ਅੱਜ ਹੈ ਗੁਲਜ਼ਾਰ ਦਾ ਜਨਮ ਦਿਨ, ਜਨਮ ਦਿਨ ’ਤੇ ਜਾਣੋਂ ਕਿਸ ਤਰ੍ਹਾਂ ਸੰਪੂਰਣ ਸਿੰਘ ਕਾਲਰਾ ਬਣਿਆ ‘ਗੁਲਜ਼ਾਰ’

ਸੰਪੂਰਣ ਸਿੰਘ ਕਾਲਰਾ ਜਿਨ੍ਹਾਂ ਨੂੰ ਪੁਰੀ ਦੁਨੀਆ ਤੇ ਗੁਲਜ਼ਾਰ ਦੇ ਨਾਂਅ ਨਾਲ ਜਾਣਿਆ ਜਾਂਦਾ ਹੈ, ਉਹ ਬਹੁਤ ਸਾਰੀਆਂ ਕਲਾਵਾਂ ਨਾਲ ਲਬਰੇਜ ਹਨ । ਉਹ ਇੱਕ ਸ਼ਾਇਰ, ਲੇਖਕ, ਗੀਤਕਾਰ, ਨਿਰਮਾਤਾ ਨਿਰਦੇਸ਼ਕ ਵੀ ਹਨ । ਗੁਲਜ਼ਾਰ ਦਾ ਜਨਮ 18 ਅਗਸਤ 1934 ਨੂੰ ਪਾਕਿਸਤਾਨੀ ਪੰਜਾਬ ਦੇ ਜੇਲ੍ਹਮ ਵਿੱਚ ਹੋਇਆ ਸੀ । ਬਟਵਾਰੇ ਤੋਂ ਬਾਅਦ ਉਹਨਾਂ ਦਾ ਪੂਰਾ ਪਰਿਵਾਰ ਅੰਮ੍ਰਿਤਸਰ ਵਿੱਚ ਆ ਕੇ ਵੱਸ ਗਿਆ ਸੀ, ਪਰ ਉਹਨਾਂ ਦਾ ਮਨ ਅੰਮ੍ਰਿਤਸਰ ਵਿੱਚ ਨਹੀਂ ਲੱਗਿਆ ਜਿਸ ਕਰਕੇ ਉਹ ਮੁੰਬਈ ਆ ਕੇ ਵੱਸ ਗਏ ।

https://www.instagram.com/p/CEBHLanA3Pu/

ਗੁਲਜ਼ਾਰ ਨੂੰ ਬਚਪਨ ਤੋਂ ਹੀ ਕਵਿਤਾਵਾਂ ਤੇ ਗੀਤ ਲਿਖਣ ਦਾ ਸ਼ੌਂਕ ਸੀ ਇਸੇ ਸ਼ੌਂਕ ਨੇ ਉਹਨਾਂ ਨੂੰ ਗੁਲਜ਼ਾਰ ਬਣਾ ਦਿੱਤਾ । ਮੁੰਬਈ ਆ ਕੇ ਉਹਨਾਂ ਨੇ ਇੱਕ ਗੈਰੇਜ ਵਿੱਚ ਕੰਮ ਕੀਤਾ ਉਹ ਜਦੋਂ ਵੀ ਆਪਣੇ ਕੰਮ ਤੋਂ ਵਿਹਲੇ ਹੁੰਦੇ ਤਾਂ ਕਵਿਤਾਵਾਂ ਲਿਖਣ ਲੱਗ ਜਾਂਦੇ । ਗੁਲਜ਼ਾਰ ਨੇ ਆਪਣੇ ਕਰੀਅਰ ਦੀ ਸ਼ੁਰੂਆਤ 1960 ਵਿੱਚ ਵਿਮਲ ਰਾਏ ਦੇ ਸਹਾਇਕ ਦੇ ਤੌਰ ਤੇ ਕੀਤੀ ਸੀ । ਉਹਨਾਂ ਨੇ ਰਿਸ਼ੀਕੇਸ਼ ਮੁਖਰਜੀ ਤੇ ਹੇਮੰਤ ਕੁਮਾਰ ਦੇ ਸਹਾਇਕ ਦੇ ਤੌਰ ਤੇ ਵੀ ਕੰਮ ਕੀਤਾ ।

https://www.instagram.com/p/B6vf8WKgg76/

ਗੀਤਕਾਰ ਦੇ ਤੌਰ ਤੇ ਉਹਨਾਂ ਨੇ ਵਿਮਲ ਰਾਏ ਦੀ ਫ਼ਿਲਮ ਬੰਦਿਨੀ ਤੋਂ ਸ਼ੁਰੂ ਕੀਤਾ ਸੀ । ਇਸ ਫ਼ਿਲਮ ਵਿੱਚ ਉਹਨਾਂ ਨੇ ਪਹਿਲਾ ਗਾਣਾ ‘ਮੋਰਾ ਗੋਰਾ ਰੰਗ ਲੇਈ ਲੇ’ ਲਿਖਿਆ ਜਿਹੜਾ ਸੁਪਰ ਹਿੱਟ ਰਿਹਾ । ਬਤੌਰ ਨਿਰਦੇਸ਼ਕ ਗੁਰਜ਼ਾਰ ਨੇ 1971 ਵਿੱਚ ਆਈ ਫ਼ਿਲਮ ‘ਮੇਰੇ ਅਪਨੇ’ ਤੋਂ ਆਪਣਾ ਕਰੀਅਰ ਸ਼ੁਰੂ ਕੀਤਾ । ਗੁਲਜ਼ਾਰ ਨੇ ਫ਼ਿਲਮ ਇੰਡਸਟਰੀ ਨੂੰ ਬਹੁਤ ਕੁਝ ਦਿੱਤਾ ਬਹੁਤ ਸਾਰੇ ਗਾਣੇ ਤੇ ਫ਼ਿਲਮਾਂ ਜਿਹੜੀਆਂ ਹਿੱਟ ਰਹੀਆਂ ।

https://www.instagram.com/p/BmKykmwF9sh/