ਜਾਣੋ ਕਿਉਂ ਜੈਸਮੀਨ ਅਖ਼ਤਰ ਨਹੀਂ ਛੱਡ ਸਕਦੀ ਆਪਣੀਆਂ ਪੱਕੀਆਂ ਫਰੈਂਡਾਂ ਦਾ ਸਾਥ, ਦੇਖੋ ਵੀਡੀਓ
ਜਾਣੋ ਕਿਉਂ ਜੈਸਮੀਨ ਅਖ਼ਤਰ ਨਹੀਂ ਛੱਡ ਸਕਦੀ ਆਪਣੀਆਂ ਪੱਕੀਆਂ ਫਰੈਂਡਾਂ ਦਾ ਸਾਥ, ਦੇਖੋ ਵੀਡੀਓ : ਪੰਜਾਬ ਦੀ ਨਾਮਵਰ ਗਾਇਕਾ ਜੈਸਮੀਨ ਅਖ਼ਤਰ ਦਾ ਨਵਾਂ ਗੀਤ 'ਫਰੈਂਡਾਂ ਪੱਕੀਆਂ' ਰਿਲੀਜ਼ ਹੋ ਚੁੱਕਿਆ ਹੈ ਜਿਸ ਦਾ ਵਰਲਡ ਟੀਵੀ ਪ੍ਰੀਮੀਅਰ ਪੀਟੀਸੀ ਪੰਜਾਬੀ ਅਤੇ ਪੀਟੀਸੀ ਚੱਕਦੇ 'ਤੇ ਐਕਸਕਲਿਉਸਿਵ ਹੋ ਚੁੱਕਿਆ ਹੈ। ਜੈਸਮੀਨ ਅਖ਼ਤਰ ਦਾ ਇਹ ਗੀਤ ਬਹੁਤ ਹੀ ਸ਼ਾਨਦਾਰ ਹੈ ਜਿਸ 'ਚ ਉਹ ਆਪਣੀਆਂ ਸਹੇਲੀਆਂ ਦੀ ਗੱਲ ਕਰ ਰਹੇ ਹਨ। ਯਾਰਾਂ ਦੋਸਤਾਂ ਤੇ ਪੰਜਾਬੀ ਇੰਡਸਟਰੀ 'ਚ ਹੁਣ ਤੱਕ ਬਹੁਤ ਸਾਰੇ ਗੀਤ ਆਏ ਹਨ ਪਰ ਇਸ 'ਚ ਜੈਸਮੀਨ ਨੇ ਪੱਕੀਆਂ ਸਹੇਲੀਆਂ ਦੀ ਗੱਲ ਕੀਤੀ ਹੈ ਜਿੰਨ੍ਹਾਂ ਨੂੰ ਉਹ ਛੱਡ ਨਹੀਂ ਸਕਦੇ।
ਯੂ ਟਿਊਬ 'ਤੇ ਇਹ ਗੀਤ ਜਸਨੂਰ ਰਿਕਾਰਡਜ਼ ਦੇ ਲੇਬਲ ਨਾਲ ਰਿਲੀਜ਼ ਹੋਇਆ ਹੈ। ਜੈਸਮੀਨ ਅਖ਼ਤਰ ਦੇ ਇਸ ਗੀਤ ਦੇ ਬੋਲ ਜੱਗੀ ਕੌਲ ਵੱਲੋਂ ਲਿਖੇ ਗਏ ਹਨ ਅਤੇ ਮਿਊਜ਼ਿਕ Gush Sembhi ਵੱਲੋਂ ਤਿਆਰ ਕੀਤਾ ਗਿਆ ਹੈ। ਗੀਤ ਦਾ ਵੀਡੀਓ ਵੀ ਕਾਫੀ ਰੋਚਕ ਹੈ ਜਿਸ ਨੂੰ ਬਰਿੰਦਰ ਸਿੰਘ ਮਾਰਵਾਹਾ ਨੇ ਡਾਇਰੈਕਟ ਕੀਤਾ ਅਤੇ ਬਰੇਵ ਆਰਟਜ਼ ਦੀ ਪ੍ਰੋਡਕਸ਼ਨ 'ਚ ਫ਼ਿਲਮਾਇਆ ਗਿਆ ਹੈ। ਜੈਸਮੀਨ ਦੇ ਇਸ ਗੀਤ ਨੂੰ ਦਰਸ਼ਕਾਂ ਵੱਲੋਂ ਚੰਗਾ ਹੁੰਗਾਰਾ ਮਿਲ ਰਿਹਾ ਹੈ।
ਜੈਸਮੀਨ ਅਖ਼ਤਰ ਇਸ ਤੋਂ ਪਹਿਲਾਂ ਵੀ ਕਈ ਹਿੱਟ ਗੀਤ ਗਾ ਚੁੱਕੇ ਹਨ, ਜਿੰਨ੍ਹਾਂ 'ਚ ਟੁੱਟ ਪੈਣਿਆਂ, ਗੁੱਟ 'ਤੇ ਰੁਮਾਲ, ਕਮਲ਼ੀ ਆਦਿ ਵਰਗੇ ਗੀਤ ਸ਼ਾਮਿਲ ਹਨ। ਇਸ ਤੋਂ ਇਲਾਵਾ ਪੰਜਾਬ ਦੇ ਵੱਡੇ ਗਾਇਕਾਂ ਨਾਲ ਜੈਸਮੀਨ ਡਿਊਟ ਗੀਤ ਵੀ ਗਾ ਚੁੱਕੇ ਹਨ। ਉਹਨਾਂ ਦੇ ਗੀਤਾਂ ਨੂੰ ਪ੍ਰਸ਼ੰਸਕਾਂ ਵੱਲੋਂ ਕਾਫੀ ਪਸੰਦ ਕੀਤਾ ਜਾਂਦਾ ਹੈ।