ਹਰਭਜਨ ਸਿੰਘ ਨਾਲ ਪੰਗਾ ਲੈ ਰਹੀ ਸੀ ਵੀਨਾ ਮਲਿਕ, ਇੱਕ ਜੁਵਾਬ ਨਾਲ ਬੋਲਤੀ ਕਰ ਦਿੱਤੀ ਬੰਦ
ਸੋਸ਼ਲ ਮੀਡੀਆ ਤੇ ਏਨੀਂ ਦਿਨੀਂ ਪਾਕਿਸਤਾਨੀ ਅਦਾਕਾਰਾ ਵੀਨਾ ਮਲਿਕ ਕੁਝ ਜ਼ਿਆਦਾ ਹੀ ਐਕਟਿਵ ਰਹਿੰਦੀ ਹੈ । ਵੀਨਾ ਮਲਿਕ ਅਕਸਰ ਭਾਰਤ ਦੇ ਖਿਲਾਫ ਬਿਆਨਬਾਜ਼ੀ ਕਰਦੀ ਰਹਿੰਦੀ ਹੈ । ਤੁਹਾਨੂੰ ਦੱਸ ਦਿੰਦੇ ਹਾਂ ਕਿ ਇਹ ਉਹੀ ਪਾਕਿਸਤਾਨੀ ਅਦਾਕਾਰਾ ਹੈ, ਜਿਹੜੀ ਬਾਲੀਵੁੱਡ ਵਿੱਚ ਆਪਣਾ ਕਰੀਅਰ ਬਨਾਉਣ ਲਈ ਆਈ ਸੀ । ਹਰ ਤਰ੍ਹਾਂ ਦੀਆਂ ਕੋਸ਼ਿਸ਼ਾਂ ਦੇ ਬਾਵਜ਼ੂਦ ਉਹ ਸਿਰਫ ਆਈਟਿਮ ਗਰਲ ਹੀ ਬਣ ਸਕੀ ।
https://www.instagram.com/p/B3nKZ_khUsn/
ਹੁਣ ਉਹ ਪਾਕਿਸਤਾਨ ਵਿੱਚ ਬੈਠ ਕੇ ਸਿਰਫ ਭਾਰਤ ਸਰਕਾਰ ’ਤੇ ਭਾਰਤੀ ਫ਼ਿਲਮ ਇੰਡਸਟਰੀ ਦੇ ਸਿਤਾਰਿਆਂ ’ਤੇ ਨਿਸ਼ਾਨੇ ਲਗਾਉਂਦੀ ਹੈ । ਇਸ ਸਭ ਦੇ ਚਲਦੇ ਉਸ ਨੇ ਭਾਰਤੀ ਕ੍ਰਿਕੇਟਰ ਹਰਭਜਨ ਸਿੰਘ ਨਾਲ ਵੀ ਪੰਗਾ ਲਿਆ ਹੈ । ਪਰ ਹਰਭਜਨ ਸਿੰਘ ਨੇ ਵੀਨਾ ਨੂੰ ਅਜਿਹਾ ਸਬਕ ਸਿਖਾਇਆ ਕਿ ਉਹ ਦੂਜਾ ਜਵਾਬ ਨਹੀਂ ਦੇ ਸਕੀ । ਦਰਅਸਲ ਪਾਕਿਸਤਾਨ ਦੇ ਪ੍ਰਧਾਨ ਮੰਤਰੀ ਇਮਰਾਨ ਖ਼ਾਨ ਨੇ ਆਪਣੇ ਭਾਸ਼ਣ ਵਿੱਚ ਭਾਰਤ ਦੇ ਖਿਲਾਫ ਪ੍ਰਮਾਣੂ ਜੰਗ ਦੇ ਸੰਕੇਤ ਦਿੱਤੇ ਸਨ ।
https://www.instagram.com/p/B3d0Pc2B2GW/
