ਇਸ ਵਾਰ ਦੋਸਤਾਂ ਦੇ ਪਿਆਰ ਲਈ ਕੁਝ ਨਵਾਂ ਲੈ ਕੇ ਆ ਰਹੇ ਨੇ ਹਾਰਡੀ ਸੰਧੂ
ਪੰਜਾਬੀ ਸਿੰਗਰ ਤੇ ਅਦਾਕਾਰ ਹਾਰਡੀ ਸੰਧੂ ਜਿਹਨਾਂ ਨੇ ਆਪਣੇ ਇੰਸਟਾਗ੍ਰਾਮ ਉੱਤੇ ਇੱਕ ਪੋਸਟਰ ਸ਼ੇਅਰ ਕਰਦੇ ਹੋਇਆ ਦੱਸਿਆ ਹੈ ਕਿ ਉਹ ਬਹੁਤ ਜਲਦੀ ਆਪਣੀ ਨਵੀਂ ਪੇਸ਼ਕਸ਼ ਲੈ ਕੇ ਆ ਰਹੇ ਹਨ। ਆਓ ਤੁਹਾਨੂੰ ਦੱਸਦੇ ਹਾਂ ਕਿ ਪੋਸਟਰ ਰਾਹੀਂ ਕੀ ਪੇਸ਼ ਕੀਤਾ ਗਿਆ ਹੈ। ਇਸ ਤਸਵੀਰ ‘ਚ ਤਿੰਨ ਦੋਸਤ ਪਿੱਠ ਕਰਕੇ ਖੜ੍ਹੇ ਹੋਏ ਨਜ਼ਰ ਆ ਰਹੇ ਹਨ। ਜਿਹਨਾਂ ਚੋ ਇੱਕ ਹਾਰਡੀ ਸੰਧੂ ਨੇ। ਹਾਰਡੀ ਸੰਧੂ ਦੇ ਇਸ ਨਵੇਂ ਗੀਤ ਦਾ ਨਾਮ ਹੈ ‘ਯਾਰ ਸੁਪਰ ਸਟਾਰ ।’
View this post on Instagram
Will be out super soon... @babbu11111 @directorgifty @meetsehra @sonymusicindia
ਹੋਰ ਵੇਖੋ: ਜਾਣੋ ਐਮੀ ਵਿਰਕ ਤੋਂ ਬਾਅਦ ਹਾਰਡੀ ਸੰਧੂ ਵੀ ਕਿਹੜੀ ਫ਼ਿਲਮ ਨਾਲ ਕਰਨ ਜਾ ਰਹੇ ਨੇ ਬਾਲੀਵੁੱਡ ‘ਚ ਡੈਬਿਊ
ਹਾਰਡੀ ਸੰਧੂ ਦੀ ਇਸ ਤਸਵੀਰ ਨੂੰ ਦੇਖਕੇ ਲਗਦਾ ਹੈ ਕਿ ਉਹ ਯਾਰਾਂ-ਦੋਸਤਾਂ ਲਈ ਕੁਝ ਨਵਾਂ ਪੇਸ਼ ਕਰਨ ਵਾਲੇ ਹਨ। ਫਿਲਹਾਲ ਹਾਰਡੀ ਸੰਧੂ ਨੇ ਇਸ ਨਵੀਂ ਪੇਸ਼ਕਸ਼ ਬਾਰੇ ਕੋਈ ਹੋਰ ਖੁਲਾਸਾ ਨਹੀਂ ਕੀਤਾ ਹੈ।
ਜੇ ਗੱਲ ਕਰੀਏ ਹਾਰਡੀ ਸੰਧੂ ਦੇ ਵਰਕ ਫਰੰਟ ਦੀ ਤਾਂ ਉਹ ਬਹੁਤ ਜਲਦ ਬਾਲੀਵੁੱਡ ‘ਚ ਆਪਣਾ ਡੈਬਿਊ ਕਰਨ ਜਾ ਰਹੇ ਹਨ। ਹਾਰਡੀ ਸੰਧੂ ਜਿਹੜੇ ਕਬੀਰ ਖ਼ਾਨ ਦੀ ਮੂਵੀ ’83 ‘ਚ ਨਜ਼ਰ ਆਉਣਗੇ। ਇਸ ਮੂਵੀ ‘ਚ ਉਹ ਭਾਰਤੀ ਕ੍ਰਿਕਟਰ ਮਦਨ ਲਾਲ ਦੇ ਕਿਰਦਾਰ ਨੂੰ ਨਿਭਾਉਦੇ ਹੋਏ ਦਿਖਾਈ ਦੇਣਗੇ। ਹਾਰਡੀ ਸੰਧੂ ਦੇ ਨਾਲ ਨਾਲ ਰਣਵੀਰ ਸਿੰਘ ਤੇ ਐਮੀ ਵਿਰਕ ਵੀ ਨਜ਼ਰ ਆਉਣਗੇ। ਹਾਰਡੀ ਸੰਧੂ ਪੰਜਾਬੀ ਇੰਡਸਟਰੀ ਨੂੰ ਕਈ ਹਿੱਟ ਗੀਤ ਦੇ ਚੁੱਕੇ ਹਨ ਜਿਵੇਂ ਨਾ ਜੀ ਨਾ, ਬੈਕ ਬੋਨ, ਨਾਂਹ, ਕਿਆ ਬਾਤ ਐ, ਜੋਕਰ ਆਦਿ ਤੋਂ ਇਲਾਵਾ ਪਾਲੀਵੁੱਡ ‘ਚ ‘ਯਾਰਾਂ ਦਾ ਕੈਚਅੱਪ’, ‘ਮਾਹੀ ਐੱਨ. ਆਰ.ਆਈ’ ਵਰਗੀ ਫ਼ਿਲਮਾਂ ‘ਚ ਆਪਣੀ ਅਦਾਕਾਰੀ ਪੇਸ਼ ਕਰ ਚੁੱਕੇ ਹਨ।