LIVE:
ਜੈਜ਼ੀ ਬੀ ਤੇ ਦਿਲਜੀਤ ਦੌਸਾਂਝ ਨੇ 70 ਸਾਲਾ ਬੇਬੇ ਦਾ ਵੀਡੀਓ ਸਾਂਝਾ ਕਰਕੇ ਲੋਕਾਂ ਨੂੰ ਦਿੱਤਾ ਖ਼ਾਸ ਸੁਨੇਹਾ
ਗਾਇਕ ਜੈਜ਼ੀ ਬੀ ਤੇ ਦਿਲਜੀਤ ਦੌਸਾਂਝ ਨੇ ਆਪਣੇ ਸੋਸ਼ਲ ਮੀਡੀਆ ਹੈਂਡਲ ਤੇ ਇੱਕ ਖ਼ਾਸ ਵੀਡੀਓ ਸਾਂਝਾ ਕੀਤਾ ਹੈ ।ਇਸ ਵੀਡੀਓ ਵਿੱਚ ਇੱਕ 70 ਸਾਲਾ ਬੇਬੇ ਗੱਲ-ਬਾਤ ਕਰ ਰਹੀ ਹੈ । ਵੀਡੀਓ ਵਿੱਚ ਬੇਬੇ ਕਹਿੰਦੀ ਹੈ ਕਿ ‘ਲੋਕ ਵੱਡੇ ਵੱਡੇ ਹੋਟਲਾਂ ਵਿੱਚ ਹਜ਼ਾਰਾਂ ਰੁਪਏ ਦਾ ਭੋਜਨ ਖਾ ਜਾਂਦੇ ਹਨ ਅਤੇ ਉਨ੍ਹਾਂ ਲਈ ਆਮ ਗੱਲ ਹੈ।
ਹੋਰ ਪੜ੍ਹੋ :-
ਸਾਡੇ ਕੋਲ ਸਸਤੀਆਂ ਰੋਟੀਆਂ ਅਤੇ ਦਾਲ ਸਬਜ਼ੀ ਹੈ, ਨਾਲ ਹੀ ਪਰੌਂਠੇ ਵੀ ਹਨ। ਉਸਦਾ ਪਤੀ ਨਹੀਂ ਹੈ ਅਤੇ ਉਸਨੇ ਇਸ ਆਮਦਨੀ ਨਾਲ ਆਪਣੇ ਬੱਚਿਆਂ ਨੂੰ ਪਾਲਿਆ ਹੈ। ਪਰ ਉਹ ਇਨ੍ਹਾਂ ਹਲਾਤਾਂ ਵਿੱਚ ਵੀ ਖੁਸ਼ ਹੈ ਅਤੇ ਹਰ ਰੋਜ਼ ਵੱਧ ਤੋਂ ਵੱਧ ਕੰਮ ਕਰਨ ਦੀ ਕੋਸ਼ਿਸ਼ ਕਰਦੀ ਹੈ, ਹਾਲਾਂਕਿ ਹੁਣ ਉਸਦਾ ਕੰਮ ਘੱਟ ਗਿਆ ਹੈ’ ।
ਦਿਲਜੀਤ ਨੇ ਵੀਡੀਓ ਦੇ ਨਾਲ ਲਿਖਿਆ ਹੈ, "ਫਗਵਾੜਾ ਗੇਟ ਕੋਲ ਬੈਠਦੀ ਹੈ ਬੀਜੀ, ਹੁਣ ਤਾਂ ਮੇਰੇ ਪਰੌਂਠੇ ਪੱਕੇ ਜੱਦ ਵੀ ਜਲੰਧਰ ਗਿਆ, ਤੁਸੀਂ ਵੀ ਜ਼ਰੂਰ ਜਾ ਕੇ ਆਉਣਾ। ਇਸ ਵੀਡੀਓ ਨੂੰ 36.2 ਲੱਖ ਵਿਯੂਜ਼ ਮਿਲੇ ਹਨ।
ਇਸ ਤੋਂ ਪਹਿਲਾਂ ਦੀ ਗੱਲ ਕੀਤੀ ਜਾਵੇ ਤਾਂ ਇੱਕ ਬਜ਼ੁਰਗ ਜੋੜੇ ਦਾ ਇੱਕ ਵੀਡੀਓ ਵਾਇਰਲ ਹੋਇਆ ਸੀ।'ਬਾਬਾ ਕਾ ਢਾਬਾ' ਚਲਾਉਣ ਵਾਲੇ ਬਜ਼ੁਰਗ ਜੋੜੇ ਦੇ ਵਾਇਰਲ ਵੀਡੀਓ ਮਗਰੋਂ ਵੱਡੀ ਗਿਣਤੀ 'ਚ ਲੋਕ ਉਨ੍ਹਾਂ ਕੋਲ ਖਾਣ ਲਈ ਪਹੁੰਚੇ ਸੀ।