ਜਿਸ ਤੇ ਹਰਭਜਨ ਸਿੰਘ ਨੇ ਉਹਨਾਂ ਦੇ ਇਸ ਭਾਸ਼ਣ ਦੀ ਨਿੰਦਾ ਕਰਦੇ ਹੋਏ ਲਿਖਿਆ ਸੀ ਕਿ ਉਹਨਾਂ ਨੂੰ ਪਾਕਿਸਤਾਨ ਦੇ ਪ੍ਰਧਾਨ ਮੰਤਰੀ ਤੋਂ ਇਸ ਤਰ੍ਹਾਂ ਦੀ ਉਮੀਦ ਨਹੀਂ ਸੀ । ਹਰਭਜਨ ਸਿੰਘ ਦੇ ਇਸ ਟਵੀਟ ਦਾ ਵੀਨਾ ਮਲਿਕ ਨੇ ਜੁਵਾਬ ਦਿੰਦੇ ਹੋਏ ਲਿਖਿਆ ਕਿ ‘ਪ੍ਰਧਾਨ ਮੰਤਰੀ ਨੇ ਆਪਣੇ ਭਾਸ਼ਣ ਵਿੱਚ ਸ਼ਾਂਤੀ ਦੀ ਹੀ ਗੱਲ ਕਹੀ ਸੀ । ਉਹਨਾਂ ਨੇ ਉਸ ਡਰ ਤੇ ਹਕੀਕਤ ਦੀ ਗੱਲ ਕੀਤੀ ਸੀ ਜਿਹੜਾ ਕਰਫਿਊ ਹੱਟਣ ਤੋਂ ਬਾਅਦ ਨਿਸਚਿਤ ਤੌਰ ਤੇ ਆਏਗਾ ਤੇ ਬਦਕਿਸਮਤੀ ਨਾਲ ਇਹ ਖੂੰਨੀ ਸੰਘਰਸ ਹੋਵੇਗਾ । ਉਹਨਾਂ ਨੇ ਸਾਫ ਕਿਹਾ ਸੀ ਕਿ ਇਹ ਡਰ ਦੀ ਗੱਲ ਹੈ ਨਾ ਕਿ ਧਮਕੀ ਦਿੱਤੀ ਸੀ, ਕੀ ਤੁਸੀਂ ਅੰਗਰੇਜ਼ੀ ਨਹੀਂ ਸਮਝਦੇ’ ।
https://www.instagram.com/p/B3msOcMhb2v/
ਵੀਨਾ ਨੇ ਆਪਣੇ ਇਸ ਟਵੀਟ ਵਿੱਚ surely ਸ਼ਬਦ ਦੀ ਵਰਤੋਂ ਕੀਤੀ ਸੀ, ਜਿਸ ਵਿੱਚ ਉਹਨਾਂ ਨੇ E ਨਹੀਂ ਸੀ ਲਗਾਇਆ । ਇਸ ਨਾਲ ਇਹ ਸ਼ਬਦ ਗਲਤ ਹੋ ਗਿਆ । ਇਸ ਤੇ ਹਰਭਜਨ ਨੇ ਤੁਰੰਤ ਵੀਨਾ ਨੂੰ ਟ੍ਰਰੋਲ ਕਰ ਦਿੱਤਾ । ਭੱਜੀ ਨੇ ਲਿਖਿਆ ‘ਤੁਹਾਡਾ surly ਤੋਂ ਕੀ ਮਤਲਬ ਹੈ ! ਸਾਇਦ ਇਹ surely ਹੋਵੇਗਾ । ਅਗਲੀ ਵਾਰ ਅੰਗਰੇਜ਼ੀ ਵਿੱਚ ਕੁਝ ਲਿਖੋ ਤਾਂ ਪੜ੍ਹ ਜ਼ਰੂਰ ਲੈਣਾ । ਹਰਭਜਨ ਦੇ ਇਸ ਟਵੀਟ ਤੇ ਲੋਕਾਂ ਨੇ ਵੀਨਾ ਨੂੰ ਖੂਬ ਫਟਕਾਰ ਲਗਾਈ ਹੈ ।