LIVE:
ਗੁਰੂ ਰੰਧਾਵਾ ਦੀ ਮਿੱਠੀ ਆਵਾਜ਼ ‘ਚ ‘ਸਤਿਨਾਮ ਵਾਹਿਗੁਰੂ’ ਦੇ ਜਾਪ ਵਾਲਾ ਧਾਰਮਿਕ ਗੀਤ ਹੋਇਆ ਰਿਲੀਜ਼, ਦੇਖੋ ਵੀਡੀਓ
ਇਸ ਸਮੇਂ ਸੰਸਾਰ ਕੋਰੋਨਾ ਵਾਇਰਸ ਵਰਗੀ ਮਹਾਂਮਾਰੀ ਦੇ ਨਾਲ ਜੂਝ ਰਿਹਾ ਹੈ । ਇਸ ਵਾਇਰਸ ਨੇ ਲੱਖਾਂ ਹੀ ਜਾਨਾਂ ਲੈ ਲਈਆਂ ਨੇ । ਵੱਡੇ ਤੋਂ ਵੱਡੇ ਦੇਸ਼ਾਂ ਨੇ ਕੋਰੋਨਾ ਅੱਗੇ ਆਪਣੇ ਹੱਥ ਖੜੇ ਕਰ ਦਿੱਤੇ ਨੇ । ਹਾਲੇ ਤੱਕ ਇਸ ਬਿਮਾਰੀ ਦਾ ਨਾ ਕੋਈ ਇਲਾਜ ਤੇ ਨਾ ਕੋਈ ਦਵਾਈ ਬਣ ਪਾਈ ਹੈ । ਜਿਸਦੇ ਚੱਲਦੇ ਲੋਕਾਂ ‘ਚ ਕਾਫੀ ਭੈਅ ਹੈ ।
ਇਸ ਮੁਸ਼ਕਿਲ ਸਮੇਂ ‘ਚ ਲੋਕਾਂ ਨੂੰ ਹੌਸਲਾ ਦੀ ਕੋਸ਼ਿਸ ਕਰ ਰਹੇ ਨੇ ਗੁਰੂ ਰੰਧਾਵਾ ਆਪਣੇ ਨਵੇਂ ਧਾਰਮਿਕ ਗੀਤ ‘ਸਤਿਨਾਮ ਵਾਹਿਗੁਰੂ’ ਦੇ ਨਾਲ । ਇਸ ਧਾਰਮਿਕ ਗੀਤ ਦੇ ਬੋਲ Traditional ਰੱਖੇ ਗਏ ਨੇ ਤੇ ਗੁਰੂ ਰੰਧਾਵਾ ਆਪਣੀ ਰੂਹਾਨੀ ਆਵਾਜ਼ ਦੇ ਨਾਲ ਇਸ ਨੂੰ ਗਾਇਆ ਹੈ । ‘ਸਤਿਨਾਮ ਵਾਹਿਗੁਰੂ’ ਦਾ ਜਾਪ ਮਨ ਤੇ ਰੂਹ ਨੂੰ ਅਲੌਕਿਕ ਸ਼ਾਂਤੀ ਦੇ ਰਿਹਾ ਹੈ । ਇਸ ਧਾਰਮਿਕ ਗੀਤ ਨੂੰ ਮਿਊਜ਼ਿਕ ਵੀ(Vee) ਨੇ ਦਿੱਤਾ ਹੈ । ਟੀ-ਸੀਰੀਜ਼ ਦੇ ਲੇਬਲ ਹੇਠ ਇਸ ਧਾਰਮਿਕ ਗੀਤ ਨੂੰ ਰਿਲੀਜ਼ ਕੀਤਾ ਗਿਆ ਹੈ ।
ਗੁਰੂ ਰੰਧਾਵਾ ਇਸ ਮੁਸ਼ਕਿਲ ਸਮੇਂ ‘ਚ ਲੋੜਵੰਦ ਲੋਕਾਂ ਦੀ ਸਹਾਇਤਾ ਅਤੇ ਕੋਰੋਨਾ ਨਾਲ ਜੰਗ ਲੜਣ ਲਈ ਪ੍ਰਧਾਨ ਮੰਤਰੀ ਰਾਹਤ ਕੋਸ਼ ‘ਚ ਦਾਨ ਰਾਸ਼ੀ ਵੀ ਦੇ ਚੁੱਕੇ ਨੇ । ਦੱਸ ਦਈਏ ਦੁਨੀਆ ‘ਚ ਤਿੰਨ ਮਿਲੀਅਨ ਲੋਕ ਇਸ ਵਾਇਰਸ ਤੋਂ ਪੀੜਤ ਨੇ ਤੇ 2,52,758 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ ।
