Ram Setu OTT Release date, OTT Platform: ਸਿਨੇਮਾਘਰਾਂ 'ਚ ਧਮਾਲ ਮਚਾਉਣ ਤੋਂ ਬਾਅਦ ਹੁਣ ਅਕਸ਼ੇ ਕੁਮਾਰ ਅਤੇ ਜੈਕਲੀਨ ਫਰਨਾਂਡੀਜ਼ ਸਟਾਰਰ ਫ਼ਿਲਮ 'ਰਾਮ ਸੇਤੂ' ਓਟੀਟੀ 'ਤੇ ਰਿਲੀਜ਼ ਹੋਣ ਜਾ ਰਹੀ ਹੈ। ਅਭਿਸ਼ੇਕ ਸ਼ਰਮਾ ਦੁਆਰਾ ਨਿਰਦੇਸ਼ਤ, ਫ਼ਿਲਮ 25 ਅਕਤੂਬਰ 2022 ਨੂੰ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਈ ਸੀ। ਇਹ ਫ਼ਿਲਮ ਸਿਨੇਮਾਘਰਾਂ 'ਚ 150 ਕਰੋੜ ਰੁਪਏ ਦਾ ਕਾਰੋਬਾਰ ਕਰਨ 'ਚ ਕਾਮਯਾਬ ਰਹੀ। ਹੁਣ ਤੁਸੀਂ ਆਪਣੇ ਸਮਾਰਟ ਟੀਵੀ ਜਾਂ ਮੋਬਾਈਲ ਫੋਨ 'ਤੇ ਘਰ ਬੈਠੇ ਇਸ ਫ਼ਿਲਮ ਦਾ ਆਨੰਦ ਲੈ ਸਕਦੇ ਹੋ।
Image Source: Twitterਹੋਰ ਪੜ੍ਹੋ : ਕੀ ਜਲਦ ਹੀ ਮੰਮੀ-ਪਾਪਾ ਬਣਨ ਵਾਲੇ ਨੇ ਦ੍ਰਿਸ਼ਟੀ ਗਰੇਵਾਲ ਤੇ ਅਭੈ ਅਤਰੀ? ਇਸ ਪੋਸਟ ‘ਤੇ ਪ੍ਰਸ਼ੰਸਕ ਦੇ ਰਹੇ ਨੇ ਵਧਾਈਆਂ
ਇਹ ਫ਼ਿਲਮ 23 ਦਸੰਬਰ ਨੂੰ ਓਟੀਟੀ ਪਲੇਟਫਾਰਮ ਐਮਾਜ਼ਾਨ ਪ੍ਰਾਈਮ ਵੀਡੀਓ 'ਤੇ ਮੁਫਤ ਉਪਲਬਧ ਹੋਵੇਗੀ। ਦਰਅਸਲ, ਪਹਿਲਾਂ ਇਹ ਫ਼ਿਲਮ ਐਮਾਜ਼ਾਨ 'ਤੇ ਉਪਲਬਧ ਸੀ ਪਰ ਕਿਰਾਏ 'ਤੇ ਸੀ। ਤੁਸੀਂ ਭੁਗਤਾਨ ਕਰਨ ਤੋਂ ਬਾਅਦ ਫ਼ਿਲਮ ਦੇਖ ਸਕਦੇ ਹੋ, ਪਰ ਹੁਣ ਤੁਸੀਂ 23 ਤੋਂ ਮੁਫਤ ਫ਼ਿਲਮ ਦੇਖ ਸਕੋਗੇ। ਬਾਲੀਵੁੱਡ ਅਭਿਨੇਤਾ ਅਕਸ਼ੇ ਕੁਮਾਰ ਨੇ ਖੁਦ ਸੋਸ਼ਲ ਮੀਡੀਆ ਪੋਸਟ ਰਾਹੀਂ ਪ੍ਰਸ਼ੰਸਕਾਂ ਨੂੰ ਇਹ ਜਾਣਕਾਰੀ ਦਿੱਤੀ ਹੈ।
image source: Instagramਅਕਸ਼ੇ ਕੁਮਾਰ ਨੇ ਫ਼ਿਲਮ 'ਰਾਮ ਸੇਤੂ' ਦਾ ਪੋਸਟਰ ਸ਼ੇਅਰ ਕੀਤਾ ਹੈ, ਜਿਸ 'ਚ ਉਨ੍ਹਾਂ ਨੇ ਕੈਪਸ਼ਨ 'ਚ ਲਿਖਿਆ- ‘23 ਦਸੰਬਰ ਤੋਂ ਇਸ ਰੋਮਾਂਚਿਕ ਯਾਤਰਾ 'ਤੇ ਸਾਡੇ ਨਾਲ ਆਓ, ਕਿਉਂਕਿ 'ਰਾਮ ਸੇਤੂ' ਅਮੇਜ਼ਨ ਪ੍ਰਾਈਮ 'ਤੇ ਆ ਰਹੀ ਹੈ’।
image source: Instagramਅਕਸ਼ੇ ਕੁਮਾਰ ਦੀ ਇਹ ਮਲਟੀਸਟਾਰਰ ਫ਼ਿਲਮ ਭਾਰਤ ਅਤੇ ਸ਼੍ਰੀਲੰਕਾ ਦੇ ਵਿਚਕਾਰ ਸਮੁੰਦਰ ਵਿੱਚ ਮੌਜੂਦ ਢਾਂਚੇ ਬਾਰੇ ਹੈ ਜਿਸਨੂੰ 'ਰਾਮ ਸੇਤੂ' ਕਿਹਾ ਜਾਂਦਾ ਹੈ। ਫ਼ਿਲਮ 'ਚ 'ਰਾਮ ਸੇਤੂ' ਦੀ ਅਸਲੀਅਤ ਨੂੰ ਘੋਖਣ ਦੀ ਕੋਸ਼ਿਸ਼ ਕੀਤੀ ਗਈ ਹੈ। ਫ਼ਿਲਮ ਦੀ ਕਹਾਣੀ ਕਾਲਪਨਿਕ ਹੈ ਪਰ ਇਸ ਦੇ ਜ਼ਰੀਏ ਨਿਰਮਾਤਾਵਾਂ ਨੇ ਡੂੰਘੀ ਖੋਜ ਅਤੇ ਤੱਥ ਸਾਹਮਣੇ ਰੱਖੇ ਹਨ ਜੋ 'ਰਾਮ ਸੇਤੂ' ਦੇ ਮਿਥਿਹਾਸਕ ਸਬੰਧ ਨੂੰ ਸਥਾਪਿਤ ਕਰਦੇ ਹਨ।
View this post on Instagram
