ਕਮੇਡੀ ਕਿੰਗ ਕਪਿਲ ਸ਼ਰਮਾ ਦੇ ਘਰ ਆਉਣ ਵਾਲੀ ਹੈ ਗੁੱਡ ਨਿਊਜ਼, ਗੱਲਾਂ-ਗੱਲਾਂ ਕਰ ਬੈਠੇ ਵੱਡਾ ਖੁਲਾਸਾ
ਕਮੇਡੀ ਕਿੰਗ ਕਪਿਲ ਸ਼ਰਮਾ ਛੇਤੀ ਹੀ ਪਾਪਾ ਬਣਨ ਵਾਲੇ ਹਨ । ਇਸ ਸਭ ਦਾ ਉਹਨਾਂ ਨੇ ਗੱਲਾਂ-ਗੱਲਾਂ ਵਿੱਚ ਖੁਲਾਸਾ ਵੀ ਕਰ ਦਿੱਤਾ ਹੈ ।ਦਰਅਸਲ ਅਕਸ਼ੈ ਕੁਮਾਰ ਨੇ ਵੀਰਵਾਰ ਨੂੰ ਆਪਣੀ ਫ਼ਿਲਮ ਗੁੱਡ ਨਿਊਜ਼ ਦਾ ਫਸਟ ਲੁਕ ਜਾਰੀ ਕੀਤਾ ਸੀ। ਇਹ ਫਿਲਮ ਆਈਵੀਐਫ ਜ਼ਰੀਏ ਹੋਣ ਵਾਲੀ ਪ੍ਰੈਗਨੈਂਸੀ ਦੇ ਵਿਸ਼ੇ 'ਤੇ ਅਧਾਰਿਤ ਹੈ।
https://twitter.com/KapilSharmaK9/status/1194909158446792705
ਫ਼ਿਲਮ ਦੇ ਪੋਸਟਰਾਂ 'ਤੇ ਕਰੀਨਾ ਕਪੂਰ ਅਤੇ ਕਿਆਰਾ ਅਡਵਾਨੀ ਨੂੰ ਗਰਭਵਤੀ ਅਵਸਥਾ ਵਿਚ ਦਿਖਾਇਆ ਗਿਆ ਹੈ। ਇਸ ਪੋਸਟਰ ਤੇ ਕਮੈਂਟ ਕਰਦੇ ਹੋਏ ਕਪਿਲ ਨੇ ਆਪਣਾ ਰਾਜ਼ ਵੀ ਖੋਲ ਦਿੱਤਾ। ਕਪਿਲ ਨੇ ਲਿਖਿਆ : ਵਧਾਈ ਹੋਵੇ ਭਾਜੀ। ਪੋਸਟਰ ਬਹੁਤ ਵਧੀਆ ਦਿਖ ਰਿਹਾ ਹੈ ਪਰ ਮੇਰੀ ਗੁੱਡ ਨਿਊਜ਼ ਤੁਹਾਡੀ ਗੁੱਡ ਨਿਊਜ਼ ਤੋਂ ਪਹਿਲਾਂ ਆ ਰਹੀ ਹੈ।
ਕਪਿਲ ਦੇ ਇਸ ਖੁਲਾਸੇ ਦਾ ਜਵਾਬ ਦਿੰਦੇ ਹੋਏ ਅਕਸ਼ੈ ਨੇ ਲਿਖਿਆ : ਕਮਾਲ ਕਰ ਦਿੱਤਾ ਸ਼ਰਮਾ ਜੀ। ਤੁਹਾਡੀ ਗੁੱਡ ਨਿਊਜ਼ ਲਈ ਦਿਲ ਤੋਂ ਮੁਬਾਰਕਬਾਦ। ਦੱਸ ਦੇਈਏ ਕਿ ਗੁੱਡ ਨਿਊਜ਼ 27 ਦਸੰਬਰ ਨੂੰ ਰਿਲੀਜ਼ ਹੋ ਰਹੀ ਹੈ। ਜ਼ਾਹਰ ਹੈ ਕਿ ਕਪਿਲ ਦੇ ਪਾਪਾ ਬਣਨ ਵਿਚ ਹੁਣ ਬਹੁਤਾ ਸਮਾਂ ਨਹੀਂ ਹੈ।
https://twitter.com/akshaykumar/status/1194925622939701250