LIVE:
ਵੈਲੇਨਟਾਈਨ 'ਤੇ ਆਈ ਫੋਨ ਨਾਲ ਸ਼ੂਟ ਕੀਤਾ ਗਾਣਾ ਲੈ ਕੇ ਆ ਰਹੇ ਨੇ ਗੈਰੀ ਸੰਧੂ, ਦੇਖੋ ਵੀਡੀਓ
ਵੈਲੇਨਟਾਈਨ 'ਤੇ ਆਈ ਫੋਨ ਨਾਲ ਸ਼ੂਟ ਕੀਤਾ ਗਾਣਾ ਲੈ ਕੇ ਆ ਰਹੇ ਨੇ ਗੈਰੀ ਸੰਧੂ, ਦੇਖੋ ਵੀਡੀਓ : ਗੈਰੀ ਸੰਧੂ ਆਪਣੇ ਪਿਆਰ ਸੰਬੰਧਾਂ ਦੇ ਚਲਦਿਆਂ ਹਮੇਸ਼ਾ ਸੁਰਖੀਆਂ 'ਚ ਬਣੇ ਰਹਿੰਦੇ ਹਨ। ਜੈਸਮੀਨ ਨਾਲ ਉਹਨਾਂ ਦੇ ਰਿਸ਼ਤੇ 'ਤੇ ਕਈ ਵਾਰ ਸਵਾਲੀਆ ਨਿਸ਼ਾਨ ਲੱਗ ਚੁੱਕੇ ਹਨ। ਕਦੇ ਦੋਨਾਂ ਦੇ ਬ੍ਰੇਕ ਅੱਪ ਦੀਆਂ ਖਬਰਾਂ ਆਉਂਦੀਆਂ ਹਨ ਕਦੇ ਪੈਚ ਅੱਪ ਦੀਆਂ ਖ਼ਬਰਾਂ ਸਾਹਮਣੇ ਆਉਂਦੀਆਂ ਰਹਿੰਦੀਆਂ ਹਨ।
ਪਰ ਇਸ ਸਭ ਤੋਂ ਅਲੱਗ ਗੈਰੀ ਸੰਧੂ ਲੱਗਦਾ ਹੈ ਸਾਰੇ ਗਿਲੇ ਸ਼ਿਕਵੇ ਛੱਡ ਦੁਬਾਰਾ ਮਿਲਣ ਦੀਆਂ ਕੋਸ਼ਿਸ਼ਾਂ 'ਚ ਹਨ। ਕਿਉਂਕਿ ਗੈਰੀ 14 ਫਰਵਰੀ ਵੈਲੇਨਟਾਈਨ ਦੇ ਦਿਨ ਆਪਣਾ ਨਵਾਂ ਗਾਣਾ ਦੁਬਾਰਾ ਮਿਲਦੇ ਹਾਂ ਲੈ ਕੇ ਆ ਰਹੇ ਹਨ। ਇੰਨ੍ਹਾਂ ਹੀ ਨਹੀਂ ਗਾਣੇ ਦੀ ਖਾਸੀਅਤ ਇਹ ਹੈ ਕਿ ਇਹ ਗਾਣਾ ਬਿਨਾਂ ਕੋਈ ਰੁਪਿਆ ਖਰਚ ਕਰਕੇ ਬਣਾਇਆ ਜਾ ਰਿਹਾ ਹੈ। ਅਤੇ ਗਾਣੇ ਦਾ ਸਾਰਾ ਸ਼ੂਟ ਆਈ ਫੋਨ 'ਤੇ ਹੋਇਆ ਹੈ। ਜਿਸ ਬਾਰੇ ਗੈਰੀ ਸੰਧੂ ਨੇ ਗਾਣੇ ਦਾ ਛੋਟਾ ਜਿਹਾ ਟੀਜ਼ਰ ਸ਼ੇਅਰ ਕਰਕੇ ਦੱਸਿਆ ਹੈ।
ਪਰ ਇਸ ਤਰਾਂ ਪੰਜਾਬੀ ਇੰਡਸਟਰੀ 'ਚ ਪਹਿਲਾਂ ਵੀ ਕਈ ਵਾਰ ਹੋ ਚੁੱਕਿਆ ਹੈ ਜਦੋਂ ਨਾਮੀ ਗਾਇਕ ਆਪਣੇ ਗਾਣਿਆਂ ਦੇ ਵੀਡੀਓਜ਼ ਆਈ ਫੋਨ ਨਾਲ ਸ਼ੂਟ ਕਰ ਚੁੱਕੇ ਹੋਣ ਅਤੇ ਉਹਨਾਂ ਗਾਣਿਆਂ ਦੀਆਂ ਵੀਡੀਓਜ਼ ਨੂੰ ਪਸੰਦ ਵੀ ਕੀਤਾ ਗਿਆ ਹੈ। ਹੁਣ ਦੇਖਣਾ ਹੋਵੇਗਾ ਗੈਰੀ ਸੰਧੂ ਦੇ ਦੁਬਾਰਾ ਮਿਲਦੇ ਹਾਂ ਦੇ ਆਈ ਫੋਨ ਤੋਂ ਬਣੇ ਵੀਡੀਓ ਨੂੰ ਲੋਕੀ ਕਿੰਨਾਂ ਕੁ ਪਸੰਦ ਕਰਦੇ ਹਨ।
