ਪੰਜਾਬ ਦੀ ਧੀ ਕਿਰਨ ਖੇਰ ਕੌਮੀ ਪੱਧਰ ਦੀ ਰਹੀ ਹੈ ਖਿਡਾਰਨ, ਇਸ ਪੰਜਾਬੀ ਫ਼ਿਲਮ ਨਾਲ ਸ਼ੁਰੂ ਹੋਇਆ ਸੀ ਫ਼ਿਲਮੀ ਸਫ਼ਰ 

ਥਿਏਟਰ ਤੋਂ ਅਦਾਕਾਰੀ ਦੀ ਸ਼ੁਰੂਆਤ ਕਰ, ਫ਼ਿਲਮਾਂ ਤੇ ਟੀਵੀ ਦੀ ਦੁਨੀਆਂ ਵਿੱਚ ਆਪਣੀ ਛਾਪ ਛੱਡਣ ਵਾਲੀ ਅਦਾਕਾਰਾ ਕਿਰਨ ਖੇਰ ਬਹੁਪੱਖੀ ਹੁਨਰ ਦੀ ਮਾਲਕ ਹੈ । ਕਿਰਨ ਖੇਰ ਨੇ ਖੇਡਾਂ, ਅਦਾਕਾਰੀ ਤੇ ਸਿਆਸਤ ਸਮੇਤ ਹਰ ਖੇਤਰ ਵਿੱਚ ਵੱਡੀਆਂ ਮੱਲਾਂ ਮਾਰੀਆਂ ਹਨ । ਇਸ ਆਰਟੀਕਲ ਵਿੱਚ ਉਹਨਾਂ ਨਾਲ ਜੁੜੀਆਂ ਕੁਝ ਦਿਲਚਸਪ ਗੱਲਾਂ ਤੁਹਾਨੂੰ ਦੱਸਾਂਗੇ । ਕਿਰਨ ਖੇਰ ਦਾ ਜਨਮ 14 ਜੂਨ 1955 ਨੂੰ ਪੰਜਾਬ ਵਿੱਚ ਹੋਇਆ ਸੀ । ਕਿਰਨ ਖੇਰ ਦੇ ਪਿਤਾ ਠਾਕਰ ਸਿੰਘ ਸੰਧੂ ਭਾਰਤੀ ਫੌਜ ਵਿੱਚ ਕਰਨਲ ਦੇ ਅਹੁਦੇ ਤੇ ਤਾਇਨਾਤ ਸਨ ।

kirron-kher-father

ਕਿਰਨ ਦੇ ਜਨਮ ਤੋਂ ਬਾਅਦ ਉਹਨਾਂ ਦਾ ਪੂਰਾ ਪਰਿਵਾਰ ਚੰਡੀਗੜ੍ਹ ਚਲਾ ਗਿਆ ਸੀ । ਚੰਡੀਗੜ੍ਹ ਵਿੱਚ ਹੀ ਕਿਰਨ ਦੀ ਪਰਵਰਿਸ਼ ਹੋਈ ਸੀ । ਕਿਰਨ ਨੇ 1973  ਵਿੱਚ ਪੰਜਾਬ ਯੂਨੀਵਰਸਿਟੀ ਤੋਂ ਥਿਏਟਰ ਵਿੱਚ ਬੈਚਲਰ ਡਿਗਰੀ ਕੀਤੀ ਸੀ । ਕਿਰਨ ਦੀ ਭੈਣ ਕੰਵਰ ਠੱਕਰ ਕੌਰ ਬੈਂਡਮਿਟਨ ਦੀ ਮਸ਼ਹੂਰ ਖਿਡਾਰਨ ਰਹੀ ਹੈ । ਕਿਰਨ ਦੇ ਭਰਾ ਅਮਰਦੀਪ ਦੀ ਇੱਕ ਹਾਦਸੇ ਵਿੱਚ ਮੌਤ ਹੋ ਗਈ ਸੀ । ਬੈਚਲਰ ਡਿਗਰੀ ਤੋਂ ਬਾਅਦ ਕਿਰਨ ਦਾ ਵਿਆਹ ਕਾਰੋਬਾਰੀ ਗੌਤਮ ਬੇਰੀ ਨਾਲ ਹੋ ਗਿਆ ਸੀ ।

