ਫ਼ਿਲਮ ‘ਪਲ ਪਲ ਦਿਲ ਕੇ ਪਾਸ’ ਦੀ ਸਕਰੀਨਿੰਗ ’ਤੇ ਪੋਤੇ ਕਰਣ ਦਿਓਲ ਦਾ ਹੌਂਸਲਾ ਵਧਾਉਣ ਪਹੁੰਚੀ ਪ੍ਰਕਾਸ਼ ਕੌਰ

ਕਰਣ ਦਿਓਲ ਨੇ ਫ਼ਿਲਮ ਪਲ ਪਲ ਦਿਲ ਕੇ ਪਾਸ ਰਾਹੀਂ ਬਾਲੀਵੁੱਡ ਵਿੱਚ ਐਂਟਰੀ ਕਰ ਲਈ ਹੈ । ਕਰਣ ਸੰਨੀ ਦਿਓਲ ਦੇ ਬੇਟਾ ਹੈ ਤੇ ਧਰਮਿੰਦਰ ਦਾ ਪੋਤਾ ਹੈ । 20 ਸਤੰਬਰ ਨੂੰ ਫ਼ਿਲਮ ਰਿਲੀਜ਼ ਹੋ ਗਈ ਹੈ ਜਦੋਂ ਕਿ ਵੀਰਵਾਰ ਨੂੰ ਫ਼ਿਲਮ ਦੀ ਸਕਰੀਨਿੰਗ ਰੱਖੀ ਗਈ ਸੀ । ਇਸ ਸਕਰੀਨਿੰਗ ਤੇ ਪੂਰੇ ਦਿਓਲ ਪਰਿਵਾਰ ਸਮੇਤ ਬਾਲੀਵੁੱਡ ਦੇ ਕਈ ਸਿਤਾਰੇ ਪਹੁੰਚੇ ਸਨ ।

https://www.instagram.com/p/B2n8PJcgI9s/

ਖ਼ਾਸ ਗੱਲ ਇਹ ਸੀ ਕਿ ਇਸ ਮੌਕੇ ਤੇ ਧਰਮਿੰਦਰ ਦੀ ਪਹਿਲੀ ਪਤਨੀ ਪ੍ਰਕਾਸ਼ ਕੌਰ ਵੀ ਪੋਤੇ ਦੀ ਫ਼ਿਲਮ ਦੇਖਣ ਲਈ ਪਹੁੰਚੀ ਸੀ । ਤੁਹਾਨੂੰ ਦੱਸ ਦਿੰਦੇ ਹਾਂ ਕਿ ਪ੍ਰਕਾਸ਼ ਕੌਰ ਧਰਮਿੰਦਰ ਦੀ ਪਹਿਲੀ ਪਤਨੀ ਹੈ ਤੇ ਦੋਹਾਂ ਦੀ 1954 ਵਿੱਚ ਅਰੇਂਜ ਮੈਰਿਜ ਹੋਈ ਸੀ । ਦੋਹਾਂ ਦੇ ਚਾਰ ਬੱਚੇ ਸੰਨੀ, ਬੌਬੀ, ਵਿਜੇਤਾ ਤੇ ਅਜਿਤਾ ਹੈ ।

https://www.instagram.com/p/B2n7ifXgssg/

1979 ਵਿੱਚ ਧਰਮਿੰਦਰ ਨੇ ਇਸਲਾਮ ਧਰਮ ਅਪਣਾ ਕੇ ਹੇਮਾ ਮਾਲਿਨੀ ਨਾਲ ਵਿਆਹ ਕਰ ਲਿਆ ਸੀ ਪਰ ਧਰਮਿੰਦਰ ਨੇ ਆਪਣੀ ਪਹਿਲੀ ਪਤਨੀ ਪ੍ਰਕਾਸ਼ ਕੌਰ ਨੂੰ ਤਲਾਕ ਨਹੀਂ ਸੀ ਦਿੱਤਾ ।

ਪ੍ਰਕਾਸ਼ ਕੌਰ ਲਾਈਮ ਲਾਈਟ ਤੋਂ ਦੂਰ ਰਹਿੰਦੀ ਹੈ । ਪਰ ਪੋਤੇ ਦਾ ਹੌਂਸਲਾ ਵਧਾਉਣ ਲਈ ਉਹ ਇੱਥੇ ਪਹੁੰਚੀ । ਧਰਮਿੰਦਰ ਤੇ ਪ੍ਰਕਾਸ਼ ਕੌਰ ਸਕਰੀਨਿੰਗ ਦੌਰਾਨ ਵੱਖ ਵੱਖ ਪਹੁੰਚੇ ਜਦੋਂ ਕਿ ਹੇਮਾ ਮਾਲਿਨੀ ਇੱਥੋਂ ਗਾਇਬ ਰਹੀ ।