਆਪਣੇ ਕਰੀਅਰ ਵਿੱਚ ਕਈ ਹਿੱਟ ਗਾਣੇ ਦਿੱਤੇ ਹਨ ।

https://www.instagram.com/p/B7--3WgpQb6/

ਮਿਊਜ਼ਿਕ ਉਹਨਾਂ ਦੀ ਜ਼ਿੰਦਗੀ ਹੈ । ਉਹਨਾਂ ਨੂੰ ਬਾਲੀਵੁੱਡ ਵਿੱਚ ਗਾਉਣ ਦਾ ਵੀ ਮੌਕਾ ਮਿਲਿਆ ਪਰ ਉਹਨਾ ਨੇ ਜ਼ਿਆਦਾ ਧਿਆਨ ਆਪਣੀ ਐਲਬਮ ਤੇ ਹੀ ਦਿੱਤਾ । ਫਾਲਗੁਨੀ ਮੁੰਡਿਆਂ ਵਾਲੇ ਹੀ ਕੱਪੜੇ ਪਹਿਣਦੀ ਹੈ । ਫਾਲਗੁਨੀ ਦਾ ਕਹਿਣਾ ਹੈ ਕਿ ਕੁੜੀਆਂ ਵਾਲੇ ਕੱਪੜਿਆਂ ਵਿੱਚ ਉਹ ਆਪਣੇ ਆਪ ਨੂੰ ਬਹੁਤ ਅਸਹਿਜ ਮਹਿਸੂਸ ਕਰਦੀ ਹੈ । ਜਿਸ ਕਰਕੇ ਉਹ ਮੁੰਡਿਆ ਵਾਲੇ ਕੱਪੜੇ ਹੀ ਪਹਿਣਦੀ ਹੈ ।

https://www.instagram.com/p/B3w8iILpvR9/