LIVE:
ਕਪਿਲ ਸ਼ਰਮਾ ਦੇ ਨਾਮ ਹੋਇਆ ਇੱਕ ਹੋਰ ਰਿਕਾਰਡ, 'ਵਰਲਡ ਬੁੱਕ ਆਫ ਰਿਕਾਰਡਜ਼ ਲੰਡਨ' 'ਚ ਨਾਮ ਹੋਇਆ ਦਰਜ
ਕਪਿਲ ਸ਼ਰਮਾ ਦੇ ਨਾਮ ਹੋਇਆ ਇੱਕ ਹੋਰ ਰਿਕਾਰਡ, 'ਵਰਲਡ ਬੁੱਕ ਆਫ ਰਿਕਾਰਡਜ਼ ਲੰਡਨ' 'ਚ ਨਾਮ ਹੋਇਆ ਦਰਜ : ਕਪਿਲ ਸ਼ਰਮਾ ਦੇਸ਼ ਦੇ ਨੰਬਰ ਇੱਕ ਕਾਮੇਡੀਅਨ ਹਨ ਇਸ 'ਚ ਤਾਂ ਕੋਈ ਸ਼ੱਕ ਨਹੀਂ ਪਰ ਹੁਣ ਉਹਨਾਂ ਨੂੰ ਇਸ ਗੱਲ ਦਾ ਸਰਟੀਫ਼ਿਕੇਟ ਵੀ ਮਿਲ ਚੁੱਕਿਆ ਹੈ। ਜੀ ਹਾਂ ਟੀ. ਵੀ. ਦੇ ਸਭ ਤੋਂ ਮਸ਼ਹੂਰ ਸ਼ੋਅ 'ਦ ਕਪਿਲ ਸ਼ਰਮਾ ਸ਼ੋਅ' ਨਾਲ ਭਾਰਤੀਆਂ ਦੇ ਦਿਲਾਂ 'ਤੇ ਰਾਜ ਕਰਨ ਵਾਲੇ ਕਪਿਲ ਸ਼ਰਮਾ ਨੂੰ ਭਾਰਤ ਦੇ ਸਭ ਤੋਂ ਵੱਧ ਦੇਖੇ ਜਾਣ ਵਾਲੇ ਕਾਮੇਡੀਅਨ ਦੀ ਲਿਸਟ 'ਚ ਪਹਿਲਾ ਸਥਾਨ ਹਾਸਿਲ ਹੋਇਆ ਹੈ। 'ਵਰਲਡ ਬੁੱਕ ਆਫ ਰਿਕਾਰਡਜ਼ ਲੰਡਨ' ਵੱਲੋਂ ਕਪਿਲ ਸ਼ਰਮਾ ਨੂੰ ਭਾਰਤ 'ਚ ਸਭ ਤੋਂ ਜ਼ਿਆਦਾ ਦੇਖੇ ਜਾਣ ਵਾਲੇ ਕਾਮੇਡੀਅਨ ਦੇ ਤੌਰ 'ਤੇ ਸਨਮਾਨਿਤ ਕੀਤਾ ਹੈ।
ਲੰਬੇ ਸਮੇਂ ਬਾਅਦ ਕਪਿਲ ਸ਼ਰਮਾ ਨੇ ਆਪਣੇ ਸ਼ੋਅ 'ਦ ਕਪਿਲ ਸ਼ਰਮਾ ਸ਼ੋਅ' ਰਾਹੀਂ ਮੁੜ ਵਾਪਸੀ ਕੀਤੀ ਸੀ ਜਿਸ ਤੋਂ ਬਾਅਦ ਹੀ ਉਹਨਾਂ ਦਾ ਟੀਵੀ ਸ਼ੋਅ ਨੰਬਰ ਇੱਕ ਬਣ ਚੁੱਕਿਆ ਹੈ। ਹਾਲ ਹੀ 'ਚ ਵਰਲਡ ਬੁੱਕ ਆਫ ਰਿਕਾਰਡਜ਼ ਲੰਡਨ ਦੇ ਬਰੈਂਡ ਐਂਬਸਡਰ ਬਣੇ ਦਲੇਰ ਮਹਿੰਦੀ ਦੇ ਹੱਥੋਂ ਕਪਿਲ ਸ਼ਰਮਾ ਨੂੰ ਇਹ ਸਨਮਾਨ ਮਿਲਿਆ ਹੈ। ਕਪਿਲ ਸ਼ਰਮਾ ਦੇ ਫੈਨਜ਼ ਉਹਨਾਂ ਨੂੰ ਲਗਾਤਾਰ ਵਧਾਈਆਂ ਭੇਜ ਰਹੇ ਹਨ।
Brand Ambassador of World Book of Records, the Badshah of Bhangra Pop Daler Mehndi giving away the Prestigious World Book of Records award to the King of Laughter @KapilSharmaK9#TheKapilSharmaShow pic.twitter.com/BwWG6J1qas
— Daler Mehndi (@dalermehndi) May 18, 2019
ਗਾਇਕ ਦਲੇਰ ਮਹਿੰਦੀ ਵੱਲੋਂ ਵੀ ਇਸ ਦੀ ਤਸਵੀਰ ਆਪਣੇ ਸ਼ੋਸ਼ਲ ਮੀਡੀਆ ਅਕਾਊਂਟ 'ਤੇ ਸਾਂਝੀ ਕੀਤੀ ਗਈ ਹੈ। ਕਪਿਲ ਨੂੰ ਮਿਲੇ ਇਸ ਸਨਮਾਨ ਨਾਲ ਉਹਨਾਂ ਦੇ ਪ੍ਰਸ਼ੰਸ਼ਕ ਅਤੇ ਪਰਿਵਾਰ ਵਾਲੇ ਬਹੁਤ ਖੁਸ਼ ਹਨ।
