ਘਰ ‘ਚ ਬਣਾਓ ਆਂਵਲੇ ਦਾ ਮੁਰੱਬਾ, ਸਿਹਤ ਲਈ ਹੈ ਬਹੁਤ ਗੁਣਕਾਰੀ

ਸਰਦ ਰੁੱਤ ਸ਼ੁਰੂ ਹੋ ਚੁੱਕੀ ਹੈ । ਜਿਸ ਕਰਕੇ ਸਬਜ਼ੀਆਂ ਤੇ ਫਲ ਚੰਗੀ ਮਾਤਰਾ ‘ਚ ਪਾਏ ਜਾਂਦੇ ਨੇ । ਆਂਵਲਾ ਸਿਹਤ ਲਈ ਬਹੁਤ ਹੀ ਲਾਭਕਾਰੀ ਹੈ । ਆਂਵਲਾ ਵਿਟਾਮਿਨ, ਮਿਨਰਲਸ ਅਤੇ ਐਂਟੀਓਕਸੀਡੈਂਟ ਨਾਲ ਭਰਪੂਰ ਹੁੰਦਾ ਹੈ।

 ਹੋਰ ਪੜ੍ਹੋ : ਜਾਣੋ ਜੈਤੂਨ ਤੇਲ ਦੇ ਬੇਮਿਸਾਲ ਫਾਇਦਿਆਂ ਬਾਰੇ

ਬੱਚਿਆਂ ਤੋਂ ਲੈ ਕੇ ਹਰ ਉਮਰ ਦਾ ਵਿਅਕਤੀ ਬਹੁਤ ਹੀ ਚਾਅ ਦੇ ਨਾਲ ਆਂਵਲੇ ਦਾ ਮੁਰੱਬਾ ਖਾਉਂਦੇ ਨੇ ।

ਆਂਵਲਾ ਮੁਰੱਬਾ ਬਣਾਉਣ ਦੀ ਸਮੱਗਰੀ : ਆਂਵਲਾ ਇੱਕ ਕਿੱਲੋ, ਸ਼ੱਕਰ ਇੱਕ ਕਿੱਲੋ, ਪਾਣੀ ਇਕ ਲੀਟਰ । ਸਭ ਤੋਂ ਪਹਿਲਾਂ ਆਂਵਲੇ ਨੂੰ ਚੰਗੀ ਤਰ੍ਹਾਂ ਧੋ ਲਵੋ ਤੇ ਫਿਰ ਇੱਕ ਭਾਂਡੇ ਵਿਚ ਪਾਣੀ ਉਬਾਲ ਲਵੋ । ਜਦੋਂ ਪਾਣੀ ਉਬਲ ਜਾਵੇ ਤਾਂ ਉਸ ਦੇ ਵਿਚ ਆਂਵਲੇ ਪਾ ਦਵੋ। ਪੰਦਰਾਂ ਮਿੰਟ ਤੱਕ ਉਬਾਲੋ । ਆਂਵਲੇ ਨੂੰ ਬਰਤਨ ਵਿਚੋਂ ਬਾਹਰ ਕੱਢ ਲਵੋ।

ਹੁਣ ਦੂਜੇ ਬਰਤਨ ਵਿਚ ਇੱਕ ਲੀਟਰ ਪਾਣੀ ਅਤੇ ਉਸ ਦੇ ਵਿਚ ਇਕ ਕਿੱਲੋ ਸ਼ੱਕਰ ਪਾਓ । ਜਦੋਂ ਚਾਸ਼ਨੀ ਤਿਆਰ ਹੋ ਜਾਵੇ ਤਾਂ ਇਸ ‘ਚ ਆਂਵਲੇ ਪਾ ਦੇਵੋ । 35-45 ਮਿੰਟ ਤੱਕ ਪਕਾਉਣ ਤੋਂ  ਬਾਅਦ ਗੈਸ ਬੰਦ ਕਰ ਦਵੋ।

ਫਿਰ ਉਸ ਨੂੰ ਠੰਡਾ ਹੋਣ ਲਈ ਰੱਖ ਦਵੋ ਤੇ ਕੱਚ ਦੇ ਸਾਫ਼ ਬਰਤਨ ਵਿਚ ਭਰ ਕੇ ਰੱਖੋ। ਆਂਵਲੇ ਦਾ ਮੁਰੱਬਾ ਸਵੇਰੇ ਖਾਲੀ ਪੇਟ ਖਾਣ ਦੇ ਨਾਲ ਸਰੀਰ ਨੂੰ ਕਈ ਫਾਇਦੇ ਮਿਲਦੇ ਨੇ।