ਅੱਜ ਹੈ ਮਨੀਸ਼ ਪੌਲ ਦਾ ਜਨਮ ਦਿਨ, ਸਲਮਾਨ ਖ਼ਾਨ ਨੇ ਇਸ ਤਰ੍ਹਾਂ ਬਦਲ ਦਿੱਤੀ ਜ਼ਿੰਦਗੀ
ਅਦਾਕਾਰ, ਵੀਜੇ, ਰੇਡੀਓ ਜੌਕੀ ਅਤੇ ਟੀਵੀ ਹੋਸਟ ਮਨੀਸ਼ ਪੌਲ ਅੱਜ ਆਪਣਾ 38 ਵਾਂ ਜਨਮ ਦਿਨ ਮਨਾ ਰਹੇ ਹਨ।ਮਨੀਸ਼ ਦਾ ਜਨਮ 1981 ਨੂੰ ਹੋਇਆ ਸੀ । ਮਨੀਸ਼ ਪੌਲ ਅਕਸਰ ਬਾਲੀਵੁੱਡ ਦੇ ਵੱਡੇ ਅਵਾਰਡ ਸ਼ੋਅ ਨੂੰ ਹੋਸਟ ਕਰਦੇ ਹੋਏ ਨਜ਼ਰ ਆਉਂਦੇ ਹਨ ਤੇ ਆਪਣੀ ਕਮੇਡੀ ਨਾਲ ਹਰ ਇੱਕ ਨੂੰ ਹਸਾਉਂਦੇ ਹਨ । ਮਨੀਸ਼ ਦੀ ਐਂਕਰਿੰਗ ਦੇ ਨਾਲ ਨਾਲ ਲੋਕ ਉਹਨਾਂ ਦੀ ਅਦਾਕਾਰੀ ਨੂੰ ਵੀ ਪਸੰਦ ਕਰਦੇ ਹਨ ।
https://www.instagram.com/p/Bz5ZBH4DiuU/
ਇੱਥੇ ਹੀ ਬਸ ਨਹੀਂ ਮਨੀਸ਼ ਪੌਲ ਸਲਮਾਨ ਖ਼ਾਨ ਦੇ ਵੀ ਫੈਵਰੇਟ ਹਨ । ਮਨੀਸ਼ ਨੇ ਸਲਮਾਨ ਦੇ 'ਦਬੰਗ ਦਾ ਟੂਰ' ਨੂੰ ਵਿਦੇਸ਼ ਵਿੱਚ ਹੋਸਟ ਕੀਤਾ ਸੀ । ਇਸ ਤੋਂ ਇਲਾਵਾ ਮਨੀਸ਼ ਅਕਸਰ ਵੱਡੇ ਚੈਨਲਾਂ ਦੇ ਸ਼ੋਅ ਨੂੰ ਹੋਸਟ ਕਰਦੇ ਹੋਏ ਨਜ਼ਰ ਆ ਜਾਂਦੇ ਹਨ । ਮਨੀਸ਼ ਦਿੱਲੀ ਦੇ ਪੰਜਾਬੀ ਪਰਿਵਾਰ ਨਾਲ ਸਬੰਧ ਰੱਖਦੇ ਹਨ । ਕਾਲਜ ਦੇ ਦਿਨਾਂ ਵਿੱਚ ਮਨੀਸ਼ ਸਕੂਲ ਤੇ ਦਿੱਲੀ ਕਾਲਜ ਵਿੱਚ ਹੋਣ ਵਾਲੇ ਪ੍ਰੋਗਰਾਮਾਂ ਨੂੰ ਅਕਸਰ ਹੋਸਟ ਕਰਦੇ ਸਨ ।
https://www.instagram.com/p/BvBZs6Xhd2j/
ਇਸ ਤੋਂ ਬਾਅਦ ਮਨੀਸ਼ ਨੂੰ ਸਾਲ 2੦੦2 ਵਿੱਚ ਇੱਕ ਨਿੱਜੀ ਚੈਨਲ ਦਾ ਪ੍ਰੋਗਰਾਮ Sunday Tango ਹੋਸਟ ਕਰਨ ਦਾ ਮੌਕਾ ਮਿਲਿਆ ਸੀ । ਉਹਨਾਂ ਨੇ ਇੱਕ ਹੋਰ ਮਿਊਜ਼ਿਕ ਚੈਨਲ ਵਿੱਚ ਵੀਜੇ ਦਾ ਕੰਮ ਵੀ ਕੀਤਾ ਹੈ । ਉਸ ਸਮੇਂ ਮਨੀਸ਼ ਦਾ ਵਜ਼ਨ ਕਾਫੀ ਜ਼ਿਆਦਾ ਸੀ । ਪਰ ਉਹਨਾਂ ਨੇ ਆਪਣਾ ਵਜ਼ਨ ਘਟਾ ਲਿਆ, ਜਿਸ ਦਾ ਕਰੈਡਿਟ ਉਹ ਸਲਮਾਨ ਖ਼ਾਨ ਨੂੰ ਦਿੰਦੇ ਹਨ ।
https://www.instagram.com/p/BzPjTa1joay/
ਮਨੀਸ਼ ਨੇ ਆਪਣੀ ਫ਼ਿਲਮ ਮਿੱਕੀ ਵਾਇਰਸ ਲਈ 14 ਕਿਲੋ ਵਜ਼ਨ ਘੱਟ ਕੀਤਾ ਸੀ ਤੇ ਇਸ ਤਰ੍ਹਾਂ ਕਰਨ ਲਈ ਮਨੀਸ਼ ਨੂੰ ਸਲਮਾਨ ਖ਼ਾਨ ਨੇ ਕਿਹਾ ਸੀ । ਮਨੀਸ਼ ਦੀ ਪਰਸ਼ਨਲ ਲਾਈਫ ਦੀ ਗੱਲ ਕੀਤੀ ਜਾਵੇ ਤਾਂ ਉਹਨਾਂ ਨੇ 2007 ਵਿੱਚ ਆਪਣੀ ਬਚਪਨ ਦੀ ਦੋਸਤ ਸੰਯੁਕਤਾ ਨਾਲ ਵਿਆਹ ਕਰ ਲਿਆ ਸੀ ।
https://www.instagram.com/p/BylBLO4BxEE/