ਧਰਮਿੰਦਰ ਤੇ ਅਮਿਤਾਬ ਬੱਚਨ ਵਰਗੇ ਵੱਡੇ ਅਦਾਕਾਰਾਂ ਨੂੰ ਝਿੜਕਾਂ ਦੇ ਦਿੰਦਾ ਸੀ ਇਹ ਬੰਦਾ, ਜਾਣੋਂ ਦਿਲਚਸਪ ਕਿੱਸਾ
ਚੁਪਕੇ ਚੁਪਕੇ, ਅਨੁਪਮਾ, ਆਨੰਦ, ਅਭਿਮਾਨ, ਗੋਲਮਾਲ ਅਤੇ ਨਮਕ ਹਰਾਮ ਵਰਗੀਆਂ ਯਾਦਗਾਰ ਫ਼ਿਲਮਾਂ ਦੇਣ ਵਾਲੇ ਡਾਇਰੈਕਟਰ ਰਿਸ਼ੀਕੇਸ਼ ਮੁਖਰਜੀ ਦੀ ਪਹਿਚਾਣ ਇੱਕ ਤੇਜ਼ ਤਰਾਰ ਨਿਰਦੇਸ਼ਕ ਦੇ ਤੌਰ ਤੇ ਹੁੰਦੀ ਸੀ । ਉਹ ਕਿਸੇ ਵੀ ਸੀਨ ਨੂੰ ਫ਼ਿਲਮਾਉਣ ਤੋਂ ਪਹਿਲਾਂ ਅਦਾਕਾਰ ਨੂੰ ਇਹ ਨਹੀਂ ਸਨ ਦੱਸਦੇ ਕਿ ਅਗਲਾ ਸੀਨ ਕੀ ਹੈ । ਅਦਾਕਾਰ ਨੂੰ ਉਸ ਦੀ ਡਰੈੱਸ ਫੜਾ ਦਿੱਤੀ ਜਾਂਦੀ ਸੀ ਤੇ ਫ਼ਿਲਮ ਦੀ ਸ਼ੂਟਿੰਗ ਸ਼ੁਰੂ ਹੋ ਜਾਂਦੀ ਸੀ ।
ਇਸ ਆਰਟੀਕਲ ਵਿੱਚ ਉਹਨਾਂ ਬਾਰੇ ਇੱਕ ਦਿਲਚਸਪ ਕਿੱਸਾ ਦੱਸਾਂਗੇ । ਫ਼ਿਲਮ ਚੁਪਕੇ ਚੁਪਕੇ ਦੇ ਸੈੱਟ ਤੇ ਅਮਿਤਾਬ ਬੱਚਨ ਤੇ ਧਰਮਿੰਦਰ ਨੂੰ ਰਿਸ਼ੀਕੇਸ ਦੀ ਆਦਤ ਦਾ ਪਤਾ ਨਹੀਂ ਸੀ ਜਿਸ ਕਰਕੇ ਦੋਹਾਂ ਨੂੰ ਰਿਸ਼ੀਕੇਸ਼ ਤੋਂ ਝਿੜਕਾਂ ਪਈਆਂ ਸਨ । ਦਰਅਸਲ ਇਸ ਫ਼ਿਲਮ ਦਾ ਇੱਕ ਸੀਨ ਫ਼ਿਲਮਾਇਆ ਜਾਣਾ ਸੀ । ਜਿਸ ਵਿੱਚ ਅਸਰਾਨੀ ਸੈਂਟਰਲ ਕਰੈਕਟਰ ਸਨ । ਅਸਰਾਨੀ ਨੂੰ ਸੀਨ ਦੌਰਾਨ ਸੂਟ ਪਹਿਨਣਾ ਸੀ ਤੇ ਧਰਮਿੰਦਰ ਨੂੰ ਡਰਾਈਵਰ ਦੀ ਡਰੈੱਸ ।
