ਕਰਤਾਰ ਚੀਮਾ ਨੇ ਫੈਨਜ਼ ਨੂੰ ਦਿੱਤਾ ਵੱਡਾ ਤੋਹਫਾ, ਸ਼ੇਅਰ ਕੀਤਾ ਨਵੀਂ ਫ਼ਿਲਮ ‘ਡਿਫਾਲਟਰ’ ਦਾ ਫਰਸਟ ਲੁੱਕ
ਪੰਜਾਬੀ ਅਦਾਕਾਰ ਕਰਤਾਰ ਚੀਮਾ ਜਿਨ੍ਹਾਂ ਨੇ ਇੰਸਟਾਗ੍ਰਾਮ ਉੱਤੇ ਆਪਣੇ ਫੈਨਜ਼ ਦੇ ਨਾਲ ਵੱਡੀ ਖੁਸ਼ਖਬਰੀ ਸਾਂਝੀ ਕੀਤੀ ਹੈ। ਜੀ ਹਾਂ ਪਿਛਲੇ ਸਾਲ ਸਿਕੰਦਰ 2 ਵਰਗੀ ਹਿੱਟ ਫ਼ਿਲਮ ਦੇਣ ਵਾਲੇ ਕਰਤਾਰ ਚੀਮਾ ਬਹੁਤ ਜਲਦ ਡਿਫਾਲਟਰ ਟਾਈਟਲ ਹੇਠ ਬਨਣ ਜਾ ਰਹੀ ਫ਼ਿਲਮ ‘ਚ ਨਜ਼ਰ ਆਉਣ ਵਾਲੇ ਨੇ।
ਜੀ ਹਾਂ ਪੋਸਟਰ ਸ਼ੇਅਰ ਕਰਦੇ ਹੋਏ ਉਨ੍ਹਾਂ ਨੇ ਲਿਖਿਆ ਹੈ, ‘ਤੁਹਾਡੇ ਸਿਕੰਦਰ ਨੂੰ ਲੋਕੀ ਹੁਣ ਡਿਫਾਲਟਰ ਆਖ ਦੇ ਨੇ! ਅਨਾਉਂਸਿੰਗ ਮੇਰੀ ਅਗਲੀ ਆਉਣ ਵਾਲੀ ਫ਼ਿਲਮ ਡਿਫਾਲਟਰ(Defaulter).... ਉਹ ਆਦਮੀ ਜੋ ਹੱਕ ਲਈ ਖੜ੍ਹਾ ਸੀ ਪਰ ਆਪਣੇ ਆਪ ਨਾਲ ਕੀਤੀ ਬੇਇਨਸਾਫੀ..!'
ਡਿਫਾਲਟਰ ਫ਼ਿਲਮ ਇਸੇ ਸਾਲ ਸਿਨੇਮਾ ਘਰਾਂ ਦਾ ਸ਼ਿੰਗਾਰ ਬਣੇਗੀ। ਪਰ ਅਜੇ ਫ਼ਿਲਮ ਦੀ ਰਿਲੀਜ਼ ਡੇਟ ਤੇ ਬਾਕੀ ਸਟਾਰ ਕਾਸਟ ਬਾਰੇ ਕੋਈ ਖੁਲਾਸਾ ਨਹੀਂ ਕੀਤਾ ਗਿਆ ਹੈ। ਇਸ ਫ਼ਿਲਮ ਨੂੰ ਡਾਇਰੈਕਟ ਕਰਨਗੇ ਅਵਤਾਰ ਸਿੰਘ। ਫ਼ਿਲਮ ਨੂੰ ਪ੍ਰੋਡਿਊਸ ਕਰ ਰਹੇ ਨੇ ਮਾਨਸੀ ਸਿੰਘ,ਗੁਰਜੀਤ ਸਿੰਘ, Apoorv Ghai, ਸਰਬ ਗਿੱਲ, ਰਣਜੀਵ ਸਿੰਘ। ਇਸ ਫ਼ਿਲਮ ਨੂੰ ਲੈ ਕੇ ਫੈਨਜ਼ ਚ ਕਾਫੀ ਉਤਸ਼ਾਹ ਦੇਖਣ ਨੂੰ ਮਿਲ ਰਿਹਾ ਹੈ।