Kajol-Tanisha Surprise Mom Tanuja: ਆਮ ਲੋਕਾਂ ਵਾਂਗ, ਬਾਲੀਵੁੱਡ ਕਲਾਕਾਰ ਵੀ ਅਕਸਰ ਆਪਣੇ ਪਰਿਵਾਰ ਅਤੇ ਦੋਸਤਾਂ ਨੂੰ ਹੈਰਾਨ ਕਰਨ ਅਤੇ ਖੁਸ਼ ਕਰਨ ਵਿੱਚ ਕੋਈ ਕਸਰ ਨਹੀਂ ਛੱਡਦੇ। ਅਦਾਕਾਰਾ ਕਾਜੋਲ ਅਤੇ ਉਸ ਦੀ ਭੈਣ ਤਨੀਸ਼ਾ ਮੁਖਰਜੀ ਨੇ ਹਾਲ ਹੀ ਵਿੱਚ ਆਪਣੀ ਮਾਂ ਤਨੂਜਾ ਲਈ ਕੁਝ ਅਜਿਹਾ ਹੀ ਕੀਤਾ ਹੈ। ਕਾਜੋਲ-ਤਨੀਸ਼ਾ ਨੇ ਨਵੇਂ ਬਣੇ ਬੰਗਲੇ 'ਚ ਮਾਂ ਤਨੂਜਾ ਨੂੰ ਇੱਕ ਸ਼ਾਨਦਾਰ ਸਰਪ੍ਰਾਈਜ਼ ਦਿੱਤਾ, ਜਿਸ ਨੂੰ ਦੇਖ ਕੇ ਤਨੂਜਾ ਕੁਝ ਭਾਵੁਕ ਹੋ ਗਈ। ਇਸ ਦੇ ਨਾਲ ਹੀ ਤਨੀਸ਼ਾ ਨੇ ਘਰ ਦੇ ਅੰਦਰ ਦਾ ਵੀਡੀਓ ਵੀ ਸੋਸ਼ਲ ਮੀਡੀਆ 'ਤੇ ਸ਼ੇਅਰ ਕੀਤਾ ਹੈ।
image source: Instagramਹੋਰ ਪੜ੍ਹੋ : Christmas 2022: ਦੇਖੋ ਆਲੀਆ ਭੱਟ ਤੋਂ ਲੈ ਕੇ ਸ਼ਿਲਪਾ ਸ਼ੈੱਟੀ ਦੇ ਕ੍ਰਿਸਮਿਸ ਸੈਲੀਬ੍ਰੇਸ਼ਨ ਦੀਆਂ ਤਸਵੀਰਾਂ
image source: Instagramਤਨੀਸ਼ਾ ਨੇ ਸੋਸ਼ਲ ਮੀਡੀਆ 'ਤੇ ਇੱਕ ਵੀਡੀਓ ਸ਼ੇਅਰ ਕੀਤਾ ਹੈ। ਇਸ ਵੀਡੀਓ ਨੂੰ ਦੇਖ ਕੇ ਪਤਾ ਲੱਗਦਾ ਹੈ ਕਿ ਕਾਜੋਲ ਅਤੇ ਤਨੀਸ਼ਾ ਨੇ ਮਿਲ ਕੇ ਮਾਂ ਤਨੂਜਾ ਨੂੰ ਸਰਪ੍ਰਾਈਜ਼ ਦਿੱਤਾ ਹੈ। ਵੀਡੀਓ 'ਚ ਦੇਖ ਸਕਦੇ ਹੋ ਕਿ ਤਨੀਸ਼ਾ ਅਤੇ ਕਾਜੋਲ ਆਪਣੀ ਮਾਂ ਨੂੰ 8 ਮਹੀਨਿਆਂ ਬਾਅਦ ਆਪਣੇ ਲੋਨਾਵਾਲਾ ਵਾਲੇ ਬੰਗਲੇ ‘ਚ ਲੈ ਗਏ, ਜਿੱਥੇ ਕਈ ਦਿਨਾਂ ਤੋਂ ਕੰਮ ਚੱਲ ਰਿਹਾ ਸੀ। ਆਪਣੇ ਘਰ ਨੂੰ ਦੇਖ ਕੇ ਤਨੂਜਾ ਕਾਫੀ ਭਾਵੁਕ ਹੋ ਗਈ। ਇਸ ਦੇ ਨਾਲ ਹੀ ਕਾਜੋਲ ਨੇ ਤਨੀਸ਼ਾ ਨੂੰ ਗਲੇ ਵੀ ਲਗਾਇਆ।
image source: Instagramਵੀਡੀਓ ਸ਼ੇਅਰ ਕਰਦੇ ਹੋਏ ਤਨੀਸ਼ਾ ਨੇ ਲਿਖਿਆ- 'ਇਸ ਲਈ ਅਸੀਂ ਲੋਨਾਵਾਲਾ 'ਚ ਮਾਂ ਦੇ ਘਰ ਦਾ ਕੰਮ ਪੂਰਾ ਕੀਤਾ ਅਤੇ 8 ਮਹੀਨਿਆਂ ਬਾਅਦ ਉਨ੍ਹਾਂ ਨੂੰ ਦਿਖਾਇਆ।' ਵੀਡੀਓ 'ਚ ਦੇਖਿਆ ਜਾ ਰਿਹਾ ਹੈ ਕਿ ਤਨੂਜਾ ਦੇ ਨਾਲ ਤਨੀਸ਼ਾ ਅਤੇ ਕਾਜੋਲ ਇਸ ਨਵੇਂ ਘਰ 'ਚ ਪਹੁੰਚਦੇ ਹਨ। ਤਿੰਨਾਂ ਨੇ ਮਿਲ ਕੇ ਰਿਬਨ ਕੱਟਿਆ। ਇਸ ਤੋਂ ਬਾਅਦ ਤਿੰਨੋਂ ਘਰ ਵਿੱਚ ਦਾਖਲ ਹੁੰਦੀਆਂ ਹਨ। ਤਨੂਜਾ ਅਤੇ ਕਾਜੋਲ ਘਰ ਦੇ ਮੁੱਖ ਗੇਟ 'ਤੇ ਪਹੁੰਚ ਕੇ ਆਪਣੀਆਂ ਚੱਪਲਾਂ ਉਤਾਰਦੀਆਂ ਹਨ। ਨਵੇਂ ਘਰ ਨੂੰ ਦੇਖ ਕੇ ਤਨੂਜਾ ਦੇ ਚਿਹਰੇ 'ਤੇ ਇੱਕ ਵੱਖਰੀ ਹੀ ਖੁਸ਼ੀ ਹੈ, ਜਦਕਿ ਉਹ ਕੁਝ ਭਾਵੁਕ ਨਜ਼ਰ ਆ ਰਹੀ ਹੈ। ਸੋਸ਼ਲ ਮੀਡੀਆ ਉੱਤੇ ਫੈਨਜ਼ ਵੀ ਕਮੈਂਟ ਕਰਕੇ ਧੀਆਂ ਵੱਲੋਂ ਦਿੱਤੇ ਇਸ ਖ਼ਾਸ ਸਰਪ੍ਰਾਈਜ਼ ਦੀ ਤਾਰੀਫ ਕਰ ਰਹੇ ਹਨ।
