ਦੁਰਗਾ ਰੰਗੀਲਾ ਨੇ 'ਕਾਲੀ ਗਾਨੀ ਮਿੱਤਰਾਂ ਦੀ' ਵਰਗੇ ਦਿੱਤੇ ਹਿੱਟ ਗੀਤ,ਬਾਲੀਵੁੱਡ 'ਚ ਵੀ ਮਨਵਾ ਚੁੱਕੇ ਆਪਣੀ ਗਾਇਕੀ ਦਾ ਲੋਹਾ, ਇਸ ਮੰਤਰੀ ਨੇ ਦਿੱਤਾ ਸੀ ਰੰਗੀਲਾ ਨਾਂਅ  

ਦੁਰਗਾ ਰੰਗੀਲਾ ਨੇ ਗਾਇਕੀ ਦਾ ਹਰ ਦੌਰ ਵੇਖਿਆ ਹੈ ਪਰ ਉਨ੍ਹਾਂ ਦਾ ਕਹਿਣਾ ਹੈ ਕਿ ਉਹ ਆਪਣੀ ਲੀਕ ਤੋਂ ਹਟ ਕੇ ਕਦੇ ਵੀ ਕੁਝ ਅਜਿਹਾ ਨਹੀਂ ਗਾਉਣਗੇ ਜਿਸ ਨਾਲ ਪੰਜਾਬੀ ਸੱਭਿਆਚਾਰ ਨੂੰ ਢਾਹ ਲੱਗੇ ।

ਉਨ੍ਹਾਂ ਦਾ ਗੀਤ 'ਕਾਲੀ ਗਾਨੀ ਮਿੱਤਰਾਂ ਦੀ' ਕਾਫੀ ਮਕਬੂਲ ਹੋਇਆ ਸੀ ਅਤੇ ਸਰੋਤੇ ਅੱਜ ਵੀ ਇਸ ਗੀਤ ਨੂੰ ਸੁਣਦੇ ਹਨ । ਵਿਹਲੇ ਸਮੇਂ 'ਚ ਦੁਰਗਾ ਰੰਗੀਲਾ ਆਪਣੇ ਬੱਚਿਆਂ ਨਾਲ ਘੁੰਮਣਾ ਫਿਰਨਾ ਪਸੰਦ ਕਰਦੇ ਨੇ ਅਤੇ ਪਰਿਵਾਰ ਨਾਲ ਸਮਾਂ ਬਿਤਾਉਣਾ ਚੰਗਾ ਲੱਗਦਾ ਹੈ । ਇਸ ਤੋਂ ਇਲਾਵਾ ਵਿਹਲੇ ਸਮੇਂ 'ਚ ਉਹ ਰਿਆਜ਼ ਕਰਨਾ ਪਸੰਦ ਕਰਦੇ ਹਨ ।ਦੁਰਗਾ ਰੰਗੀਲਾ ਜਿਨ੍ਹਾਂ ਨੇ ਕਲਾਸੀਕਸਲ ਸੰਗੀਤ ਤੋਂ ਲੈ ਕੇ ਲੋਕ ਗੀਤਾਂ ਦੀ ਹਰ ਵੰਨਗੀ ਨੂੰ ਗਾਇਆ ਹੈ ।