ਗੁਰਨਾਮ ਭੁੱਲਰ ਲਈ ਬਹੁਤ ਖ਼ਾਸ ਹੈ ਉਹਨਾਂ ਦਾ ਨਵਾਂ ਗੀਤ 'ਪਾਗਲ',ਇਹ ਹੈ ਗੀਤ ਪਿੱਛੇ ਦੀ ਸਾਰੀ ਕਹਾਣੀ
ਗੁਰਨਾਮ ਭੁੱਲਰ ਜਿੰਨ੍ਹਾਂ ਦੇ ਗੀਤ ਅਤੇ ਫ਼ਿਲਮਾਂ ਹਰ ਕਿਸੇ ਦੀ ਪਹਿਲੀ ਪਸੰਦ ਬਣੇ ਹੋਏ ਹਨ। ਭਾਵੇਂ ਬੀਟ ਸੌਂਗ ਹੋਣ ਜਾ ਰੋਮਾਂਟਿਕ ਗੁਰਨਾਮ ਭੁੱਲਰ ਦੇ ਸਾਰੇ ਹੀ ਗੀਤਾਂ ਨੂੰ ਦਰਸ਼ਕਾਂ ਵੱਲੋਂ ਚੰਗਾ ਹੁੰਗਾਰਾ ਮਿਲਦਾ ਹੈ। ਅਜਿਹਾ ਹੀ ਇੱਕ ਹੋਰ ਗੀਤ ਗੁਰਨਾਮ ਭੁੱਲਰ ਬਹੁਤ ਜਲਦ ਲੈ ਕੇ ਆ ਰਹੇ ਹਨ ਜਿਸ ਦਾ ਨਾਮ ਹੈ 'ਪਾਗਲ'।ਇਹ ਗੀਤ ਗੁਰਨਾਮ ਲਈ ਬੇਹੱਦ ਖ਼ਾਸ ਹੈ ਜਿਸ ਪਿੱਛੇ ਦੀ ਕਹਾਣੀ ਉਹਨਾਂ ਆਪਣੇ ਸ਼ੋਸ਼ਲ ਮੀਡੀਆ ਤੇ ਦੱਸੀ ਹੈ।
ਗੁਰਨਾਮ ਭੁੱਲਰ ਦਾ ਕਹਿਣਾ ਹੈ,'ਇਹ ਗਾਣਾ ਜਸਵੀਰਪਾਲ ਬਾਈ ਜੀ ਨੇ ਗਿਫ਼ਟ ਦਿੱਤਾ ਸੀ ਮੈਨੂੰ ਜਦੋਂ ਅਸੀਂ ਨਵਾਂ ਨਵਾਂ ਕੰਮ ਸ਼ੁਰੂ ਕੀਤਾ ਸੀ, ਜਸਵੀਰ ਬਾਈ ਕਹਿੰਦੇ ਇਹ ਗੀਤ ਮੇਰੇ ਲਈ ਗਾਉਣਾ ਤੂੰ। ਧੰਨਵਾਦ ਵੀਰੇ ਹਮੇਸ਼ਾ ਸਾਥ ਦੇਣ ਲਈ ਤੇ ਇੰਨ੍ਹਾਂ ਸੋਹਣਾ ਗਾਣਾ ਮੈਨੂੰ ਦੇਣ ਲਈ। ਸਿੰਘ ਜੀਤ ਵੀਰੇ ਨੇ ਕੱਲਾ ਕੱਲਾ ਸ਼ਬਦ ਇੰਝ ਲਿਖਿਆ ਜਿਵੇਂ ਸਦੀਆਂ ਬਹਿ ਕੇ ਸੋਚਿਆ ਹੋਵੇ। ਜੀ ਗੁਰੀ ਬਾਈ ਨੇ ਬਹੁਤ ਰੀਝ ਨਾਲ ਬਣਾਇਆ। ਬਲਜੀਤ ਸਿੰਘ ਦਿਓ ਭਾਜੀ ਦਾ ਮੈਂ ਬਹੁਤ ਵੱਡਾ ਫੈਨ ਆ ਜਦੋਂ ਤੋਂ ਅਮਰਿੰਦਰ ਬਾਈ ਦਾ ਦਿਲਦਾਰੀਆਂ ਗਾਣਾ ਵੇਖਿਆ ਸੀ। ਛੋਟਾ ਜਿਹਾ ਹੁੰਦਾ ਸੀ, ਭਾਜੀ ਨਾਲ ਕੰਮ ਕਰਨਾ ਇੱਕ ਆਰਟਿਸਟ ਲਈ ਆਪਣੇ ਆਪ 'ਚ ਕਾਮਯਾਬੀ ਆ। 'ਪਾਗਲ' ਬਹੁਤ ਜਲਦ'।
ਹੋਰ ਵੇਖੋ : ਨਿਰਦੇਸ਼ਕ ਜਗਦੀਪ ਸਿੱਧੂ ਨੇ ਦੱਸਿਆ ਗੁਰਨਾਮ ਭੁੱਲਰ ਅਤੇ ਸਰਗੁਣ ਮਹਿਤਾ ਤੱਕ ਕਿਵੇਂ ਪਹੁੰਚੀ ਫ਼ਿਲਮ 'ਸੁਰਖ਼ੀ ਬਿੰਦੀ'
ਗੁੱਡੀਆਂ ਪਟੋਲੇ ਫ਼ਿਲਮ ਨਾਲ ਨਾਇਕ ਦੇ ਤੌਰ 'ਤੇ ਸਿਨੇਮਾ 'ਤੇ ਐਂਟਰੀ ਮਾਰਨ ਵਾਲੇ ਗੁਰਨਾਮ ਭੁੱਲਰ ਨੇ ਗਾਇਕੀ ਤੋਂ ਬਾਅਦ ਅਦਾਕਾਰੀ 'ਚ ਵੀ ਚੰਗਾ ਨਾਮ ਬਣਾ ਲਿਆ ਹੈ। ਸਰਗੁਣ ਮਹਿਤਾ ਨਾਲ 30 ਅਗਸਤ ਨੂੰ ਰਿਲੀਜ਼ ਹੋਈ ਫ਼ਿਲਮ ਸੁਰਖ਼ੀ ਬਿੰਦੀ 'ਚ ਵੀ ਗੁਰਨਾਮ ਭੁੱਲਰ ਦੇ ਕੰਮ ਨੇ ਹਰ ਕਿਸੇ ਨੂੰ ਪ੍ਰਭਾਵਿਤ ਕੀਤਾ ਹੈ। ਹੁਣ ਦੇਖਣਾ ਹੋਵੇਗਾ ਉਹਨਾਂ ਦਾ ਇਹ ਗੀਤ ਕਦੋਂ ਤੱਕ ਦਰਸ਼ਕਾਂ ਨੂੰ ਸੁਣਨ ਨੂੰ ਮਿਲਦਾ ਹੈ।