ਫ਼ਿਲਮ "ਬਾਟਲਾ ਹਾਊਸ" ਵਿੱਚ ਜੌਨ ਅਬ੍ਰਾਹਮ ਨਾਲ ਮ੍ਰਿਣਾਲ ਠਾਕੁਰ ਆਏਗੀ ਨਜ਼ਰ
ਬਾਲੀਵੁੱਡ ਅਦਾਕਾਰਾ ਮ੍ਰਿਣਾਲ ਠਾਕੁਰ ਫ਼ਿਲਮਾਂ ਵਿੱਚ ਹੋਲੀ ਹੋਲੀ ਆਪਣਾ ਰੰਗ ਬਿਖੇਰਦੀ ਨਜ਼ਰ ਆ ਰਹੀ ਹੈ| ਹਾਲ ਹੀ ਵਿੱਚ ਮ੍ਰਿਣਾਲ ਨੂੰ ‘ਲਵ ਸੋਨੀਆ’ ਫ਼ਿਲਮ ‘ਚ ਦੇਖਿਆ ਗਿਆ ਸੀ| ਫ਼ਿਲਮ ਨੂੰ ਇੰਟਰਨੈਸ਼ਨਲ ਲੇਵਲ ‘ਤੇ ਭਰਵਾਂ ਹੁੰਗਾਰਾ ਮਿਲਿਆ ਸੀ। ਇਸ ਤੋਂ ਬਾਅਦ ਮ੍ਰਿਣਾਲ ਮਸ਼ਹੂਰ ਅਦਾਕਾਰ ਰਿਤਿਕ ਰੋਸ਼ਨ ਦੀ ਫ਼ਿਲਮ ‘ਸੂਪਰ 30’ ‘ਚ ਵੀ ਨਜ਼ਰ ਆਉਣ ਵਾਲੀ ਹੈ।
ਹੁਣ ਖ਼ਬਰ ਹੈ ਕਿ ਮ੍ਰਿਣਾਲ ਨੂੰ ਉਸ ਦਾ ਅਗਲਾ ਵੱਡਾ ਪ੍ਰੋਜੈਕਟ ਵੀ ਮਿਲ ਗਿਆ ਹੈ ਅਤੇ ਉਹ ਹੈ ਉਹਨਾਂ ਦੀ ਫ਼ਿਲਮ ‘ਬਾਟਲਾ ਹਾਉਸ’| ਜਿਸ ਵਿੱਚ ਉਹ ਜੌਨ ਅਬ੍ਰਾਹਮ ਨਾਲ ਮੁੱਖ ਕਿਰਦਾਰ ਨਿਭਾਉਂਦੀ ਨਜ਼ਰ ਆਏਗੀ| ਇਹ ਇੱਕ ਸੱਚੀ ਘਟਨਾ ‘ਤੇ ਅਧਾਰਤ ਹੈ| ਫ਼ਿਲਮ ਵਿੱਚ ਜੌਨ ਅਬ੍ਰਾਹਮ ਡੀਸੀਪੀ ਸੰਜੀਵ ਕੁਮਾਰ ਯਾਦਵ ਦਾ ਰੋਲ ਕਰਦੇ ਨਜ਼ਰ ਆਉਣਗੇ ਤੇ ਮ੍ਰਿਣਾਲ ਸੰਜੀਵ ਦੀ ਪਤਨੀ ਦਾ ਰੋਲ ਕਰੇਗੀ।
ਮ੍ਰਿਣਾਲ ਬਾਰੇ ਗੱਲ ਕਰਦੇ ਹੋਏ ਫ਼ਿਲਮ ਦੇ ਡਾਇਰੈਕਟਰ ਨਿਖਿਲ ਅਡਵਾਨੀ ਨੇ ਮੀਡੀਆ ਨੂੰ ਦੱਸਿਆ, "ੳਸ ਨੂੰ ਆਪਣੀ ਫ਼ਿਲਮ ਲਈ ਅਜਿਹੀ ਐਕਟਰਸ ਦੀ ਭਾਲ ਸੀ ਜਿਸ ਦੀ ਇੱਕੋ ਤਰ੍ਹਾਂ ਦੀ ਇਮੇਜ਼ ਨਾ ਹੋਵੇ ਤੇ ਜੋ ਪ੍ਰਭਾਵਸ਼ਾਲੀ ਵੀ ਹੋਵੇ। ਮ੍ਰਿਣਾਲ ਇਸ ਕਿਰਦਾਰ ਲਈ ਪ੍ਰਫੈਕਟ ਹੈ। ਅਸੀਂ ਫ਼ਿਲਮ ਦੀ ਸ਼ੂਟਿੰਗ 20 ਅਕਤੂਬਰ ਤੋਂ ਸ਼ੁਰੂ ਕਰ ਰਹੇ ਹਾਂ, ਜਦੋਂਕਿ ਮ੍ਰਿਣਾਲ ਕਰੂ ਨੂੰ 1 ਨਵੰਬਰ ਤੋਂ ਜੁਆਇਨ ਕਰੇਗੀ।"
https://twitter.com/nikkhiladvani/status/1051663415947788290