ਦੋਹਾਂ ਨੂੰ ਉਹਨਾਂ ਦੀ ਡਰੈੱਸ ਦੇ ਦਿੱਤੀ ਗਈ । ਪਰ ਦੋਵੇਂ ਹੈਰਾਨ ਸਨ ਜਦੋਂ ਰਿਸ਼ੀਕੇਸ਼ ਅਰਾਮ ਨਾਲ ਚੈੱਸ ਖੇਡ ਰਹੇ ਸਨ । ਜਦੋਂ ਧਰਮਿੰਦਰ ਦੀ ਜਗਿਆਸਾ ਸ਼ਾਂਤ ਨਾ ਹੋਈ ਤਾਂ ਧਰਮਿੰਦਰ ਨੇ ਅਸਰਾਨੀ ਨੂੰ ਪੁੱਛ ਹੀ ਲਿਆ ਕਿ ਮੈਂ ਤੁਹਾਡਾ ਡਰਾਈਵਰ ਬਣਿਆ ਹਾਂ । ਧਰਮਿੰਦਰ ਜਦੋਂ ਇਹ ਗੱਲਾਂ ਕਰ ਰਹੇ ਸਨ ਤਾਂ ਰਿਸ਼ੀਕੇਸ਼ ਨੇ ਇਹ ਸਭ ਕੁਝ ਸੁਣ ਲਿਆ । ਉਹਨਾਂ ਨੇ ਧਰਮਿੰਦਰ ਨੂੰ ਆਵਾਜ਼ ਦੇ ਕੇ ਕਿਹਾ ਏ ਧਰਮ ਅਸਰਾਨੀ ਨੂੰ ਕੀ ਪੁੱਛ ਰਿਹਾ ਹੈ ਮੇਰੇ ਤੋਂ ਪੁੱਛ ਜੇ ਕਹਾਣੀ ਦੀ ਤੈਨੂੰ ਏਨੀਂ ਸਮਝ ਹੁੰਦੀ ਤਾਂ ਅੱਜ ਤੂੰ ਹੀਰੋ ਹੁੰਦਾ, ਏਨੀਂ ਗੱਲ ਸੁਣਕੇ ਧਰਮਿੰਦਰ ਚੁੱਪ ਕਰਕੇ ਬੈਠ ਗਏ ।
ਧਰਮਿੰਦਰ ਦੇ ਨਾਲ ਜੋ ਹੋਇਆ ਅਮਿਤਾਬ ਨੂੰ ਇਸ ਬਾਰੇ ਪਤਾ ਨਹੀਂ ਸੀ ਉਸ ਨੇ ਅਸਰਾਨੀ ਤੋਂ ਸੂਟ ਵਾਲਾ ਮਾਜਰਾ ਪੁੱਛ ਲਿਆ । ਇਹ ਸੁਣ ਕੇ ਰਿਸ਼ੀਕੇਸ਼ ਫਿਰ ਝਿੜਕਾਂ ਦੇਣ ਲੱਗੇ । ਉਹਨਾਂ ਨੇ ਕਿਹਾ ਕਿ ਅਸਰਾਨੀ ਤੋਂ ਕੀ ਪੁੱਛਦਾ ਹੈ ਧਰਮਿੰਦਰ ਨੂੰ ਪੁੱਛ । ਜੇ ਤੁਹਾਨੂੰ ਕਹਾਣੀ ਦੀ ਏਨੀਂ ਸਮਝ ਹੁੰਦੀ ਤਾਂ ਤੁਸੀਂ ਫ਼ਿਲਮ ਦੇ ਹੀਰੋ ਨਹੀਂ ਡਾਇਰੈਕਟਰ ਹੁੰਦੇ । ਰਿਸ਼ੀਕੇਸ਼ ਦੀ ਇਹ ਗੱਲ ਸੁਣਕੇ ਅਮਿਤਾਬ ਤੇ ਧਰਮਿੰਦਰ ਦਾ ਮੂੰਹ ਉਤਰ ਗਿਆ । ਬਾਅਦ ਵਿੱਚ ਫ਼ਿਲਮ ਚੁਪਕੇ ਚੁਪਕੇ ਕਲਾਸਿਕ ਹਿੱਟ ਹੋਈ ।