LIVE:
ਹੌਸਲਾ ਰੱਖ: ਦਿਲਜੀਤ ਦੋਸਾਂਝ, ਸ਼ਹਿਨਾਜ਼ ਗਿੱਲ ਤੇ ਸੋਨਮ ਬਾਜਵਾ ਦਾ ਡਾਂਸ ਗੀਤ ‘Chanel No 5’ ਛਾਇਆ ਟਰੈਂਡਿੰਗ ‘ਚ
ਦਿਲਜੀਤ ਦੋਸਾਂਝ Diljit Dosanjh, ਸ਼ਹਿਨਾਜ਼ ਗਿੱਲ ਤੇ ਸੋਨਮ ਬਾਜਵਾ ਸਟਰਾਰ ਫ਼ਿਲਮ ਹੌਸਲ ਰੱਖ Honsla Rakh ਜੋ ਕਿ ਬਹੁਤ ਜਲਦ ਦਰਸ਼ਕਾਂ ਦੇ ਰੁਬਰੂ ਹੋਣ ਜਾ ਰਹੀ ਹੈ। ਜਿਸ ਦੇ ਚਲਦੇ ਸ਼ਾਨਦਾਰ ਟ੍ਰੇਲਰ ਤੋਂ ਬਾਅਦ ਫ਼ਿਲਮ ਦਾ ਪਹਿਲਾ ਗੀਤ ਸ਼ਨੈਲ ਨੰਬਰ 5 (‘Chanel No 5’) ਰਿਲੀਜ਼ ਹੋ ਗਿਆ ਹੈ। ਜੀ ਹਾਂ ਗੀਤ ਨੇ ਯੂਟਿਊਬ ਉੱਤੇ ਪੂਰੀ ਧੱਕ ਪਾਈ ਹੋਈ ਹੈ, ਜਿਸ ਕਰਕੇ ਗੀਤ ਟਰੈਂਡਿੰਗ ਚ ਚੱਲ ਰਿਹਾ ਹੈ।
ਇਸ ਗੀਤ ਨੂੰ ਦਿਲਜੀਤ ਦੋਸਾਂਝ, ਸੋਨਮ ਬਾਜਵਾ Sonam Bajwa ਤੇ ਸ਼ਹਿਨਾਜ਼ ਗਿੱਲ ਉੱਤੇ ਫਿਲਮਾਇਆ ਗਿਆ ਹੈ। ਵੀਡੀਓ ਚ ਸ਼ਿੰਦਾ ਗਰੇਵਾਲ ਵੀ ਆਪਣੇ ਡਾਂਸ ਦੇ ਨਾਲ ਦਰਸ਼ਕਾਂ ਦਾ ਦਿਲ ਜਿੱਤਾ ਹੋਇਆ ਨਜ਼ਰ ਆ ਰਿਹਾ ਹੈ।
ਇਸ ਗੀਤ ਨੂੰ ਗਾਇਆ ਹੈ ਦਿਲਜੀਤ ਦੋਸਾਂਝ ਨੇ ਤੇ ਗਾਣੇ ਦੇ ਬੋਲ ਲਿਖੇ ਨੇ ਰਾਜ ਰਣਜੋਧ ਨੇ। ਇੰਟੈਂਸ ਨੇ ਆਪਣੇ ਚੱਕਵੇਂ ਮਿਊਜ਼ਿਕ ਦੇ ਨਾਲ ਗਾਣੇ ਨੂੰ ਚਾਰ ਚੰਨ ਲਗਾਏ ਨੇ। ਦੱਸ ਦਈਏ ਰਾਜ ਰਣਜੋਧ ਦੇ ਲਿਖੇ ਗੀਤਾਂ ਚ ਅਕਸਰ ਹੀ ਬ੍ਰੈਂਡ ਚੀਜ਼ਾਂ ਦਾ ਜ਼ਿਕਰ ਸੁਣਨ ਨੂੰ ਮਿਲਦਾ ਹੈ। ਇਸ ਕਰਕੇ ਇਸ ਗੀਤ ‘ਚ ਵੀ ਇੰਟਰਨੈਸ਼ਨਲ ਬ੍ਰੈਂਡ ‘Chanel No 5’ ਦਾ ਜ਼ਿਕਰ ਸੁਣਨ ਨੂੰ ਮਿਲ ਰਿਹਾ ਹੈ। ਇਹ ਗੀਤ ਨੱਚਣ ਟੱਪਣ ਵਾਲਾ ਹੈ, ਜਿਸ ਕਰਕੇ ਦਰਸ਼ਕਾਂ ਨੂੰ ਇਹ ਗੀਤ ਬਹੁਤ ਪਸੰਦ ਆ ਰਿਹਾ ਹੈ। ਜੇ ਗੱਲ ਕਰੀਏ ਫ਼ਿਲਮ ਦੀ ਤਾਂ ਹੌਸਲਾ ਰੱਖ ਇਸ ਮਹੀਨੇ ਦੀ 15 ਤਾਰੀਖ ਨੂੰ ਰਿਲੀਜ਼ ਹੋਣ ਜਾ ਰਹੀ ਹੈ। ਇਹ ਫ਼ਿਲਮ ਕਾਮੇਡੀ ਜ਼ੌਨਰ ਦੀ ਹੈ ਜੋ ਕਿ ਦਰਸ਼ਕਾਂ ਦਾ ਪੂਰਾ ਮਨੋਰੰਜਨ ਕਰਦੀ ਹੋਈ ਨਜ਼ਰ ਆਵੇਗੀ ।
