ਜਿੰਮੀ ਸ਼ੇਰਗਿੱਲ ਨੂੰ ਇਸ ਬੰਦੇ ਨੇ ਅਦਾਕਾਰੀ ਕਰਨ ਦੀ ਦਿੱਤੀ ਸੀ ਸਲਾਹ, ਇਸ ਟੈਸਟ ’ਚੋਂ ਫੇਲ੍ਹ ਹੋ ਗਏ ਸਨ ਜਿੰਮੀ ਸ਼ੇਰਗਿੱਲ

ਜਿੰਮੀ ਸ਼ੇਰਗਿੱਲ ਬਾਲੀਵੁੱਡ ਦੇ ਉਹ ਅਦਾਕਾਰ ਹਨ ਜਿਨ੍ਹਾਂ ਨੂੰ ਵੱਖਰੇ ਕਿਸਮ ਦੀਆਂ ਫ਼ਿਲਮਾਂ ਕਰਨ ਲਈ ਜਾਣਿਆ ਜਾਂਦਾ ਹੈ । ਅਦਾਕਾਰੀ ਤੋਂ ਪਹਿਲਾਂ ਜਿੰਮੀ ਸ਼ੇਰਗਿੱਲ ਆਮ ਲੋਕਾਂ ਵਾਂਗ ਹੀ ਨੌਕਰੀ ਕਰਨਾ ਚਾਹੁੰਦੇ ਸਨ । ਜਿੰਮੀ ਨੇ ਇੱਕ ਇੰਟਰਵਿਊ ਵਿੱਚ ਖੁਲਾਸਾ ਕੀਤਾ ਸੀ ਕਿ ਉਹਨਾਂ ਨੇ ਬੀ. ਕਾਮ ਦੀ ਪੜ੍ਹਾਈ ਕੀਤੀ ਹੋਈ ਹੈ । ਇਸ ਤੋਂ ਬਾਅਦ ਉਹ ਐੱਮਬੀਏ ਕਰਨਾ ਚਾਹੁੰਦੇ ਸਨ ।

https://www.instagram.com/p/B2CcEablTOR/

ਪਰ ਉਹਨਾਂ ਦੇ ਭੂਆ ਦੇ ਮੁੰਡੇ ਨੇ ਉਹਨਾਂ ਨੂੰ ਸਲਾਹ ਦਿੱਤੀ ਸੀ, ਕਿ ਉਹ ਅਦਾਕਾਰੀ ਵਿੱਚ ਆਪਣੀ ਕਿਸਮਤ ਕਿਉਂ ਨਹੀਂ ਅਜਮਾਉਂਦਾ, ਐੱਮਬੀਏ ਤਾਂ ਬਾਅਦ ਵਿੱਚ ਵੀ ਹੋ ਜਾਵੇਗੀ । ਇਸ ਤੋਂ ਬਾਅਦ ਉਹ ਮੁੰਬਈ ਚਲੇ ਗਏ, ਤੇ ਇੱਥੇ ਰੋਸ਼ਨ ਤਨੇਜਾ ਦੀ ਕਲਾਸ ਦਾ ਹਿੱਸਾ ਬਣੇ ।

https://www.instagram.com/p/B15WFYMl72K/

ਇਸ ਦੌਰਾਨ ‘ਮਾਚਿਸ’ ਫ਼ਿਲਮ ਵਿੱਚ ਕੰਮ ਕਰਨ ਦਾ ਮੌਕਾ ਮਿਲਿਆ ਤੇ ਇਸ ਤੋਂ ਬਾਅਦ ਫ਼ਿਲਮਾਂ ਵਿੱਚ ਕੰਮ ਕਰਨ ਦਾ ਸਿਲਸਿਲਾ ਤੁਰ ਪਿਆ । ਜਿੰਮੀ ਨੇ ਦੱਸਿਆ ਸੀ ਕਿ ਜਦੋਂ ਉਹ ਸਕੂਲ ਵਿੱਚ ਪੜ੍ਹਦੇ ਸਨ ਤਾਂ ਉਹਨਾਂ ਦਾ ਭਾਰਤੀ ਫੌਜ ਵਿੱਚ ਜਾਣ ਦਾ ਮਨ ਸੀ ।

https://www.instagram.com/p/BgHOTdllwJM/

ਉਹਨਾਂ ਨੇ ਫੌਜ ਵਿੱਚ ਭਰਤੀ ਹੋਣ ਲਈ ਟੈਸਟ ਵੀ ਦਿੱਤਾ ਪਰ ਸਫ਼ਲ ਨਹੀਂ ਹੋਏ । ਉਹਨਾਂ ਨੇ ਕਿਹਾ ਕਿ ਉਹ ਫੌਜ ਵਿੱਚ ਭਰਤੀ ਤਾਂ ਨਹੀਂ ਹੋ ਸਕੇ ਪਰ ਜਦੋਂ ਉਹ ਇਸ ਤਰ੍ਹਾਂ ਦੇ ਕਿਰਦਾਰ ਕਰਦੇ ਹਨ ਤਾਂ ਉਹਨਾਂ ਦੀ ਰੂਹ ਨੂੰ ਸਕੂਨ ਮਿਲਦਾ ਹੈ ।