ਮੌਤ ਤੋਂ ਬਾਅਦ ਅੱਜ ਵੀ ਚੱਲਦਾ ਹੈ ਅਮਰ ਸਿੰਘ ਚਮਕੀਲੇ ਦੇ ਨਾਂਅ ਦਾ ਸਿੱਕਾ,ਗਾਇਕ ਇਸ ਤਰ੍ਹਾਂ ਕਰਦੇ ਹਨ ਯਾਦ
ਅਮਰ ਸਿੰਘ ਚਮਕੀਲਾ ਜਿਨ੍ਹਾਂ ਨੇ ਕਈ ਹਿੱਟ ਗੀਤ ਪੰਜਾਬੀ ਇੰਡਸਟਰੀ ਨੂੰ ਦਿੱਤੇ ਹਨ । ਅੱਜ ਉਹ ਬੇਸ਼ੱਕ ਇਸ ਦੁਨੀਆ 'ਤੇ ਨਹੀਂ ਹਨ ਪਰ ਇਸ ਦੇ ਬਾਵਜੂਦ ਅੱਜ ਵੀ ਉਨ੍ਹਾਂ ਦਾ ਨਾਂਅ ਚੱਲਦਾ ਹੈ । ਜੀ ਹਾਂ ਅੱਜ ਵੀ ਗਾਇਕ ਉਨ੍ਹਾਂ ਦੇ ਗੀਤਾਂ ਦਾ ਜ਼ਿਕਰ ਕਰਦੇ ਹਨ ਅਤੇ ਉਨ੍ਹਾਂ ਦੇ ਕਈ ਗੀਤਾਂ ਨੂੰ ਨਵੇਂ ਵਰਜਨ 'ਚ ਪੇਸ਼ ਕਰ ਰਹੇ ਨੇ । ਕੁਝ ਦਿਨ ਪਹਿਲਾਂ ਗਾਇਕਾ ਜੈਸਮੀਨ ਸੈਂਡਲਾਸ ਨੇ ਵੀ ਚਮਕੀਲਾ ਦੇ ਪ੍ਰਸਿੱਧ ਗੀਤ ਨਵੇਂ ਸਾਲ ਦੇ ਮੌਕੇ 'ਤੇ ਕੱਢਿਆ ਸੀ ।
ਜਿਸ ਤੋਂ ਬਾਅਦ ਬੁਲੰਦ ਆਵਾਜ਼ ਦੀ ਮਾਲਕ ਗੁਰਲੇਜ਼ ਅਖ਼ਤਰ ਅਤੇ ਗੀਤਾ ਬੈਂਸ ਨੇ ਵੀ ਆਪਣੇ ਨਵੇਂ ਗੀਤ 'ਚ ਚਮਕੀਲੇ ਦਾ ਜ਼ਿਕਰ ਕੀਤਾ ਹੈ । 'ਚਮਕੀਲਾ ਸੁਣਦੀ' ਟਾਈਟਲ ਹੇਠ ਗੀਤ ਰਿਲੀਜ਼ ਹੋ ਚੁੱਕਿਆ ਹੈ ।
chamkila sundi
ਇਸ ਗੀਤ 'ਚ ਜਸਟਿਨ ਬੀਬਰ ਦੀ ਗੱਲ ਕੀਤੀ ਗਈ ਹੈ ਜਿਸ ਨੂੰ ਛੱਡ ਕੇ ਇੱਕ ਜੱਟੀ ਚਮਕੀਲੇ ਦੇ ਗੀਤ ਸੁਣਨ ਲੱਗ ਪਈ ਹੈ । ਇਸ ਗੀਤ ਦੇ ਬੋਲ ਖੁਦ ਗੀਤਾ ਬੈਂਸ ਨੇ ਲਿਖੇ ਨੇ ਅਤੇ ਮਿਊਜ਼ਿਕ ਦਿੱਤਾ ਹੈ ਜਯ ਕੇ ਨੇ ।ਸਾਗਾ ਮਿਊਜ਼ਿਕ ਦੇ ਲੇਬਲ ਹੇਠ ਇਸ ਗੀਤ ਨੂੰ ਰਿਲੀਜ਼ ਕੀਤਾ ਗਿਆ ਹੈ ।