kirron-kher

ਵਿਆਹ ਤੋਂ ਬਾਅਦ ਦੋਹਾਂ ਦੇ ਘਰ ਬੇਟੇ ਸਿਕੰਦਰ ਨੇ ਜਨਮ ਲਿਆ ਪਰ ਇਹ ਵਿਆਹ ਜ਼ਿਆਦਾ ਚਿਰ ਟਿਕ ਨਹੀਂ ਸਕਿਆ । ਇਸ ਤੋਂ ਬਾਅਦ ਕਿਰਨ ਮੁੰਬਈ ਆ ਗਈ । ਫ਼ਿਲਮਾਂ ਦੁਨੀਆਂ ਵਿੱਚ ਪੈਰ ਜਮਾਉਣ ਲਈ ਕਿਰਨ ਨੇ ਕਾਫੀ ਸੰਘਰਸ਼ ਕੀਤਾ । ਇਸ ਸੰਘਰਸ਼ ਦੌਰਾਨ ਹੀ ਉਹਨਾਂ ਦੀ ਦੋਸਤੀ ਅਨੁਪਮ ਖੇਰ ਨਾਲ ਹੋ ਗਈ । ਨਾਦਿਰਾ ਬੱਬਰ ਦੇ ਨਾਟਕ 'ਚਾਂਦਪੁਰੀ ਕੀ ਚੰਪਾਬਾਈ' ਦੌਰਾਨ ਕਿਰਨ ਤੇ ਅਨੁਪਮ ਵਿਚਾਲੇ ਨਜ਼ਦੀਕੀਆਂ ਵੱਧ ਗਈਆਂ ਤੇ ਦੋਹਾਂ ਨੇ ਵਿਆਹ ਕਰ ਲਿਆ ।

kirron-kher

ਕਿਰਨ ਖੇਰ ਵਧੀਆ ਅਦਾਕਾਰਾ ਹੋਣ ਦੇ ਨਾਲ ਨਾਲ ਬੈਂਡਮਿਟਨ ਦੀ ਕੌਮੀ ਪੱਧਰ ਦੀ ਖਿਡਾਰਨ ਵੀ ਰਹਿ ਚੁੱਕੀ ਹੈ । ਕਿਰਨ ਨੇ ਦੀਪਿਕਾ ਪਾਦੂਕੋਣ ਦੇ ਪਿਤਾ ਪ੍ਰਕਾਸ਼ ਪਾਦੁਕੋਣ ਦੇ ਨਾਲ ਕੌਮੀ ਪੱਧਰ ਤੇ ਬੈਂਡਮਿੰਟਨ ਖੇਡਿਆ ਹੈ । ਕਿਰਨ ਖੇਰ ਨੇ ਆਪਣਾ ਫ਼ਿਲਮੀ ਕਰੀਅਰ 1973 ਵਿੱਚ ਬਣੀ ਪੰਜਾਬੀ ਫ਼ਿਲਮ 'ਅਸਰ ਪਿਆਰ ਦਾ' ਨਾਲ ਸ਼ੁਰੂ ਕੀਤਾ ਸੀ । ਇਸ ਫ਼ਿਲਮ ਵਿੱਚ ਕੰਮ ਕਰਨ ਲਈ ਕਿਰਨ ਨੂੰ ਕੌਮੀ ਅਵਾਰਡ ਵੀ ਮਿਲਿਆ ਸੀ ।

https://www.youtube.com/watch?v=Z2m09mQxdM8

ਇਸ ਤੋਂ ਇਲਾਵਾ ਉਹਨਾਂ ਨੇ ਬਾਲੀਵੁੱਡ ਦੀਆਂ ਕਈ ਫ਼ਿਲਮਾਂ ਵਿੱਚ ਕੰਮ ਕੀਤਾ । ਦੇਵਦਾਸ ਵਿੱਚ ਉਹਨਾਂ ਦੇ ਕਿਰਦਾਰ ਨੂੰ ਕਾਫੀ ਪਸੰਦ ਕੀਤਾ ਗਿਆ । ਕਿਰਨ ਖੇਰ ਇੱਕ ਸਮਾਜ ਸੇਵੀ ਵੀ ਹਨ । ਉਹ ਭਰੂਣ ਹੱਤਿਆ ਰੋਕਣ ਲਈ ਲਾਡਲੀ ਨਾਂ ਦੀ ਸੰਸਥਾ ਚਲਾ ਰਹੇ ਹਨ । ਇਸ ਤੋਂ ਇਲਵਾ ਉਹ ਹੋਰ ਵੀ ਕਈ ਸੰਸਥਾਵਾਂ ਚਲਾ ਰਹੇ ਹਨ । ਕਿਰਨ ਖੇਰ ਨੇ 2009 ਵਿੱਚ ਆਪਣਾ ਸਿਆਸੀ ਸਫ਼ਰ ਸ਼ੁਰੂ ਕੀਤਾ ਸੀ ।