LIVE:
ਗੁਰੂ ਦੀ ਰਾਹ 'ਤੇ ਚੇਲਾ, ਗੈਰੀ ਸੰਧੂ ਵਾਂਗ ਜੀ ਖ਼ਾਨ ਨੇ ਵੀ ਖੁਣਵਾਏ ਮਾਤਾ ਪਿਤਾ ਦੇ ਨਾਮ ਦੇ ਟੈਟੂ, ਦੇਖੋ ਵੀਡੀਓ
ਜੀ ਖ਼ਾਨ ਪੰਜਾਬ ਦਾ ਨਾਮੀ ਅਤੇ ਬੇਹੱਦ ਸੁਰੀਲਾ ਗਾਇਕ ਜਿੰਨ੍ਹਾਂ ਦੇ ਲਾਈਵ ਅਖਾੜਿਆਂ ਨੂੰ ਵੱਡੇ ਫ਼ਨਕਾਰ ਵੀ ਬੈਠ ਕੇ ਮਾਣਦੇ ਹਨ। ਜੀ ਖ਼ਾਨ ਗੈਰੀ ਸੰਧੂ ਨੂੰ ਆਪਣਾ ਉਸਤਾਦ, ਗੁਰੂ ਰੱਬ ਸਭ ਕੁਝ ਮੰਨਦੇ ਹਨ ਕਿਉਂਕਿ ਉਹਨਾਂ ਨੂੰ ਸਟੇਜ ਦੇ ਪਿੱਛੇ ਤੋਂ ਅੱਗੇ ਲਿਆਉਣ ਵਾਲੇ ਗੈਰੀ ਸੰਧੂ ਹੀ ਹਨ। ਜੀ ਖ਼ਾਨ ਗੈਰੀ ਸੰਧੂ ਦੇ ਚੇਲੇ ਹਨ ਤਾਂ ਲਾਜ਼ਮੀ ਹੈ ਉਹਨਾਂ ਦੇ ਤੌਰ ਤਰੀਕਿਆਂ ਨੂੰ ਵੀ ਆਪਣੀ ਜ਼ਿੰਦਗੀ 'ਚ ਵਰਤਦੇ ਹਨ।
ਆਪਣੇ ਗੁਰੂ ਦੀ ਤਰ੍ਹਾਂ ਹੁਣ ਜੀ ਖ਼ਾਨ ਨੇ ਵੀ ਆਪਣੇ ਮਾਤਾ ਪਿਤਾ ਦੇ ਨਾਮ ਦਾ ਟੈਟੂ ਆਪਣੀ ਪਿੱਠ 'ਤ ਖੁਣਵਾ ਲਿਆ ਹੈ ਜਿਸ ਦਾ ਵੀਡੀਓ ਵੀ ਉਹਨਾਂ ਸਾਂਝਾ ਕੀਤਾ ਹੈ। ਜੀ ਖ਼ਾਨ ਨੇ ਮਾਂ ਅਨਵਰੀ ਅਤੇ ਪਿਤਾ ਰਫੀਕ ਮੁਹੰਮਦ ਦੇ ਨਾਮ ਦਾ ਟੈਟੂ ਬਣਵਾਇਆ ਹੈ। ਜੀ ਖ਼ਾਨ ਦਾ ਇਹ ਵੀਡੀਓ ਸੋਸ਼ਲ ਮੀਡੀਆ 'ਤੇ ਕਾਫੀ ਵਾਇਰਲ ਹੋ ਰਿਹਾ ਹੈ।
ਹੋਰ ਵੇਖੋ : ਦਿਲ ਦਾ ਦਰਦ ਬਿਆਨ ਕਰਦਾ ਹੈ ਜੀ ਖ਼ਾਨ ਦਾ ਇਹ ਖ਼ੂਬਸੂਰਤ ਗੀਤ, ਦੇਖੋ ਵੀਡੀਓ
ਪੰਜਾਬੀ ਇੰਡਸਟਰੀ 'ਚ ਟੈਟੂ ਬਨਵਾਉਣ ਦਾ ਟਰੈਂਡ ਕਾਫੀ ਚਰਚਾ 'ਚ ਹੈ। ਬਹੁਤ ਸਾਰੇ ਗਾਇਕਾਂ ਨੇ ਆਪਣੇ ਕਰੀਬੀਆਂ ਦੇ ਨਾਮ ਅਤੇ ਸ਼ਕਲਾਂ ਦੇ ਟੈਟੂ ਸ਼ਰੀਰ 'ਤੇ ਖੁਣਵਾਏ ਹਨ। ਗਾਇਕ ਗੈਰੀ ਸੰਧੂ ਨੇ ਵੀ ਆਪਣੇ ਮਾਤਾ ਪਿਤਾ ਨੂੰ ਹਮੇਸ਼ਾ ਆਪਣੇ ਨਾਲ ਰੱਖਣ ਲਈ ਉਹਨਾਂ ਦੇ ਨਾਮ ਦਾ ਟੈਟੂ ਆਪਣੀ ਧੌਣ 'ਤੇ ਖੁਣਵਾਇਆ ਹੈ ਜਿਸ ਦੀਆਂ ਤਸਵੀਰਾਂ ਵੀ ਸਾਹਮਣੇ ਆ ਚੁੱਕੀਆਂ ਹਨ। ਹੁਣ ਜ਼ਾਹਿਰ ਹੈ ਜਿਸ ਰਾਹ 'ਤੇ ਗੁਰੂ ਹੈ ਉਸੇ ਰਾਹ 'ਤੇ ਪਿੱਛੇ ਪਿੱਛੇ ਚੇਲਾ ਵੀ ਆ ਰਿਹਾ ਹੈ ਜਿਸ ਦੇ ਚਲਦਿਆਂ ਜੀ ਖ਼ਾਨ ਨੇ ਵੀ ਆਪਣੇ ਮਾਤਾ ਪਿਤਾ ਦਾ ਟੈਟੂ ਬਨਵਾਇਆ ਹੈ।
