ਸੰਨੀ ਦਿਓਲ ਤੇ ਬੌਬੀ ਦਿਓਲ ਨੇ ਪਿਤਾ ਨੂੰ ਦਿੱਤੀ ਫਾਦਰ ਡੇਅ ‘ਤੇ ਵਧਾਈ, ਧਰਮਿੰਦਰ ਨੇ ਵੀ ਸਾਂਝੀ ਕੀਤੀ ਆਪਣੇ ਪਿਤਾ ਦੀ ਤਸਵੀਰ
16 ਜੂਨ ਯਾਨੀ ਕਿ ਅੱਜ ਫਾਦਰ ਡੇਅ ਹੈ ਇਸ ਦਿਨ ਨੂੰ ਪੂਰੀ ਦੁਨੀਆ ‘ਚ ਬੜੇ ਹੀ ਜੋਸ਼ ਨਾਲ ਮਨਾਇਆ ਜਾ ਰਿਹਾ ਹੈ। ਜਿਸਦੇ ਚੱਲਦੇ ਬਾਲੀਵੁੱਡ ਦੇ ਦਿਓਲ ਪਰਿਵਾਰ ਨੇ ਇਸ ਦਿਨ ਨੂੰ ਬੜੇ ਹੀ ਚਾਅ ਨਾਲ ਸੈਲੀਬ੍ਰੇਟ ਕੀਤਾ ਹੈ। ਸੰਨੀ ਦਿਓਲ ਤੇ ਬੌਬੀ ਦਿਓਲ ਨੇ ਆਪਣੇ ਪਿਤਾ ਧਰਮਿੰਦਰ ਦਿਓਲ ਨੂੰ ਆਪਣੇ-ਆਪਣੇ ਸੋਸ਼ਲ ਮੀਡੀਆ ਅਕਾਉਂਟ ਦੇ ਰਾਹੀਂ ਵਧਾਈ ਦਿੱਤੀ ਹੈ।
ਹੋਰ ਵੇਖੋ:ਰੌਸ਼ਨ ਪ੍ਰਿੰਸ ਹੋਏ ਭਾਵੁਕ ਜਦੋਂ ਪਹੁੰਚੇ ‘ਮਨੁੱਖਤਾ ਦੀ ਸੇਵਾ ਸਭ ਤੋਂ ਵੱਡੀ ਸੇਵਾ’ ਸੰਸਥਾ ਦੇ ਘਰ ‘ਚ, ਦੇਖੋ ਵੀਡੀਓ
ਸੰਨੀ ਦਿਓਲ ਨੇ ਆਪਣੇ ਇੰਸਟਾਗ੍ਰਾਮ ਉੱਤੇ ਤਸਵੀਰ ਸ਼ੇਅਰ ਕਰਦੇ ਹੋਏ ਲਿਖਿਆ ਹੈ, ‘#fathersday My Life My Happiness My Strength’। ਉੱਧਰ ਬੌਬੀ ਦਿਓਲ ਨੇ ਵੀ ਆਪਣੇ ਪਿਤਾ ਤੇ ਪੁੱਤਰ ਦੀ ਤਸਵੀਰ ਸਾਂਝੀ ਕਰਦੇ ਹੋਏ ਲਿਖਿਆ ਹੈ, ‘Proud to be a son and proud to be a father. Happy Father’s Day to all fathers and happy 18th birthday to my angel, Aryaman.’ ਨਾਲ ਹੀ ਬੌਬੀ ਨੇ ਆਪਣੇ ਪੁੱਤਰ ਆਰਿਆਮਨ ਦਿਓਲ ਨੂੰ 18ਵੇਂ ਜਨਮ ਦਿਨ ਦੀ ਵੀ ਮੁਬਾਰਕਾਂ ਦਿੱਤੀ ਹੈ।
ਬਾਲੀਵੁੱਡ ਸਟਾਰ ਅਦਾਕਾਰ ਧਰਮਿੰਦਰ ਨੇ ਵੀ ਫਾਦਰ ਡੇਅ ਉੱਤੇ ਆਪਣੇ ਮਰਹੂਮ ਪਿਤਾ ਕੇਵਲ ਕਿਸ਼ਨ ਸਿੰਘ ਦਿਓਲ ਨੂੰ ਯਾਦ ਕਰਦੇ ਹੋਏ ਤਸਵੀਰ ਸਾਂਝੀ ਕੀਤੀ ਹੈ। ਇਹ ਅਜਿਹੀ ਤਸਵੀਰ ਜਿਸ ‘ਚ ਧਰਮਿੰਦਰ ਆਪਣੇ ਪਿਤਾ ਤੇ ਪੁੱਤਰਾਂ ਦੇ ਨਾਲ ਨਜ਼ਰ ਆ ਰਹੇ ਹਨ।